សង្ខេប​ព័ត៌មាន​សំខាន់ៗ​ប្រចាំ​ថ្ងៃទី​១៦ ខែមិថុនា ឆ្នាំ​២០១៨

983
ចែករម្លែក

ដោយ : វិបុល / ព័ត៌មាន​សំខាន់ៗ​ប្រចាំ​ថ្ងៃទី​១៦ ខែមិថុនា ឆ្នាំ​២០១៨

*​ប្រមុខ​រាជរដ្ឋាភិបាល​បាន​អញ្ជើញ​ដល់​ភ្នំពេញ​ដោយ​សុវត្ថិភាព​ជាមួយ​ជោគជ័យ​ថ្មី​ទៀត​

​សម្តេច​អគ្គមហាសេនាបតី​តេ​ជោ​ហ៊ុនសែន​នាយករដ្ឋមន្ត្រី​កម្ពុជា​បាន​ត្រឡប់​មកដល់​រាជធានី​ភ្នំពេញ​វិញ​ហើយ​នៅវេលា​ម៉ោង ៤:១៥ ល្ងាច​ថ្ងៃទី​១៦​ខែមិថុនា​នេះ​ដោយ​សុ​វត្តិភាព បន្ទាប់ពី​បាន អញ្ជើញ​ចូលរួម​កិច្ចប្រជុំ​កំពូល​យុទ្ធសាស្ត្រ​កិច្ចសហប្រតិបត្តិការ​សេដ្ឋកិច្ច អា​យ៉េ​យ៉ា​វ៉ា​ឌី​-​ចៅ​ប្រា​យ៉ា​-​មេគង្គ​(ACMECS)​លើក​ទី​៨ និង កិច្ចប្រជុំ​កំពូល CLMV លើក​ទី ៩ នៅ​ទីក្រុង​បាងកក ប្រទេស​ថៃ ពីថ្ងៃ​ទី ១៤ ដល់ ១៦ ខែ មិថុនា នេះ ៕

*​សម្ដេច សាយ ឈុំ ជួប​ជាមួយ​ប្រធាន​សាខា​បក្ស​ភូមិ​ប្រធាន​ក្រុម​បក្ស ចំណុះ​ខណ្ឌ​ពោធិ៍​សែន​ជ័យ ចំនួន​៩០៥០​នាក់​

​សម្តេច វិបុល​សេនា​ភក្តី សាយ ឈុំ អនុប្រធាន​គណបក្ស​ប្រជាជន​កម្ពុជា និង ជា​ប្រធាន​ក្រុមការងារ ចុះជួយ​រាជធានី​ភ្នំពេញ បាន​អញ្ជើញ​សំណេះសំណាល ជាមួយ​ប្រធាន​សាខា​បក្ស​ភូមិ ប្រធាន​អនុសាខា​បក្ស ប្រធាន​ក្រុម​បក្ស និង​ការិយាល័យ ចំណុះ​ខណ្ឌ​ពោធិ៍​សែន​ជ័យ សរុប​ចំនួន​៩០៥០​នាក់​កាលពី​ព្រឹក​ថ្ងៃទី​១៦ ខែមិថុនា ឆ្នាំ​២០១៨​នេះ​។​

​សម្តេច​វិបុល​សេនា​ភក្តី សាយ ឈុំ អនុប្រធាន​គណបក្ស​ប្រជាជន​កម្ពុជា បាន​ណែនាំ​ដល់​ប្រធាន​សាខា​បក្ស​ភូមិ ប្រធាន​អនុសាខា​បក្ស ប្រធាន​ក្រុម​បក្ស និង​ការិយាល័យ ចំណុះ​ខណ្ឌ​ពោធិ៍​សែន​ជ័យ​ទាំងអស់​ត្រូវ​ចុះទៅ​ពន្យល់​ណែនាំ​បន្ត​ដល់ ប្រជាពលរដ្ឋ​ពី​លេខ​រៀង​គណបក្ស​ប្រជាជន​កម្ពុជា ដែលមាន​រៀង​ទី​២០ ហើយ​នាំគ្នា​ទៅ​បោះឆ្នោត​នៅ​ថ្ងៃទី​២៩ ខែកក្កដា ឆ្នាំ​២០១៨ ខាងមុខនេះ​គ្រប់ៗ​គ្នា ៕

*​ក្រសួងការពារជាតិ​ជូនដំណឹង​ពី​ការ​ចល័ត​សម្ភារៈ​យោធា​ចូល​កោះ​ពេជ្រ​

​ក្រសួងការពារជាតិ បានប្រកាស​ឲ្យ​ដឹងថា កងយោធពល​ខេមរភូមិន្ទ នឹង​ដឹកជញ្ជូន​និង​ចល័ត​សម្ភារៈ​យោធា​មកពី​តាម​បណ្តា​អង្គភាព​មួយចំនួន នៃ​កងយោធពល​ខេមរភូមិន្ទ ដើម្បី​ចូលរួម​ការតាំងពិព័រណ៍​យោធា​កម្ពុជា​-​ចិន នៅ​មជ្ឈមណ្ឌល​ពាណិជ្ជកម្ម​ពិ​ពណ៌​កោះ​ពេជ្រ រាជធានី​ភ្នំពេញ នៅ​ថ្ងៃទី​១៩ ខែមិថុនា ឆ្នាំ​២០១៨ ខាងមុខនេះ​។ បើតាម​សេចក្តីជូនដំណឹង​របស់​ក្រសួងការពារជាតិ ដែល​បាន​ផ្សព្វផ្សាយ​ជា​សាធារណៈ កាលពី​ថ្ងៃទី​១៥ ខែមិថុនា ឆ្នាំ​២០១៨ ៕

*​ពី​ឆ្នាំ​១៩៩៤​ដល់​សព្វថ្ងៃ​មាន​ជនអន្តោប្រវេសន៍​ជាង​១៧​ម៉ឺន​នាក់​

​នៅ សាកលវិទ្យាល័យ​បាត់ដំបង​កាលពី​រសៀល​ថ្ងៃទី​១៥ ខែមិថុនា ឆ្នាំ​២០១៨ នៅក្នុង បទឧទ្ទេសនាម​ស្តីពី​ការងារ​គ្រប់គ្រង​ជនបរទេស​ក្នុង​ព្រះរាជាណាចក្រ កម្ពុជា​នាយ​ឧ​ត្ត​ម​សេនីយ៍​សន្តិ​បណ្ឌិត​សុខ​ផល​អគ្គនាយក​អន្តោប្រវេសន៍ មានប្រសាសន៍ថា “​ពី​ឆ្នាំ​១៩៩៤​ដល់​សព្វថ្ងៃ​មាន​ជនអន្តោប្រវេសន៍​ជាង​១៧ ម៉ឺន​នាក់​”៕

*​ក្រសួង​ការងារ​ចេញថ្លៃ​ព្យាបាល​ទាំងស្រុង​ដល់​ជនរងគ្រោះ​ថ្នាក់​ចរាចរ​ណ៍​នៅ​ស្រុក​ព្រៃនប់ ខេត្ត​ព្រះសីហនុ​

​បន្ទាប់ ទទួលដំណឹង​ថា មាន​ករណី​គ្រោះថ្នាក់​ចរាចរណ៍​មួយ​បានកើត​ឡើង រវាង​រថយន្ត​ដឹក​កម្មក​ដូចគ្នា​បណ្តាល​ឲ្យ​រងគ្រោះថ្នាក់​ជាច្រើន​នាក់ ស្ថិតក្នុង​ខេត្ត​ព្រះសីហនុ​។ ក្រសួង​ការងារ​និង​បណ្តុះបណ្តាល​វិជ្ជាជីវៈ តាមរយៈ​បេឡា​ជាតិ​របប​សន្តិសុខ​សង្គម (​ប​.​ស​.​ស​) បាន​អះអាងថា នឹង​ចេញថ្លៃ​ព្យាបាល​ទាំងស្រុង និង​ផ្តល់​តាវកាលិក​ទៅដល់​ជនរងគ្រោះ​ទាំងអស់នោះ​។​

​នៅក្នុង​សេចក្តីប្រកាស​ព័ត​មាន ស្តីពី​ឧ​ប​ទ្ទ​ហេតុ​គ្រោះថ្នាក់​ចរាចរណ៍​នៅ​ចំណុច​កំណាត់​ផ្លូវជាតិ​លេខ​៤ ភូមិ ឃុំ​អូរ​ឧកញ៉ា​ហេង ស្រុក​ព្រៃនប់ ខេត្ត​ព្រះសីហនុ បាន​ឲ្យ​ដឹងថា ក្រសួង​ការងារ​បានទទួល​ដំណឹង​ថា មាន​ឧបទ្ទវហេតុ​គ្រោះថ្នាក់​ចរាចរណ៍​រថយន្ត​ដឹក​កម្មករនិយោជិត​ដាច់ ហ្វ្រាំង ទៅ​បោក​ជាមួយ​ដើមឈើ​រួច​ខ្ទាត​ទៅ​ប៉ះ​ជាមួយ​រថយន្ត​ដឹក​កម្មករ​ផ្សេងទៀត កាលពី​ថ្ងៃទី​១៥ ខែមិថុនា ឆ្នាំ​២០១៨​កន្លងទៅ ដែលមាន​កម្មករនិយោជិត​ជិះ​ក្នុង​រថយន្ត​សរុប​ចំនួន​៣៥​នាក់ និង​បាន​បណ្តាល​ឲ្យ​កម្មករនិយោជិត​រងរ​បួស​សរុប​ចំនួន​១៧​នាក់ (​របួសស្រាល​១៤​នាក់ របួសធ្ងន់​០២​នាក់ និង​ស្លាប់​០១​នាក់​)​។ ជនរងគ្រោះ​ទាំងអស់​បានទទួល​ការជួយ​សង្គ្រោះ​ពី​សំណាក់​អាជ្ញា​ធរមាន សមត្ថកិច្ច និង​មន្ត្រី ប​.​ស​.​ស នៃ​ក្រសួង​ការងារ ដោយ​យកចិត្តទុកដាក់​បំផុត ៕

* កម្ពុ​ជាមាន​ព្យុះ​ថ្មី​ពីរ​កើតឡើង​ធ្វើ​ឲ្យ​ខ្យល់​និរតី​បក់បោក​ខ្លាំង​

​ន្ត្រី នៃ​ក្រសួង​ជំនាញ​បាន​អះអាងថា​កូន​ព្យុះ​ទី​៦​នឹងត្រូវ​រលាយ​បន្ទាប់ពី ព្យុះ​ទី​៧​ថ្មី​មួយទៀត​កើតឡើង​។​ទោះជា​យ៉ាង​កម្លាំង​ស្រូប​របស់​ព្យុះ ទាំងពីរ​នេះ​មិនបាន​ធ្វើ​ឲ្យ​ដាច់ដោច​ដល់​ប្រព​ន្ធ័​សម្ពាធ​ទាប​ដែល​នៅលើ ប្រទេស​កម្ពុជា​និង​តំបន់​អាង​ទន្លេមេគង្គ​លើ​នោះទេ​ទើប​ធ្វើ​ឲ្យ​ភ្លៀង នៅតែ​បន្ត​មាន​ធ្លាក់​រាយប៉ាយ​គ្រាន់​តែមាន​ល្បឿន​លឿន​ប៉ុណ្ណោះ ៕

*​ជន​ប្រមាថ​ព្រះមហាក្សត្រ​តាម​ហ្វេ​ស​ប៊ុ​ក​ត្រូវបាន​ចាប់ខ្លួន​ល្ងាច​នេះ​

​ប៉ូលិស បាន​ចាប់ខ្លួន​បុរស​ម្នាក់​ដែល​បាន​ប្រមាថ​ព្រះករុណា​ព្រះបាទ​សម្តេច ព្រះ​បរម នាថ​នរោត្តម​សីហមុនី​ព្រះមហាក្សត្រ​នៃ​ព្រះរាជាណាចក្រ​កម្ពុជា​ជា បន្តបន្ទាប់​តាម​ហ្វេ​ស​ប៊ុ​ក​។ ការចាប់ខ្លួន​នេះ ដោយ​នាយកដ្ឋាន​ប្រឆាំង​បទល្មើស​បច្ចេកវិទ្យា​នៃ​ក្រសួងមហាផ្ទៃ​ ៕