ស្គាល់​អត្តសញ្ញាណ​នារី​ត្រូវ​ឃាតករ​កាប់​ចិ​ញ្ច្រាំ​ញាត់​ចូល​ធុង​ក្លាសេហើយ

1641
ចែករម្លែក
  • 97
    Shares

ដោយៈសម្បត្តិ/កណ្តាលៈ មកដល់ល្ងាចថ្ងៃទី១៧ខែមីនាសមត្ថកិច្ចបានស្រាជ្រាវស្គាល់​អត្តសញ្ញាណនារី​ដែលត្រូវ​ឃាតករ​កាប់​ចិ​ញ្ច្រាំ​ញាត់​ចូល​ធុង​ក្លាសេទឹកក​កហើយ ​តែ​ជនដៃដល់​មិនទាន់​ចាប់បាននៅឡើយ។

ជនរងគ្រោះកាលនៅរស់

​ប៉ូលិស​បានឲ្យដឹង​ថា សព​នារី​រងគ្រោះ​ឈ្មោះ ឃឿន ធានី អាយុ​២៩ ឆ្នាំ​ស្នាក់នៅ ភូមិ​ក្រូចសើច ឃុំហានជ័យ ស្រុក កំពង់សៀម ខេត្តកំពង់ចាម​។​សពក៏​ត្រូវបាន​សមត្ថកិច្ច​ប្រគល់​ឱ្យទៅ​ក្រុមគ្រួសារយកទៅ​ធ្វើ បុណ្យ​នៅឯ​ស្រុកកំណើត​តាម​ប្រពៃណី​។​​បើ​ទោះយ៉ាងណា សមត្ថកិច្ច​មិន​ទម្លាយ​ពី​តម្រុយ​នៃ​មុខសញ្ញាឃាតក​រនៅឡើយ ព្រោះ​ជាការ​សម្ងាត់​ក្នុង​ស៊ើបអង្កេត​​។​

​គួររំឭកថា ឃាតក​របាន​កាប់សម្លាប់​នារី​រងគ្រោះ​ជាច្រើន​កាំបិត រួច​ញាត់​ចូល​ក្នុងធុងក្លាសេ​​ទឹកកក យកទៅ​ទម្លាក់ចោល​នៅក្បែរ​ស្ពាន​ព្រះ​គន្លង ស្ថិត​ក្នុងស្រុក​ខ្សាច់កណ្ដាល ខេត្តកណ្ដាល ។​​ហេតុការណ៍​នេះ​បាន​បង្ក​ការភ្ញាក់ផ្អើល​កាលពី​រសៀល​ថ្ងៃទី​១៦ ខែមីនា បន្ទាប់ពី​ប្រជាពលរដ្ឋប្រទះឃើញ​ធុង​ទឹកកក​ទុកចោល​ក្បែរ​ស្ពាន​ព្រះ​គន្លង ដោយមាន​ការសង្ស័យ ក៏បាន​រាយការណ៍ទៅ​អាជ្ញាធរ សមត្ថកិច្ច​ឲ្យមក​ពិនិត្យ។ពេលប៉ូលិសបើកក៏ឃើញសពក្នុងនេះតែម្តង​៕​MN