សមត្ថកិច្ច​បង្ក្រាប​រថ​យន្ដ​ដឹកឈើ​ល្មើសច្បាប់​ចំនួន​៥​គ្រឿង​នៅ​ស្រុក​ចិត្រ​បុរី​

302

​(​ក្រចេះ​)៖​កម្លាំងចម្រុះ​ដឹកនាំ​ដោយ​លោក​ជា​សុ​ភ័​ក្រ​ព្រះរាជអាជ្ញារង​សាលាដំបូង​ខេត្តក្រចេះ​បាន​ចុះបង្ក្រាប​រថយន្ត​ដឹកឈើ​ល្មើសច្បាប់​ចំនួន​៥​គ្រឿង​នៅ​ចំណុច​វត្ត​បុស្ស​លាវ​មួយគ្រឿង​នឹង​វត្ត​ព្រែក​តាអាំ​ចំនួន​៤​គ្រឿង​ស្ថិត​ក្នុងភូមិ​ព្រែក​តាអាំ​ឃុំ​បុស្ស​លាវ​ស្រុក​ចិត្រ​បុរី​ខេត្តក្រចេះ​កាលពី​យប់​ថ្ងៃទី​២៣ ខែតុលា​ឆ្នាំ​២០១៧​។​

មន្ត្រីនគរបាល​ស្រុក​ចិត្រ​បុរី បាន​ឲ្យ​ដឹងថា​មាន​កម្លាំង​ចូលរួម​សហការ រ​រួមមាន​៖​រដ្ឋបាល​ព្រៃឈើ​កន្ទួត រដ្ឋបាល​ព្រៃឈើ​ថ្ម​ក្រែ កម្លាំងយោធា​ខេត្ត​នឹង​កម្លាំង​នគរបាល​ស្រុក​ចិត្រ​បុរី​ដឹកនាំ​ផ្ទាល់​ពី​លោក​ជា​សុ​ភ័​ក្រ​ព្រះរាជអាជ្ញារង​ចុះបង្ក្រាប​បាន​រថយន្ដ​សាំង​យ៉ុង​ដឹកឈើ​ល្មើសច្បាប់​បាន​ចំនួន​៥​គ្រឿង​ដែល​ដឹកឈើ​ចេញពី​ខេត្តស្ទឹងត្រែង​ឆ្លងកាត់​ខេត្តក្រចេះ​បន្តទៅ​លក់​នៅ​ត្បូងឃ្មុំ​នឹង​ខេត្តព្រៃវែង​។​រថយន្ត​ដឹកឈើ​ទាំងនេះ​តែងតែ​បើកបរ​បង្ករ​ភាព​ភ​យ័​ខ្លាច​ដល់​ប្រជាពលរដ្ឋ​ធ្វើដំណើរ​ស្ទើរតែ​រៀងរាល់​យប់​។​

​លោកនាយ​សង្កាត់រដ្ឋបាល​ព្រៃឈើ​កន្ទួត​បានឱ្យដឹង​តាម​ទូរស័ព្ទ​កាលពី​ព្រឹក​ថ្ងៃទី​២៤​ខែតុលា​ឆ្នាំ​២០១៧​ថា​រថយន្ដ​ទាំង​៥​គ្រឿង​នោះ​ដឹកឈើ​ប្រភេទ​លេខ​២​ហើយ​កម្លាំង​របស់លោក​នាំយកទៅ​រក្សាទុក​នៅ​ស្ថានីយ៍​បណ្ដុះ​កូនឈើ​ខ្សា​ដើម្បី​វាស់វែង​នឹង​ចាត់វិធានការ​តាមផ្លូវ​ច្បាប់រដ្ឋបាល​ព្រៃឈើ​បន្ត​៕S/​ដោយ​៖​សេង​ឃួន​

​សមត្ថកិច្ច​បង្ក្រាប​រថ​យន្ដ​ដឹកឈើ​ល្មើសច្បាប់​ចំនួន​៥​គ្រឿង​នៅ​ស្រុក​ចិត្រ​បុរី​