សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ​ទទួល​សម្ភារៈ​បរិក្ខា​ពេទ្យ​ពី​សមាគម LION CLUBS INTERNATIONAL

1182
ចែករម្លែក
  • 34
    Shares
លោក​ហ៊ុន ម៉ា​ណែ​ត ទទួល​សម្ភារៈ​បរិក្ខា​ពេទ្យ​ពី​សមាគម LION CLUBS INTERNATIONAL

ដោយ​៖ មុនី​រ័ត្ន / ភ្នំពេញ​៖ សមាគម LION CLUBS INTERNATIONAL ដែលមាន​មូលដ្ឋាន​នៅក្នុង​ប្រទេស​អូស្ត្រាលី ដែល​ផ្តោតទៅលើ​ការងារ​មនុស្សធម៌ បាន​ជួយឧបត្ថម្ភ​ដល់​សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ​(TYDA) នូវ​សម្ភារៈ​បរិក្ខា​ពេទ្យ ដែល​ក្នុងនោះ​មានដូចជា គ្រែ​អ្នកជំងឺ រទេះ​ជនពិការ ម៉ាស៊ីន​បូម​ស្លេស និង​បរិក្ខា​ពេទ្យ​ផ្សេងទៀត សរុប​ទាំងអស់​១៩​ប្រភេទ​។​

​ពិធី​ប្រគល់​សម្ភារៈ​បរិក្ខា​ពេទ្យ​នេះ ត​បាន​ធ្វើឡើង​កាលពី​ថ្ងៃទី​២២ ខែមីនា ឆ្នាំ​២០១៨ ដែលមាន​ការចូល​ពី លោក ហ៊ុន ម៉ា​ណែ​ត ប្រធាន​ក្រុមប្រឹក្សាភិបាល​សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ (TYDA) និង​លោកស្រី Jenny Tew ប្រធាន​សមាគម LION CLUB និង​ក្រុមការងារ នៅ​បញ្ជាការដ្ឋាន​ជាតិ​កម្លាំង​ពិសេស​ប្រឆាំង​ភេរវកម្ម​។​

​លោក ហ៊ុន ម៉ា​ណែ​ត ប្រធាន​ក្រុមប្រឹក្សាភិបាល​នៃ​សមាគម​គ្រូ​ពេ​ត្យ​ស្ម័គ្រចិត្ត​យុវជន​សម្តេច​តេ​ជោ បាន​មានប្រសាសន៍ថា សមាគម​បាន​បង្កើត​រយៈពេល​ជាង​៥​ឆ្នាំ​កន្លងមកហើយ ក្រោម​ការផ្តួចផ្តើម​គំនិត​ផ្ទាល់​របស់ សម្តេច​អគ្គមហាសេនាបតី​តេ​ជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ដែលមាន​គោ​បំណង​រួមចំណែក​ជាមួយ​ស្ថាប័ន​រាជរដ្ឋាភិបាល ដើម្បី​ផ្តល់​សុខភាព​សាធារណៈ​ជូន​បងប្អូន​ប្រជាពលរដ្ឋ​ដោយ​ឥតគិតថ្លៃ និង​មិន​ប្រកាន់​ជាតិ​សាសន៍ ពណ៌​សម្បុរ ឫ​និន្នាការ​នយោបាយ​។​

​លោក​បាន​បន្តថា សមាគម​បាន​ចូលរួមចំណែក​ជាមួយ​រាជរដ្ឋាភិបាល​ក្នុងការ​កាត់បន្ថយ​ភាពក្រីក្រ តាមរយៈ​សកម្មភាព​ផ្តល់​សេវា​សុខភាព​ជូន​ប្រជាពលរដ្ឋ ក្រីក្រ​ដល់ទី​កន្លែង ជាពិសេស​តាម​ទីជនបទ​ដាច់​ស្រ​យ៉ា​ល​។ ជាងនេះទៅទៀត​សមាគម​បាន​ចូលរួមចំណែក​បណ្តុះបណ្តាល​ធនធានមនុស្ស​ក្នុង​វិស័យ​សុខាភិបាល ក៏ដូចជា​ផ្តល់ឱកាស​ដល់​ប្អូនៗ​និស្សិត យុវជន​ស្ម័គ្រចិត្ត​ដ៏ទៃទៀត​បាន​ចូលរួមចំណែក​បម្រើការ​ងារ​មនុស្សធម៌​ដល់​សង្គមជាតិ​ផងដែរ​។​

លោក​ហ៊ុន ម៉ា​ណែ​ត ទទួល​សម្ភារៈ​បរិក្ខា​ពេទ្យ​ពី​សមាគម LION CLUBS INTERNATIONAL

​លោក ហ៊ុន ម៉ា​ណែ​ត បាន​បញ្ជាក់ថា គិត​រហូតមក​ដល់ពេលនេះ​ប្រជាពលរដ្ឋ​ទូទាំងប្រទេស​ប្រមាណ​ជាង​២៥​ម៉ឺន​នាក់​ដែល​បានទទួល​ការពិនិត្យ និង​ព្យាបាល​ជូន​ដោយ​ឥតគិតថ្លៃ​ពី​សមាគម ហើយ​ក្នុងនោះ​អ្នកជំងឺ​ធ្ងន់​ចំនួន​ជាង​៣​ពាន់​នាក់​ត្រូវបាន​បញ្ជូនបន្ត​មក​ព្យាបាល​នៅក្នុង​រាជធានី​ភ្នំពេញ និង​នៅតាម​បណ្តា​មន្ទី​ពេទ្យ​នានា​ដេ​ល​ជា​ដៃគូ​របស់​សមាគម​។ សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ (TYDA) ពីមួយថ្ងៃ​ទៅមួយថ្ងៃ​ទៅមួយថ្ងៃ​បាន​ពង្រីក​សកម្មភាព​ម​នុស្ស​ធម៌​របស់ខ្លួន​ទៅតាម​លទ្ធភាព​ដោយមាន​ការចូលរួម​ពី​សប្បុរសជន​និង​ស្ថាប័ន​មនុស្សធម៌​ផ្សេងៗ​ដើម្បី​ចុះ​ពិនិត្យ​និង​ការព្យាបាល​ប្រជាពលរដ្ឋ​ដោយ​ឥតគិតថ្លៃ​នៅតាម​បណ្តា​ខេត្ត​នានា តាម​បណ្តា​រោងចក្រ សហគមន៍ អង្គការ​កុមារកំព្រា​ជាច្រើន​នៅ​ទូទាំងប្រទេស​។​

​ចំណែក​លោកស្រី Jenny Tew ប្រធាន​សមាគម LION CLUB មានប្រសាសន៍ថា លោកស្រី និង​ក្រុមការងារ ពិតជា​មានការ​សប្បាយ​រីករាយ​ណាស់​ដែលមាន​ឱកាស​សហ​ការ​ជាមួយ​TYDA ធ្វើ​កិច្ចការងារ​មនុស្សធម៌​ដើម្បី​ជួយ​ដល់​ប្រជាពលរដ្ឋ​កម្ពុជា​តាមរយៈ​ការជួយឧបត្ថម្ភ​នូវ​សម្ភារៈ​បរិក្ខា​ពេទ្យ​ទាំងនេះ ហើយ​នេះ​គឺជា​គោលបំណង​របស់​សមាគម​លោកស្រី​ក្នុងការ​រួមចំណែក​ជួយ​ទៅដល់​ប្រជាពលរដ្ឋ​ក្រីក្រ​ដែល​មិនមាន​លទ្ធភាព បង់ថ្លៃ​សេវា​សុខភាព​។ ហើយ​លោកស្រី​និង​ខិតខំ​គៀងគរ​រក​ជំនួយ​បន្ថែមទៀត​នៅពេល​ខាងមុខ​ដើម្បី​ចូលរួមចំណែក​ក្នុងការ​ងា​មនុស្សធម៌​ជាមួយ​TYDA៕