ស្ពាន​អាកាស​ផ្សារ​ដី​ហុយ​ស្ថាបនា​សម្រេចបាន​៨០​ភាគរយ គ្រោង​បញ្ចប់​នៅ​ចុងឆ្នាំ​២០១៧​នេះ​

321

(​ភ្នំពេញ​)៖​ស្ពាន​អាកាស​នៅ​ភ្លើងស្តុប​ផ្សារ​ដី​ហុយ​ឬ​ហៅថា​ស្ពាន​អាកាស​ទី​៥​ដែល​ទទួល​ការស្ថាបនា​ដោយ​ក្រុមហ៊ុន​ចិន​និង​ជា​អំណោយ​របស់​ប្រទេស​ចិន​នោះ​ឃើញថា​កំពុងតែ​មមាញឹក​ណាស់ដែ​ល​គិត​មកដល់ពេលនេះ​ការដ្ឋាន​ទាំងមូល​សម្រេចបាន​ប្រមាណ​៨០​ភាគរយ​ហើយ​ដែល​តាម​ការគ្រោង​នឹង​បញ្ចប់​ការស្ថាបនា​នៅ​ខែធ្នូ ឆ្នាំ ២០១៧​នេះ ក្រោយពី​បាន​បើក​ការដ្ឋាន​សាងសង់​កាលពី​ចុងខែ​សីហា​២០១៦​កន្លងមក​។​
​ ​
​ពាក់ព័ន្ធ​ការសាងសង់​ស្ពាន​អាកាស​ទី​៥​នេះ លោក​ម៉េ​ត មាស​ភក្តី​អ្នកនាំពាក្យ​រដ្ឋបាល​រាជធានី​ភ្នំពេញ​បានបញ្ជាក់​កាលពី​ព្រឹក​ថ្ងៃទី​២​ខែកញ្ញា​ថា ការ​អនុវត្ដ​ន៍​ការងារ​នៅក្នុង​ការដ្ឋាន​ទាំងមូល​បានសម្រេច​បាន​ប្រមាណ​៨០​ភាគរយ​ហើយដោយ​អ្នកជំនាញ​បាន​លើក​​បំពាក់​ធ្នឹម​លើ​តួ​ស្ពាន​ផ្នែក​ខាងកើត​និង​ខាងលិច​ស្ទើរតែ​រួចរាល់​ទៅហើយ​។​ចំណែក​ជើង​សរសរ​ទ្រ​តួ​ស្ពាន​បាន​ក៏​ត្រូវបាន​ស្ថាបនា​រួចជាស្រេច​​ហើយ​ដែរ​។
​ ​ ​
​គួរបញ្ជាក់​ផងដែរ​ថា​ ​បច្ចុប្បន្ននេះ​នៅក្នុង​រាជធានី​ភ្នំពេញ​មាន​ស្ពាន​អាកាស​ចំនួន​៤​កន្លែង​ស្ថាបនា​រួចរាល់​និង​ដាក់ឱ្យ​ដំណើរការ​ជា​បន្តបន្ទាប់​តាំងពី​ឆ្នាំ​២០១០​មក គឺ​ស្ពាន​អាកាស​ក្បាលថ្នល់​ជា​ស្ពាន​អាកាស​ទី​១​នៅ​អតីត​រង្វង់​មូល​ក្បាលថ្នល់ ទី​២​ស្ពាន​អាកាស​៧​មករា​ស្ថិតនៅ​ស្តុ​ប​ពេទ្យ​លោកសង្ឃ​ទី​៣​ស្ពាន​អាកាស​ស្ទឹងមានជ័យ​ហៅថា​ស្ពាន​មេអំបៅ​សំ​កោង​ខ្នង​ទី​៤​ស្ពាន​អាកាស​តិច​ណូ​ហៅ​ស្ពាន​អាកាស​៥​មករា ស្ថិតនៅ​អតីត​ស្ដុ​ប​តិច​ណូ និង​ស្ពាន​អាកាស​ទី​៥​ដែល​កំពុង​សាងសង់​នេះ​គឺ​ស្ពាន​អាកាស​ស្តុ​ប​ផ្សារ​ដី​ហុយ​៕​ដោយៈ​រ៉ា​ម៉ន​/sn