សម្ដេច​តេ​ជោ​ហ៊ុនសែន​អញ្ជើញ​ជួប​ប្រតិភូ​និង​អត្ត​ព​លិ​ក​កម្ពុជា​ប្រមាណ​៤០០​នាក់​មុន​ចេញទៅ​ប្រកួត​កីឡា​SEAGames

174
ចែករម្លែក

​ដោយ​៖​តារា​រិ​ទ្ធ​/​ភ្នំពេញ​៖​នៅ​ម៉ោង​៤​ល្ងាច​ថ្ងៃទី​១៨​ខែវិច្ឆិកា​ឆ្នាំ​២០១៩​សម្ដេច​អគ្គមហាសេនាបតី​តេ​ជោ​ហ៊ុន សែន នាយករដ្ឋមន្ដ្រី​នៃ​កម្ពុជា​បាន​អញ្ជើញ​បាន​អញ្ជើញ ជួប​សំណេះសំណាល​ជាមួយ​ប្រតិភូ គ្រូបង្វឹក​និង​កីឡាករ​-​កីឡា​ការ​រិ​នី​ប្រមាណ​៤០០​នាក់​នៅ​វិមាន​សន្ដិភាព​។​ជំនួប​នេះ​ដើម្បី​ទទួល​អនុសាសន៍​ណែនាំ​មួយចំនួន ពីស​ម្ដេច​មុន​អត្ត​ព​លិ​ក​កម្ពុជា​ចេញទៅ​ប្រកួត​កីឡា​ស៊ី​ហ្គេម​(SEA Games) លើក​ទី​៣០ នៅ​ប្រទេស​ហ្វីលីពីន​ចាប់ពី​ថ្ងៃទី​៣០ ខែវិច្ឆិកា ដល់​ថ្ងៃទី​១១ ខែធ្នូ ឆ្នាំ​២០១៩ ខាងមុខ ។​

​លោក​ថោង​ខុន​ប្រធាន​គណៈកម្មាធិការ​ជាតិ​អូឡាំពិក​កម្ពុជា​(NOCC)​បាន​បញ្ជាក់ថា​៖​រាល់ពេល​អត្ត​ព​លិ​ក​កម្ពុជា​ត្រៀម​ចេញទៅ​ចូលរួម​ប្រកួត​ហ្គេម​ផ្លូវការ​ដូចជា​ស៊ី​ហ្គេម​អាស៊ី​ហ្គេម​និង​អូឡាំពិក​ហ្គេម​ជាដើម​។​មុន​ចេញដំណើរ​សម្ដេច​តេ​ជោ​ហ៊ុនសែន​តែង​អនុញ្ញាតឱ្យ​ប្រតិភូ​និង​អត្ត​ព​លិ​ក​ទាំងអស់​ចូលជួប​សម្ដែង​ការគួរសម​និង​សំណេះសំណាល​ជានិច្ច​។​ពិសេស​សម្ដេច​តែង​រំឭក​ដល់​កីឡាករ​-​កីឡាការិនី​ត្រូវគោរព​ឲ្យ​បាន​នូវ​ក្រមសីលធម៌​បទបញ្ជា​ការប្រកួត​និង​មិនត្រូវ​ប្រើប្រាស់​សារធាតុ​ហាមឃាត់​ឡើយ​ដើម្បី​រក្សា​កិត្តិយស​និង​សេចក្ដីថ្លៃថ្នូរ​បស់​ប្រទេសជាតិ ។​

​កម្ពុជា​បាន​បញ្ជូន​ថ្នាក់ដឹកនាំ មន្ដ្រី​កីឡា គ្រូបង្វឹក​អាជ្ញាកណ្ដាល​និង​កីឡាករ​-​កីឡាការិនី​សរុប​ប្រមាណ ៤០០​នាក់​លើ​៣០​ប្រភេទ​កីឡា​ទៅ​ចូលរួម​ប្រកួតប្រជែង​ដណ្ដើម​មេដាយ​ជូន​ជាតិ​។​ក្នុងនោះ​មានដូចជា​កីឡា​តេ​ក្វាន់​ដូ WT, ប៉េតង់​, ជឺ​ជិត​ស៊ូ​, ប្រដាល់​គុន​ខ្មែរ​,​សីដក់​,​ប្រដាល់សកល​,​វាយ​កូន​បាល់​,​ល្បុ​ក្ក តោ​, ចំបាប់​, បាល់ទះ​ឆ្នេរ​ខ្សាច់​, បាល់ទាត់ U22, បាល់បោះ​, អត្តពលកម្ម​, ហែល​ទឹក​, កាយសម្ព័ន្ធ​, វាយ​កូនឃ្លី​លើ​តុ​, វាយ​សី​, ទោច​ក្រាន​, គុន​ដាវ​,​វាយ កូនគោល​, ទូកក្ដោង​, កា​រ៉ា​តេ​, យូ​ដូ​, ទ្រី​យ៉ា​ត្លុង​, កីឡា​រាំ​, សូ​ហ្វ​តេ​ន្នី​ស​, ទូក​ប្រពៃណី​-​កា​នូ​, ឃិ​ក​-​ប៊ុ​ក​ស៊ី​ង​, E-Sports និង​កីឡា​ហុក​គី​៕S/​