សម្តេច​តេ​ជោ ហ៊ុន សែន ផ្តល់​អគារសិក្សា​២​ខ្នង ៦០​បន្ទប់​ដល់​វិទ្យាល័យ​ចំណេះ​ទូទៅ និង​បច្ចេកទេស​បាវិត និង​បឋមសិក្សា​បាវិត​

368

ដោយ​: តារា​រិ​ទ្ធ / ភ្នំពេញ​: នៅ​ព្រឹក​ថ្ងៃទី​៩ ខែ ឧសភា​នេះ បន្ទាប់ពី​ជួប​ជួប​សំណេះសំណាល​ជាមួយ​បងប្អូន​កម្មករ កម្ម​ការ​នី នៅ​តំបន់​សេដ្ឋកិច្ច​ពិសេស​ក្រុង​បាវិត​រួចមក សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​អញ្ជើញ​ជួប​សួរសុខទុក្ខ​ដល់​ក្មួយៗ​សិស្សានុសិស្ស នៃ​នៅ​វិទ្យាល័យ​ចំណេះ​ទូទៅ និង​បច្ចេកទេស​បាវិត និង​បឋមសិក្សា​បាវិត​។​

​នៅ​ទីនោះ សម្តេច​តេ​ជោ​នាយករដ្ឋមន្ត្រី​បានធ្វើការ​ពិនិត្យមើល ដោយ​យកចិត្តទុកដាក់​ចំពោះ​ស្ថានភាព នៃ​ការសិក្សា​របស់​សិស្សានុសិស្ស និង​អគារសិក្សា នៅក្នុង​វិទ្យាល័យ​ចំណេះ​ទូទៅ និង​បច្ចេកទេស​បាវិត និង​បឋមសិក្សា​បាវិត​។ ដោយ​មើលឃើញ​ពី​តម្រូវ​ការចាំបាច់ និង​ការខ្វះខាត​នូវ​អគារសិក្សា​មួយចំនួន​ក្នុង​សាលា​នេះ សម្តេច​តេ​ជោ​នាយករដ្ឋមន្ត្រី​បានផ្តល់​អំណោយ​ជា​អគារសិក្សា​មួយចំនួន​ដូចជា​៖ ផ្នែក​សាលាបឋមសិក្សា​បាវិត​ផ្តល់ជូន​នូវ​អគារសិក្សា​ថ្មី ១​ខ្នង កម្ពស់ ៣​ជាន់ មាន​៣០​បន្ទប់ និង​ទីចាត់ការ​មួយ​១​ខ្នង មាន​៣​បន្ទប់​ផងដែរ​។ ផ្នែក​វិទ្យាល័យ​ចំណេះ​ទូទៅ និង បច្ចេកទេស​បាវិត ផ្តល់ជូន​អគារសិក្សា​ថ្មី​១ ខ្នង កម្ពស់​៣​ជាន់ មាន​៣០​បន្ទប់ និង​ទីចាត់ការ​១​ខ្នង មាន​៣​បន្ទប់​ផងដែរ។

​ជាមួយគ្នា​នោះ សម្តេច​តេ​ជោ​ក៏​ផ្តល់នូវ​អគារ​ស្នាក់​របស់​គ្រូ​១​ខ្នង ២​ជាន់​១០​បន្ទប់ និង​អគារ​ស្នាក់នៅ​របស់​សិស្ស ១​ខ្នង ២​ជាន់​១០​បន្ទប់ ហើយ​និង​មាន​រៀបចំ​ជាតា​រាង​បាល់ទាត់ បាល់បោះ និង​រៀបចំ​ទីធ្លា​សាលា​ឲ្យ​បាន​ស្អាត​ផងដែរ​៕ ល​