វិនិយោគិន​ចិន មក​ស្វែងយល់​ពី​ការវិនិយោគ​នៅ​កម្ពុជា​

1424
ចែករម្លែក
អ្នកទេសចរ​និង អ្នកវិនិយោគ​ចិន​ប្រមាណ​១០០​នាក់​មកពី​ចិនដីគោក ដែលជា​សមាជិក​អ្នកប្រើប្រាស់​បច្ចេកវិទ្យា​កិច្ចសន្យា​វ័យឆ្លាត​SCT បានមក​ទស្សនកិច្ច​ក​ម្ពុ​ជា និង​មក​ស្វែងយល់​ក្រុមហ៊ុន ASCPAY​នៅ​កម្ពុជា​(​រូប សុផល​)

​ដោយៈ​សុផល​/​ភ្នំពេញៈ​អ្នកវិនិយោគទុន​ចិន​ប្រមាណ​ជាង​១០០​នាក់​បានមក​ទស្សនកិច្ច​ប្រទេស​កម្ពុជា ដើម្បី​ស្វែងយល់​ពី​សក្តានុពល​សេដ្ឋកិច្ច និង ឱកាស​វិនិយោគ​នៅ​កម្ពុជា​។​
​ ​កាលពី​ថ្ងៃទី​១២​ខែមេសា​ឆ្នាំ​២០១៨​គណៈប្រតិភូ​វិនិយោគទុន​ចិន​បាន​ទៅ​ទស្សនកិច្ច​ក្រុមហ៊ុន​Asia Pay Global Holding Group(ASCPAY)​ដែលមាន​ទីតាំងនៅ​ជាន់​ទី​១៦​នៃ​អគារ​កាណាឌីយ៉ា រាជធានី​ភ្នំពេញ​។​នេះ​ជា​ដំណើរ​ទស្សនកិច្ច​លើក​ទី​២​របស់​ប្រតិភូ​វិនិយោគិន​ចិន​នៅ ASCPAY​។​
​សូមជម្រាបថា​ដើម្បី​ងាយស្រួល​ក្នុងការ​ទូទាត់​ហិរញ្ញវត្ថុ​លើ​ការវិនិយោគ​ការធ្វើ​ពាណិជ្ជកម្ម​ការ ទិញ​ឥ​វ៉ាន់​,​ការធ្វើដំណើរ​និង​ការ​ល្បែង​កម្សាន្ត​ប្រទេស​ចិន​បាន​បង្កើត​បច្ចេកវិទ្យា​វ័យឆ្លាត​តាម​អន​ឡាញ​មួយ​ដែល​គេ​ហៅថា​បច្ចេកវិទ្យា​កិច្ចសន្យា​វ័យឆ្លាត​(Smart-Contract Technology) សំដៅ​ជួយ​សម្រួល​ដល់​ជនជាតិ​ចិន​ដែល​បានធ្វើ​ដំណើរ​ជុំវិញ​ពិភពលោក ជាពិសេស​ទេសចរ​ចិន វិនិយោគិន​ចិន​នៅ​កម្ពុជា ក្រុមហ៊ុន Asia Payment International Holdings Group​បាន​បើក​ដំណើរ ការ​ក្រុមហ៊ុន Asia Pay Global HoldingGrou(ASCPAY)​ជា​លើកដំបូង​នៅ​កម្ពុជា​កាល ពី​ខែតុលា​ឆ្នាំ​២០១៧​ដែលមាន​ទីតាំង​ស្ថិតនៅ​ជាន់​ទី​១៦​នៃ​អគារ​ធនាគារ​កាណាឌីយ៉ា​។​

អ្នកទេសចរ​និង អ្នកវិនិយោគ​ចិន​ប្រមាណ​១០០​នាក់​មកពី​ចិនដីគោក ដែលជា​សមាជិក​អ្នកប្រើប្រាស់​បច្ចេកវិទ្យា​កិច្ចសន្យា​វ័យឆ្លាត​SCT បានមក​ទស្សនកិច្ច​ក​ម្ពុ​ជា និង​មក​ស្វែងយល់​ក្រុមហ៊ុន ASCPAY​នៅ​កម្ពុជា​(​រូប សុផល​)

​នៅ​រសៀល​ថ្ងៃ​ដដែល គណៈប្រតិភូ​ក៏បាន​អញ្ជើញ​ទៅ​ពិសារ​អាហារ​នៅ​ភោជនីយដ្ឋាន​ឡៅ​ទី​ហ្វា​ង ដើម្បី​ជជែក​និង​ផ្លាស់ប្តូរ​គ្នា​លើ​វិស័យ​វិនិយោគ ដែលមាន​ការចូលរួម​ពី​វិស័យ​ធនាគារ​វិស័យ អចលនទ្រព្យ វិស័យ​អ៊ីនធឺណិត​។​

​លោក​ស៊ុន ហ្វា​លាំង​(Sun FaLiang)​នាយក​ប្រតិបត្តិ​ក្រុមហ៊ុន​ASCPAY​នៅក្នុង​ពិធី​ស្វាគមន៍ គណៈប្រតិភូ​ចិន​កាលពី​រសៀល​ថ្ងៃទី​១២​មេសា​នៅ​ភោជនីយដ្ឋាន​ឡៅ​ទី​ហ្វា​ង​បាន​ថ្លែងថា​ការបង្កើត​បច្ចេកវិទ្យា​កិច្ចសន្យា​វ័យឆ្លាត​នេះ​ក្នុង​គោលបំណង​ជួយ​ទៅដល់​ជនជាតិ​ចិន​ដែល​ធ្វើដំណើរ​ទេសចរណ៍​និង​វិនិយោគទុន​នៅក្នុង​ពិភពលោក​មានការ​ងាយ​ស្រួល​ក្នុង​ការទូទាត់​ទំនិញ​និង​លុយ​តាម​អន​ឡាញ​។​
​លោក​បាន​បន្ថែមថា​ការបង្កើត​ASCPAY​គឺ​ដើម្បីឱ្យ​សមស្រប​ទៅតាម​កំណើនសេដ្ឋកិច្ច​និង​ផ្តល់​សេវាកម្ម​តាម​សេចក្តីត្រូវការ​របស់​ក​ម្ពុ​ជា​និង​តំបន់​អាស៊ាន​ដែលមាន​ប្រជាជន​ប្រមាណ​៥០០​ពាន់​លាន​នាក់​។​
​ក្នុងឱកាស​នោះដែរ តំណាង​ធនាគារ​កាណាឌីយ៉ា ក៏បាន​ជម្រាប​គណៈប្រតិភូ​វិនិយោគទុន​អំពី ការវិនិយោគ​នៅ​កម្ពុជា វិស័យ​អ​ចនទ្រ​ព្យ អំពី​ការបើក​គណនី​ធនាគារ និង​ច្បាប់​របស់​កម្ពុជា​៕មន