សម្តេច​កិត្តិ​ព្រឹទ្ធ​បណ្ឌិត​នាំយក​ថវិកា គ្រឿងឧបភោគ បរិភោគ ប្រគេន​ព្រះសង្ឃ​នៅ​វត្ត​ចំនួន​២ ក្នុង​ក្រុង​កំពង់ចាម

1437
ចែករម្លែក

​ដោយ​: សុផល / ខេត្តកំពង់ចាម​: កាលពីរសៀល​ថ្ងៃទី​២ ខែសីហា ឆ្នាំ​២០១៨ នាឱកាស​អញ្ជើញ​ស្នាក់នៅ​ក្រុង​កំពង់ចាម សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាក​បាទ​ក្រហម​កម្ពុជា អមដោយ​មន្ត្រី​អ្នក​មុខ អ្នកការ​បាន​អញ្ជើញ នាំយក​នូវ​ថវិកា​គ្រឿងឧបភោគ​បរិភោគ​សំភារៈ​បរិក្ខារ​ជាច្រើន​មុខ ទៅ​ប្រគេន​ដល់​ព្រះសង្ឃ​ដែល​គង់​ចាំ​ព្រះវស្សា នៅ​វត្ត​ចំនួន​២ ក្នុង​ក្រុង​កំពង់ចាម​។​

​វត្ត​ទាំងពីរ​នោះ គឺ​វត្ត​ជ្រោយ​ថ្ម ស្ថិតនៅ​សង្កាត់​បឹង​កុក និង​វត្ត​បឹង​ស្នាយ ស្ថិតក្នុង​សង្កាត់​សំបួរមាស ក្រុង​កំពង់ចាម ខេត្តកំពង់ចាម​។

​ក្នុងឱកាស​អញ្ជើញ​ដល់​វត្ត​ជ្រោយ​ថ្ម​សម្ដេច​កិត្តិ​ព្រឹទ្ធ​បណ្ឌិត ប៊ុនរ៉ានី ហ៊ុនសែន ក៏បាន​អញ្ជើញ​ថ្វាយ​ទៀនធូប​ផ្កា​ភ្ញី​បូជា ចំពោះ​ព្រះ​ពុទ្ធបដិមា និង​បាន​អញ្ជើញ​ថ្វាយបង្គំ​ចំពោះ​ព្រះសង្ឃ​ដែល និមន្ត​ចូលរួម​ផងដែរ ហើយ​សម្តេច​កិត្តិ​ព្រឹទ្ធ​បណ្ឌិត បាន​អញ្ជើញ​ចែក​ក្រណាត់ស និង​ថវិកា​ដល់​តាជី យាយជី​ផងដែរ​៕