សាខា​កាកបាទក្រហម​ខេត្តសៀមរាប ផ្សព្វផ្សាយ​ច្បាប់​មនុស្សធម៌​អន្តរជាតិ​ដល់​កងកម្លាំង​ប្រចាំ​ជួរមុខ​

616
ចែករម្លែក

ដោយ : គូលែន/ ​សៀមរាប : កាលពី​ចុង​សប្តាហ៍​ថ្ងៃទី​២៤ ខែសីហា ឆ្នាំ​២០១៨​កន្លងទៅនេះ នៅ​ទីបញ្ជាការ​វរៈ​សេនា​តូច​លេខ​១ ចំណុះ​តំបន់ ប្រតិបត្តិការ​សឹក​រង​សៀមរាប ប្រចាំ​ជួរមុខ (​អូរ​កូនតឹង .​តំបន់​ព្រៃ​ស្អា​ក​) ត្រូវ​បានទទួល​បានកា​រ​ផ្សព្វផ្សាយ​អំពី​ចលនា អន្តរជាតិ​កាកបាទក្រហម អឌ្ឍចន្ទ​ក្រហម និង ច្បាប់​មនុស្សធម៌​អន្តរជាតិ ជូន​ដល់​នាយទាហាន ពលទាហាន ចំនួន ១២៥​នាក់ ក្រោម​វត្តមាន​របស់លោក ស៊ុ សំអន នាយក​ប្រតិបត្តិ​សាខា​កាកបាទក្រហមកម្ពុជា​ខេត្តសៀមរាប និង លោក​ឧ​ត្ត​ម​សេនីយ៍​ត្រី កា ដែ​ត មេបញ្ជាការរង​តំបន់​ប្រតិបត្តិការ​សឹង​រង​សៀមរាប ប្រចាំការ​ជួរមុខ ។

​លោក​ឧ​ត្ត​ម​សេនីយ៍​ត្រី កា ដែ​ត មេបញ្ជាការរង​តំបន់​ប្រតិបត្តិការ​សឹង​រង​សៀមរាប ក៏បានលើកឡើង​អំពី​ស្ថានភាព និង សភាពការណ៍​នៅ​តំបន់​ជួរមុខ ព្រមទាំង​បានធ្វើការ​សាទរ ចំពោះ​វគ្គ​ផ្សព្វផ្សាយ​ជូន ដល់ នាយទាហាន ពលទាហាន ក្នុង​វរៈ​សេនា​តូច​លេខ​១​នេះ បានធ្វើ​ឲ្យ​នាយទាហាន ពលទាហាន កាន់តែ​បាន​យល់ច្បាស់ ពី​ច្បាប់​មនុស្សធម៌​អន្តរជាតិ ក៏បាន​បង្កើន​នូវ​ស្មារតី​ចូលរួម​ក្នុង​ចលនា​អន្តរជាតិ​កាកបាទក្រហម អឌ្ឍចន្ទ​ក្រហម សំខាន់​ក្នុងការ​ចូលរួម​សង្គ្រោះ​ប្រជាពលរដ្ឋ ដែល​ជួប​គ្រោះថ្នាក់​ដោយ​ឧបទ្ទវហេតុ​ផ្សេងៗ និង​គ្រោះធម្មជាតិ​ជាដើម ។​

លោក ស៊ុ សំអន ប្រធាន​សាខា​កាកបាទក្រហម​ខេត្តសៀមរាប ក៏បាន​បញ្ជាក់​ឲ្យ​ដឹងថា វគ្គ​ផ្សព្វផ្សាយ​នេះ​អនុវត្ត​ឡើង​ក្នុង​គោលបំណង ផ្ដល់នូវ​ការយល់ដឹង​អំពី​ចលនា​អន្តរជាតិ​កាកបាទក្រហម អឌ្ឍចន្ទ​ក្រហម សំខាន់​គឺ​ច្បាប់​មនុស្សធម៌​អន្តរជាតិ ឲ្យ​បាន​កាន់តែ​ទូលំទូលាយ និង​ចូល​ជ្រៅ​ដល់​នាយទាហាន ពលទាហាន ក្នុងពេល​ចុះ​បំពេញភារកិច្ច ជួយ​សម្រួល​ដល់​សកម្ម​ភាព​មនុស្សធម៌​របស់​កា​ក​បាទ​ក្រហម​កម្ពុជា និង ត្រូវគោរព​ឲ្យ​បាន​ខ្ជាប់ខ្ជួន​នូវ​ច្បាប់​មនុស្សធម៌​អន្តរជាតិ​ដែល​បាន​ផ្សព្វផ្សាយ​ជូន​នាពេលនេះ ។​

​លោក​បាន​បន្តថា ម្យ៉ាងទៀត​វគ្គ​ផ្សព្វផ្សាយ​នេះ គឺ​បាន​ជួយ​បណ្តុះ​នូវ​ស្មារតី ចំណេះដឹង​របស់​បងប្អូន​ជា​នាយទាហាន ពលទាហាន បាន​កាន់តែ​យល់ច្បាស់​អំពី​ច្បាប់​មនុស្សធម៌​អន្តរជាតិ ទាំង​នៅ លើ​សមរភូមិ និង សង្គម​ផងដែរ ។ លោកនាយក​ក៏បាន​បន្តទៀតថា បច្ចុប្បន្ននេះ កាកបាទក្រហមកម្ពុជា បាន​យកចិត្តទុកដាក់​ខ្ពស់ ទៅលើ​បញ្ហា​គ្រោះថ្នាក់​ចរាចរណ៍ ជម្ងឺអេដស៍ និង គ្រោះធម្មជាតិ​ទឹកជំនន់ ៕B