សំឡូត​ពី​ចម្ការមីន ក្លាយ​ទៅ​ចម្ការ​ដំណាំ​

1044
ចែករម្លែក
  • 23
    Shares

ដោយៈ​បូព៌​ព្រឹក្ស​/​ភ្នំពេញៈ​ទឹកដី​នៃ​ភាគ​ខាងលិច​ប្រទេស​កម្ពុជា​ដែល​ពី​អតីតកាល​ពោរពេញ​ដោយ​ចម្ការ​គ្រាប់មីន គ្រាប់​មិន​ទទា​ន់​ផ្ទុះ​ប​ច្ចុច​ប្បន្ន​បាន​ក្លាយជា​ចម្ការ​ដំណាំ​ដ៏​មាន​សក្តានុពល​។​នេះ​កើតឡើង​បន្ទាប់ពី​ប្រទេស​ទទួលបាន​សុខសន្តិភាព​និង​ការជួយ​រំដោះ​គ្រាប់ យុទ្ធ​ភ័​ណ្ឌ​មិនទាន់​ផ្ទុះ​ដោយ​អង្គភាព​ស៊ីម៉ាក​។​

ទុរេននិងសាម៉ាវសំឡូត(រូបផេកលោកហេងរតនា)

​សំណេរ​មួយ​ក្នុង​ផេ​ក​ហ្វេ​ស​ប៊ុ​ក​ផ្លូវការ​របស់លោក ហេង រតនា​អគ្គនាយក​ស៊ីម៉ាក់​នៅ​ព្រឹក​ថ្ងៃទី​២​ខែឧសភា​នេះ ជាមួយនឹង​រូបភាព​ជាច្រើន​សន្លឹក​បាន​រៀបរាប់ថា​ទុរេន​នៃ​ទឹកដី​ស្រុក​សំឡូត​ខេត្តបាត់ដំបង​មាន​រសជាតិ​ឆ្ងាញ់​ពិសេស​។ កម្ពុជា​ជា​ទឹកដី​សុវណ្ណ​ភូមិ​។​រាជរដ្ឋាភិបាល​បានផ្តល់​ភារកិច្ច​ឱយ​អង្គភាព​ស៊ីម៉ាក់​ក្រោម​ជំនួយ របស់​ប្រជាជន​និង រដ្ឋាភិបាល​ជប៉ុន​ត្រូវខិតខំ​រំដោះទឹកដី​សំឡូត​ឱយអស់​គ្រាប់មីន​និង​សំណល់​ជាតិ​ផ្ទុះ​។​

​លោក​បន្តថា​សំឡូត​ជា​តំបន់​ប្រយុទ្ធ​យូរអង្វែង​និង​ភូមិសាស្ត្រ​អំណោយផល​ខាង​សង្គ្រាមស៊ីវិល​ជាងគេ​ដូចនេះ​មាន គ្រាប់មីន​និង​សំណល់​ជាតិ​ផ្ទុះ​ច្រើនណាស់​។ ការប្រយុទ្ធ​ចុងក្រោយ ក្នុង​ឆ្នាំ​១៩៩៧-៩៨ គ្រាប់​មីនតោន​និង​កំណប់ ឃ្លាំង​គ្រាប់​ច​ល​ត័​ក៏មាន​ច្រើន​ណាស់ដែរ​។​មាន​គ្រាប់​មីនតោន​ពី​ពីរ​គ្រាប់​លើស​១០​គ្រាប់​មួយ​រណ្តៅ​ក៏​មានដែរ​។​
​លោក​អគ្គនាយក​បា​នប​ន្ថែ​ម​ថាស៊ីម៉ាក់បាន​ប្រែក្លាយ​សំឡូត​ទៅជា​ចម្ការ​ដំណាំ​កសិកម្ម​មាន​សក្តានុពល​សេដ្ឋកិច្ច​រួមមាន ទុរេន ម្រេច កៅស៊ូ ស្វាយ​ជាដើម​។ ល​។ ដោយ​គ្មាន​ការភ័យខ្លាច​ដោយសារ​គ្រាប់មីន​និង​គ្រាប់​សំណល់​ជាតិ​ផ្ទុះ​។ ពិតជា​ក្តី​សុខ​សុ​វ​តិ្ថ​ភាព​នៃ​ប្រជាជន​យើង​ក្នុងការ​ប្រើប្រាស់​ដីធ្លី​៕​មន​

ទឹកដីសំឡូតបានប្រែប្រួល