ស្ថាប័ន​នីតិប្បញ្ញត្តិ​និង​នីតិប្រតិបត្តិ​ត្រូវ​រួមគ្នា​ទប់ស្កាត់​សកម្មភាព​វាយប្រហារ​មកលើ​រាជរដ្ឋាភិបាល​

237
ចែករម្លែក

ដោយ​បូកគោ​/​កំ​ពតៈ​ទាំង​ស្ថាប័ន​នីតិប្បញ្ញត្តិ​ក៏ដូចជា​នីតិប្រតិបត្តិ​ត្រូវ​រួមគ្នា​ប្រឆាំង​ទប់ស្កាត់​រាល់​សកម្មភាព​នយោបាយ​វាយប្រហារ​មកលើ​កម្ពុជា​។​រាល់​កិច្ចប្រឹងប្រែង​របស់​រាជ​រដ្ឋាភិបាល​ទោះ​ខិតខំ​ដល់​កម្រិតណា​ដោយ​ក៏​មិន​គាប់ចិត្ត​ក្រុមមនុស្ស​អគតិ​បានដែរ​។

​ក្នុងជំនួប​ពិភាក្សា​ការងារ និង​ស្វែងយល់​អំពី​ការអនុវត្ត​ច្បាប់​នៅ​ខេត្តកំពត កាលពី​ថ្ងៃទី​១៣ ខែសីហា ឆ្នាំ​២០១៩ លោក​សុខ ឥសាន បាន​មាន​ប្រសា​ស​ថា​មន្ត្រី​ទាំងអស់​ត្រូវខិតខំ​រួមគ្នា​អនុវត្ត​ភារកិច្ច និង​គោរព​តាមច្បាប់​ដែល​បានចែង ពិសេស​ស្វែងយល់​អំពី​សតិអារម្មណ៍​ក្រុមការងារ​ក្នុង​តំបន់ ខេត្ត ឬ​ស្ថាប័ន​មន្ទីរ​អង្គភាព​របស់ខ្លួន​។​លើសពីនេះ​ត្រូវផ្តោត​ការ​ចិត្ត​ទុកដាក់​ចំពោះ​មជ្ឈដ្ឋាន​ប្រឆាំង​ទាំងឡាយ​មិន​ថា​អ្នកវិភាគ​នយោបាយ​សេដ្ឋកិច្ចសង្គម​ឬ​អ្នក​ក្នុង​ក្របខណ្ឌ​អង្គការ​សង្គម​ស៊ីវិល​ណាមួយ​ឡើយ​។

​លោក​ប្រធាន​គណៈកម្មការ​ទី​៤​នៃ​ព្រឹទ្ធសភា​បាន​បន្តថា ទោះបី​រាជរដ្ឋាភិបាល​ខិតខំ​ប្រឹងប្រែង ដល់​កម្រិតណា​ក៏​មិនអាច​ផ្គាប់ចិត្ត​ក្រុមមនុស្ស​អគតិ​បានដែរ​។​ដូច្នេះ​មន្ត្រី​ទាំងអស់​ត្រូវ​អនុវត្តតាម​ការកំណត់​ផ្អែកលើ​គោល​ការ​ផ្លូវច្បាប់​និង​កម្មវិធី​នយោបាយ​របស់​រាជរដ្ឋាភិបាល​កម្ពុជា​។​និយាយ​រួមទាំង​ស្ថាប័ន​នីតិប្បញ្ញត្តិ​ក៏ដូចជា​នីតិប្រតិបត្តិ​ត្រូវ​រួមគ្នា​ប្រឆាំង​ទប់ស្កាត់​រាល់​សកម្មភាព​នយោបាយ​វាយប្រហារ​មកលើ​កម្ពុជា​ឱ្យបាន​ដាច់ខាត​។​

​លើសពីនេះ​ក្នុងនាម​ស្ថាប័ន​នីតិប្បញ្ញត្តិ​លោក​សូមឱ្យ​រដ្ឋបាលខេត្ត​គណៈបញ្ជាការ​ឯកភាព​ខេត្ត​ត្រូវ​បង្កើន​ការយកចិត្តទុកដាក់​ប​ន្ថែ​ម​ទៀត​លើ​បញ្ហា​ភូមិ​ឃុំ​សុវត្ថិភាព​បញ្ហាដីធ្លី​បញ្ហា​គ្រោះថ្នាក់​ចរាចរ​ករណី​គ្រឿងញៀន​ជាដើម​៕S/