វិធី​ងាយៗ​ក្នុងការ​ចិញ្ចឹម​ត្រី​អណ្ដែង​ឱ្យ​ឆាប់​ធំ​

6349
ចែករម្លែក
  • 136
    Shares

​បច្ចេកទេស​នេះ​អាចអនុវត្ត​បាន​គ្រប់​រូបភាព​នៃ​ការចិញ្ចឹម មិន​ថា​បងប្អូន​កំពុង​ចិញ្ចឹម​ត្រី​អណ្ដែង​ក្នុង​អាង ក្នុង​ហា​ប៉ា​ដែលជា​សំណាញ់​ក្រឡា​ល្អិតៗ ក្នុង​ថង់​ប្លា​ស្ទិ​ច ឬ​ចិញ្ចឹម​ក្នុង​ទ្រុង នោះទេ​។ ប៉ុន្តែ​នៅពេល​បច្ចុប្បន្ននេះ កសិករ​ភាគច្រើន​ចិញ្ចឹម​ត្រី​អណ្ដែង​ក្នុង​អាង​ស៊ីម៉ង និង​ស្រះ​។ ការចិញ្ចឹម​ត្រី​អណ្ដែង​ក្នុង​អាង​មាន​លក្ខណៈ​ទំនើប​ជាង​ការចិញ្ចឹម​ក្នុង​ស្រះ ព្រោះ​ងាយស្រួល​បង្ហូរទឹក​ចេញ​-​ចូល និង​មិន​ខ្ជះខ្ជាយ​ចំណី​ត្រី​។ ប៉ុន្តែ​ការចិញ្ចឹម ក្នុង​អាង​ធ្វើឱ្យ​ត្រី​ងាយ​មាន​ជំងឺឆ្លង​។​


1. វិធី​ទិញ​កូន​ត្រី​អណ្ដែង​
-​ទិញ​កូន​ត្រី​អណ្ដែង​ដែលមាន​អាយុ​ចាប់ពី​១ ៤​ថ្ងៃ ទៅ ៤៥​ថ្ងៃ​
-​យក​កូន​ត្រី​ទាំងនោះ ប្រលែង​ក្នុង​អាង​បន្តិច​ម្ដងៗ ថ្ម​មៗ ដើម្បីឱ្យ​ត្រី​អា​ចប​ន្សុាំ​ខ្លួន​ទៅនឹង​ទឹក​ថ្មី​។​

2. ការឱ្យ​ចំណី​ត្រី​
-​ចំណី​ធម្មជាតិ​: ពពួក​ប្លង់តុង បាក់តេរី សត្វ​ស្រទាប់​បាត សត្វល្អិត កណ្ដៀរ និង​ដឹកដឿ​ជាដើម​
-​ចំណី​ផ្សំ​: ត្រូវយក​កន្ទក់ ចុងអង្ករ ពោត សណ្ដែកសៀង កូន​ត្រី សាច់​ក្ដាម ខ្យង ខ្ចៅ លៀស កំ​ពិស និង​កាកសំណល់​ផ្ទះបាយ​ដូចជា ពោះ​ត្រី ពោះវៀន​មាន់ ត្រ​គួ​ន និង​ស្ពៃ​។ ប៉ុន្តែ​បើ​ចង់ឱ្យ​ត្រី​ឆាប់​ធំ​លឿន ត្រូវ​ផ្ដល់​ចំណី​មាន​ជាតិ​ប្រូតេអ៊ីន​ច្រើន ក្នុងនោះ​គ្រាប់​ធញ្ញជាតិ សាច់ បន្លែ​។ បើ​ចង់ឱ្យ​ត្រី​មាន​សាច់​ពណ៌​លឿង​ល្អ ត្រូវឱ្យ​ស៊ី​កន្ទក់​ច្រើន​។​


3. ការថែទាំ​
-​ពិនិត្យ​សំណាញ់​ជុំវិញ​អាង​
-​រក្សា​គុណភាព​ទឹក​ឱ្យ​ស្អាត​ល្អ​
-​រៀបចំ​រនាំង ដោយ​ប្រើ​សំណាញ់​ក្រឡា​ល្អិត ព័ន្ធ​ជុំវិញ​លើ​ទំនប់​អាង ដើម្បី​កុំឱ្យ​សត្វ​កាច​ចូល​ស៊ី​ត្រី ក្នុង​អាង​


-​ពិនិត្យមើល​គុណភាព​ទឹក​អាង ឱ្យនៅ​ពណ៌​បៃតង​ជានិច្ច ដើម្បីឱ្យ​ត្រី​មាន​សុខ​ភាពល្អ​
-​ប្ដូរ​ទឹក ១​ខែម្ដង ដើម្បី​ជៀសវាង​មាន​ក្លិនស្អុយ​
-​ពេល​បង្ហូរទឹក​ចេញ ត្រូវ​ចង​ស្បៃ​នឹង​បំពង់​បង្ហូរ ដើម្បី​ការពារ​កុំឱ្យ​ត្រី​ចេញ​ក្រៅ​។​


4. ការថែទាំ​ជំងឺ​
-​ត្រី​អណ្ដែង​មាន​ជំងឺ​ដូចជា មាន​ដំបៅ​ដាច់​សាច់ រលាត់ស្បែក​ឬ​ព្រុយ មិនសូវ​ស៊ី​ចំណី ត្រី​មាន​សភាព​ក្រហល់ក្រហាយ ត្រី​បញ្ចេញ​ទឹករំអិល​ច្រើន​។ ជំងឺ​ទាំងនោះ អាច​ដោះស្រាយបាន​យ៉ាង​ងាយ​ដូចជា​:
+​បញ្ចូល​ទឹកស្អាត​ទៅក្នុង​អាង​ជាប្រចាំ​
+​អាង​ចិញ្ចឹម​ត្រូវមាន​ពន្លឺ​គ្រប់គ្រាន់​
+​បន្ថយ​ចំណី​ត្រី​ពាក់កណ្ដាល​និង​ដាក់​កំបោរ​កាបូ​ណាត​។​

​ការប្រមូល​ផល​
-​ប្រមាណ ៣​ខែ ប៉ុណ្ណោះ អាច​ចាប់​លក់ និង​បរិភោគបាន​ហើយ​។​


5. របៀប​ចាប់​ត្រី​
-​មិនត្រូវ​ឱ្យចំ​ណី​១​ទៅ​២​ថ្ងៃមុន​
-​ចាប់​នៅ​អាកាសធាតុ​ត្រជាក់​


-​បូមទឹក​ចេញ​
-​ត្រូវ​ប្រើ​សំណាញ់​បង់​៕ ដោយ​: អ៊ាង សុផល្លែត​