សង្ខេប​ព័ត៌មាន​សំខាន់ៗ​ប្រចាំ​ថ្ងៃទី​២៧ ខែកញ្ញា ឆ្នាំ​២០១៨

725
ចែករម្លែក

​ដោយ : វិបុល​/​ភ្នំពេញ : ព័ត៌មាន​សំខាន់ៗ​ប្រចាំ​ថ្ងៃទី​២៧ ខែកញ្ញា ឆ្នាំ​២០១៨ រួមមាន​ដូចតទៅ ៖

*​សម្តេច​តេ​ជោ​ហ៊ុនសែន អញ្ជើញ​ចូលរួម​កិច្ចប្រជុំ​ទូទៅ​លើក​ទី​៧៣ នៃ​មហាសន្និបាត​អង្គការសហប្រជាជាតិ​​នៅ​ទីក្រុង​ញូវយ៉ក​

​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា បាន​អញ្ជើញ​ទៅ​ចូលរួម​កិច្ចប្រជុំ​ទូទៅ​លើក​ទី ៧៣ នៃ​មហាសន្និបាត​អង្គការសហប្រជាជាតិ និង​កិច្ចប្រជុំ​ពាក់ព័ន្ធ​ផ្សេងទៀត​រយៈពេល​៣​យប់ ៤ ថ្ងៃ​ចាប់ពី​ថ្ងៃទី​(២៧-៣០ កញ្ញា​)​នៅ​ទីក្រុង ញូ​វ យ៉​ក​សហរដ្ឋអាមេរិក ។​

​សម្តេច​តេ​ជោ​នាយករដ្ឋមន្ត្រី​បាន​អញ្ជើញ​ចាក​ចេញពី​កម្ពុជា​នៅ​ម៉ោង ៧៖៣០​នាទី​ព្រឹក​ថ្ងៃទី ២៧​កញ្ញា​នេះ ហើយ​គ្រោង​នឹង​និវត្តន៍​មក ដល់​មាតុភូមិ​វិញ​នៅ​ព្រឹក​ថ្ងៃទី ៣០ ខែ កញ្ញា ៕

*​នៅ​អាណត្តិ​ទី​៦​នេះ រាជរដ្ឋាភិបាល​ក​ម្ព​ជាមាន​ទីប្រឹក្សា ជា​ជនបរទេស ១១ រូប ក្នុងចំណោម​ទីប្រឹក្សា​សរុប ២០៧ រូប​

​សម្ដេច​វិបុល​សេនា​ភក្ដី សាយ ឈុំ ប្រមុខរដ្ឋស្ដីទី បាន​ចុះហត្ថលេខា លើ​ព្រះរាជក្រឹត្យ តែងតាំង​ទីប្រឹក្សា​រាជរដ្ឋាភិបាល ចំនួន ២០៧ រូប សម្រាប់​អាណត្តិ​ទី​៦ ឆ្នាំ​២០១៨-២០២៣​។ ក្នុងនោះ មាន​ទីប្រឹក្សា​រាជរដ្ឋាភិបាល ជា​ជនបរទេស​ចំនួន ១១​រូប​។​ព្រះរាជក្រឹត្យ ចុះ​ថ្ងៃទី​២២ ខែកញ្ញា ឆ្នាំ​២០១៨ ដែល​បាន​ផ្សព្វផ្សាយ​ជា​សាធារណៈ នៅ​ថ្ងៃទី​២៦ ខែកញ្ញា ឆ្នាំ​២០១៨ បង្ហាញថា ទីប្រឹក្សា​ជា​ជនបរទេស​របស់​រាជ​រដ្ឋាភិបាល ទាំង ១១​រូបនោះ ជា​ឥស្សរជន ជនជាតិ​ជប៉ុន ទុយ​នី​ស៊ី បារាំង អាម៉េរិក បែលហ្ស៊ិក អូស្ត្រាលី និង​ម៉ាឡេស៊ី​។​ទីប្រឹក្សា​ជា​ជនបរទេស​របស់​រាជ​រដ្ឋាភិបាល​ទាំង ១១​រូបនោះ រួមមាន​៖ ១-​លោក ហា​រុ​ហ៊ី​សា ហាន់​ដា​, ២-​លោក អាស៊ី​ឌី​ន បេ​ឆា​អ៊ូជ​, ៣-​លោក ក្លូត ហ្គួ​រ ,៤-​លោក ប្រេត​តុ​ន ស្កា​រូ​ន្នី​, ៥-​លោក រ៉ា​អ៊ូ​ល ម៉ាក ជេ​ណា​, ៦-​លោក អា​ឡាំង បេ​នី​ស៊ី ,៧-​លោកស្រី ហេ​ឡិន ចាវីស​, ៨-​លោក ចេ​ន លី​ប​គង់ ,៩-​លោក តេ​រូ​អូ ជីន​ណៃ ,១០-​លោក យ៉ាម៉ាដា យ៉ូ​ស៊ី​តា​កា និង​១១-​លោក ច​ន ជី រាយ​ស៍​។​ទីប្រឹក្សា​ជា​ជនបរទេស ចំនួន ១១ រូបនេះ ក្នុងនោះ ៩ រូប មាន​ឋានៈ​ស្មើ​រដ្ឋមន្ត្រី មួយរូប មាន​ឋានៈ​ស្មើនឹង​រដ្ឋលេខាធិការ និង​មួយរូប មិនមាន​ឋានៈ​ស្មើ​អ្វី​ទេ​។ ទីប្រឹក្សា​បរទេស បួនរូប មិន​ទទួល​ប្រាក់បៀវត្ស​ឡើយ ៕

*​កម្ពុជា ប្រកាស​ស្វាគមន៍​លទ្ធផល​នៃ​កិច្ចប្រជុំ​កំពូល​រវាង​មេដឹកនាំ​កូរ៉េ​ទាំងពីរ នៅ​ទីក្រុង​ព្យុងយ៉ាង​

​រាជរដ្ឋាភិបាល​កម្ពុជា បានប្រកាស​ស្វាគមន៍​លទ្ធផល​នៃ​កិច្ចប្រជុំ​កំពូល​អន្តរ​កូរ៉េ ដែល ជា​ជំនួប​ជា​ប្រវត្តិសាស្ត្រ និង​ជោគជ័យ ដែល​បាន​ប្រព្រឹត្តទៅ នៅ​ថ្ងៃទី​១៨-២០ ខែកញ្ញា ឆ្នាំ​២០១៨ នៅ​ទីក្រុង​ព្យុងយ៉ាង ជាពិសេស​កម្ពុជា​បានប្រកាស​ស្វាគមន៍​នូវ​សេចក្តីប្រកាស​រួម​ទីក្រុង​ព្យុងយ៉ាង ដែល​កម្ពុជា​ចាត់ទុកថា ជាការ​បោះជំហាន​ដ៏​សំខាន់​មួយទៀត ឆ្ពោះទៅរក​ការផ្សះផ្សា​ជាតិ សន្តិភាព​យូរអង្វែង កិច្ចសហប្រតិបត្តិការ​ឈ្នះ​-​ឈ្នះ និង​វិបុលភាព​រួម​នៅ​ឧបទ្វីប​កូរ៉េ ៕

*​បង្ការ​ពុល​អាហារ និង ស្រា អំឡុង​កាន់បិណ្ឌ​៖ ក្រសួងសុខាភិបាល​ណែនាំ ៩ ចំណុច​

​ដោយ​ក្តីបារម្ភ​ចំពោះ​បញ្ហា​សុខភាព​ដែល​កើតឡើង​ពី​ការពុល​អាហារ និង ពុល​ស្រា​នា​អ​ឡុង​បុណ្យកាន់បិណ្ឌ និង ភ្ជុំបិណ្ឌ ដោយហេតុថា ម្ហូបអាហារ ផ្លែឈើ នំចំណី ភេសជ្ជៈ និង គ្រឿង​ស្រវឹង​ផង តែងតែ​ត្រូវបាន​ប្រើប្រាស់​យ៉ា​លាយឡំ​គ្នា ដែល អាច​នឹង​បណ្តាលឱ្យមាន​បញ្ហា​សុខភាព​រហូតដល់​បាត់​បងជីវិត ប្រសិនបើ​ខ្វះ​ការប្រុងប្រយ័ត្ន ។ ដើម្បី បង្ការ​បញ្ហា​សុខភាព​ក្រសួងសុខាភិបាល បាន​ណែនាំ​ជនានុជន ឱ្យ​អនុវត្ត​នូវ​គោលការណ៍​អនាម័យ ៩ ចំណុច ឱ្យបាន​ខ្ជាប់ខ្ជួន​គឺ​៖
​ទី​១. ត្រូវ​ប្រើប្រាស់​ទឹកស្អាត ម្ហូបអាហារ​ស្អាត និង ឆ្អិន​ជា​និ​ច​
​ទី ២. លាងដៃ​នឹង​សាប៊ូ មុនពេល និង អំឡុងពេល​រៀបចំ​ម្ហូបអាហារ មុន​បរិភោគ និង​
​ក្រោយ​បន្ទោ​របង់​
​ទី​៣. លាង​សម្អាត​បន្លែ ផ្លែឈើ​ឱ្យបាន​ស្អាត មុន​បរិភោគ​
​ទី​៤. សម្អាត​សម្ភារ​ប្រើប្រាស់​សម្រាប់​ចម្អិនម្ហូប​អាហារ​ឱ្យបាន​ត្រឹមត្រូវ​
​ទី​៥. ចម្អិន​អាហារ​ឱ្យបាន​ឆ្អិន​ល្អ ជាពិសេស សាច់សត្វ​ស្លាប ស៊ុត និង អហារ​សមុទ្ទ​
​ទី​៦. ទុកដាក់​ចំណីអាហារ​ឆ្អិន និង ឆៅ​ដាច់ដោយឡែក​ពីគ្នា​
​ទី​៧. កុំ​រក្សាទុក​ម្ហូបអាហារ​ក្នុង​កម្តៅ​ធម្មតា លើសពី ២ ម៉ោង​
​ទី​៨. មិនត្រូវ​រក្សាទុក​អាហារ​ជាច្រើន​ថ្ងៃ​ឡើយ ទោះជា​ស្ថិតក្នុង​សីតុណ្ហភាព ក​ម្រឹត​សុវត្ថិ​
​ភាព ក៏ដោយ ៖ ក​. បើ​រក្សាទុក​អាហារ​ក្នុង​ប្រព័ន្ធ​ត្រជាក់ គឺ​ត្រូវ​ឱ្យនៅ​សីតុណ្ហភាព​ក្រោម​
៥ អង្សា​សេ​, ខ​. បើ​រក្សាទុក​អាហារ​ក្នុង​ប្រព័ន្ធ​កម្តៅ គឺ​ត្រូវឱ្យ​លើសពី​សីតុណ្ហភាព ៦០
​អង្សា​សេ​
​និង ទី​៩. កុំ​ប្រើប្រាស់ ឬ បរិភោគ​ចំណីអាហារ​ហួស​កាលកំណត់ ៕

*​ច្នៃ​ម៉ាស៊ីន​អាច​ច្រូតស្រូវ​ក្នុង​ទឹក​ជ្រៅៗ​ឬ​ទឹកជំនន់​លេច​រូបរាង​បណ្តើរៗ​ហើយ​

​ការច្នៃ​បង្កើត​មា​ស៊ីន​អាច​ច្រូតស្រូវ​ក្នុង​ទឹក​ជ្រៅៗ​ឬ​ទឹកជំនន់ លេច​រូបរាង​បណ្តើរៗ​ហើយ​បន្ទាប់ពី​មន្ត្រីជាន់ខ្ពស់​រាជរដ្ឋាភិបាល​និង​លោក​អភិបាលខេត្ត បាន​ចុះទៅពិនិត្យ​លទ្ធភាព​ផលិត​និង​កុម្ម៉ង់​ផលិត​សាកល្បង ៕

* ផ្លូវ​២៣​ខ្សែរ​ក្នុង​ខេត្តកំពង់ស្ពឺ​រង​ការខូចខាត​យ៉ាងដំណំ​ដោយសារ​ជំនន់​ទឹកភ្លៀង​

​ផ្លូវ​ក្រាល​កៅស៊ូ​និង​ក្រាល​ក្រួស​ក្រហម​ចំនួន​២៣​ខ្សែ​ររ ង​ការខូចខាត​យ៉ាងដំណំ​ដោយ​ជំនន់​ទឹកភ្លៀង​៣​ស្រុក​ក្នុង​ខេត្តកំពង់ស្ពឺ​។ លោក អៀង ដាំ ប្រធាន​មន្ទីរ​អភិវឌ្ឍន៍ជនបទ​បាន​ឲ្យ​រស្មី​កម្ពុជា​ដឹង​កាលពី​ព្រឹក​ថ្ងៃ​២៧ ខែកញ្ញា ឆ្នាំ​២០១៨​ថា ស្រុក​ភ្នំស្រួច​មាន​ផ្លូវ​ខូច​ដោយសារ​ទឹកជំនន់​ភ្លៀង​ចំនួន​១៧​ខ្សែ ៕