សមាជិក​សភា​ម្នាក់​និង​មនុស្ស​១០​នាក់​ផ្សេង​ទៀត ត្រូវបាន​សម្លាប់​នៅ​ឥណ្ឌា​

367
ចែករម្លែក

​ក្រុមមន្ត្រី​បាន​និយាយថា​ សមាជិក​សភា​ម្នាក់​នៅ​រដ្ឋ​អា​រុន​ណា​ចា​ល់ ប្រា​ដែស​(Arunachal Pradesh) ភាគ​ឦសាន​នៃ​ប្រទេស​ឥណ្ឌា​និង​មនុស្ស​យ៉ាង​ហោច​ណាស់​១០​នាក់​ផ្សេង​​ទៀត​ត្រូវបាន​សម្លាប់​កាលពី​ថ្ងៃ​អង្គារ​ទី​២១​ឧសភា​ នៅក្នុង​ការវាយប្រហារ​ដោយ​ពួក​ជន​សកម្មប្រយុទ្ធ​បំបែក​ទឹកដី​និយម​។​

​ការវាយប្រហារ​នេះ កើត​ឡើង​បន្ទាប់ពី​ការបញ្ចប់​ការបោះឆ្នោត​សកល​ដែលមាន​អំពើហិង្សា​កាលពី​ថ្ងៃអាទិត្យ និង​ការបោះឆ្នោត​សភា​ក្នុង​រដ្ឋ​នៅ​រដ្ឋ​Arunachal Pradesh ដែល​ជាប់​ព្រំដែន​ជាមួយ​ចិន មី​យ៉ាន់​ម៉ា និងប្រទេស​ប៊ូ​តង់ ។​

​ប៉ូលិស​បាន​និយាយថា​ សមាជិក​សភា លោក Tirong Aboh និង​សមាជិក​គ្រួសារ​មួយចំនួន​ត្រូវបាន​សម្លាប់​នៅពេលដែលក្រុម​ឧទ្ទាម​បាន​បាញ់រះ​ទៅលើ​ក្បួន​រថយន្ត​​របស់​ពួកគេ​នៅ​ទីក្រុង​Tirap ក្នុង​រដ្ឋ​នេះ​។

​លោក​Kiren Rijiju រដ្ឋមន្ត្រី​ប្រចាំ​រដ្ឋ​នេះ បានបញ្ជាក់​ថា មនុស្ស​ចំនួន​១១​នាក់​ត្រូវបាន​សម្លាប់​ក្នុង​ការវាយប្រហារ​នេះ​៕ដោយ៖សុខា/sn/Ha

ទាហាន​ឥណ្ឌា ការពារ​សន្តិសុខ​នៅ​ប៉ុស្តិ៍​ត្រួតពិនិត្យ​មួយ​នៅ​ទីក្រុង​Itanagar​ក្នុង​រដ្ឋ​Arunachal Pradesh កាលពី​ឆ្នាំ​២០០៩