សេដ្ឋវិទូ​ខ្មែរ​នៅ​អាម៉េរិក​៖ កម្ពុជា​សម្បូរ​ពេជ្រ​មិនទាន់​ច្នៃ «​យុវជន​យុវនារី​»

377

ដោយ​: ស៊ា ថាំង / ភ្នំពេញ​: លោក​គង់ សេង​លី បណ្ឌិត​សេដ្ឋកិច្ច នៃ​សកល​វិទ្យាល័យ Cornell (​អាម៉េរិក​) បាន​និយាយថា ប្រទេស​កម្ពុជា​សម្បូរ​ដោយ​ពេជ្រ​មិនទាន់​ច្នៃ​ច្រើនណាស់​ពិសេស​គឺ​ពួក «​យុវជន​យុវនារី​»​។​

​លោក​បាន​ថ្លែងថា យោងតាម​គោលនយោបាយ​ថ្មី​របស់​ប្រទេស​ជប៉ុន បើកចំហ​អនុញ្ញាត​ឲ្យ​កម្លាំង​ពលកម្ម​បរទេស ដែលមាន​សមត្ថភាព​ខ្ពស់​មាន​សិទ្ធិ​ទទួលបាន​ឋានៈ​ស្នាក់នៅ​រយៈពេល​វែង ព្រមទាំង​ក្រុមគ្រួសារ​ផង ដើម្បី​ចូលទៅ​ធ្វើការ​នេះ ប្រទេស​កម្ពុជា​អាច​ស្នើសុំ​ជប៉ុន​មកជួយ​បណ្តុះបណ្តាល​ធនធានមនុស្ស ឬ​ធ្វើ​កុងត្រា​ជាមួយ​សាកលវិទ្យាល័យ​ក្នុងស្រុក ដោយ​នាំយក​កម្មវិធីសិក្សា​ទេពកោសល្យ​ជំនាញ​ផ្សេងៗ ដែល​ជប៉ុន​ត្រូវការ​មក​បង្រៀន​ដល់​ពលករ និង និស្សិត​កម្ពុជា​រួចហើយ​ទទួលយក​កម្លាំង​នេះ​ទៅធ្វើ​ការ​នៅ​ជប៉ុន​។

​លោក​និយាយថា នៅ​សហរដ្ឋ​អាម៉េរិក​គេ​មាន​កុងត្រា​ស្រដៀង​នេះ ជាមួយ​ប្រទេស​ថៃ និង​ហ្វីលីពីន​លើ​ជំនាញ​គិលានុបដ្ឋាន​។​ល​។ លោក​បញ្ជាក់​តាម​ស្ថិតិ​ប្រជាសាស្ត្រ​ជប៉ុន និង​អារ្យ​ប្រទេសមួយ​ចំនួន​នៅ​អឺរ៉ុប​ខាងលិច បាន​នឹង​កំពុង​ជួប​វិបត្តិ​កម្លាំង​ពលកម្ម​យុវជន​យុវនារី ដើម្បី​ឆ្លើយតប​តម្រូវការ​សេដ្ឋកិច្ច​របស់ខ្លួន​។ ជប៉ុន​ត្រូវ​កម្លាំង​ពលកម្ម​ដែលមាន​សមត្ថភាព​ខ្ពស់ ខណៈ​នេះ​ប្រទេស​ជប៉ុន​ពេញ​ទៅដោយ​មនុស្ស​ចាស់​។

​យោងតាម​ការផ្សាយ​រប​ស់កា​សែត​បរទេស​បាន​ឲ្យ​ដឹងថា ជប៉ុន​កំពុង​ត្រូវ​កម្លាំង​ពលកម្ម ដែលមាន​សមត្ថភាព​ខ្ពស់​ក្នុង​ជំនាញ​កសិកម្ម ពេទ្យ សំណង់​ស្ថាបត្យកម្ម ជំនួញ​សណ្ឋាគារ​និង​ធ្វើក​ប៉ាល់​៕ ល​