ស្លាប់​១៩​នាក់ និង​របួស​៥៩​នាក់ ដោយ​គ្រោះថ្នាក់​ចរាចរណ៍​ក្នុង​ពិធីបុណ្យ​ចូលឆ្នាំ​ខ្មែរ​ពីរ​ថ្ងៃ​

542

​ដោយ​: មុនី​រ័ត្ន / ភ្នំពេញ​: រយៈពេល​២​ថ្ងៃ នៃ​ពិធីបុណ្យ​ចូលឆ្នាំ​ខ្មែរ​(១៤-១៥ មេសា​) គ្រោះថ្នាក់​ចរាចរណ៍ បាន​បណ្ដាល​ឲ្យ​មនុស្ស​១៩​នាក់​ស្លាប់ និង​របួស​ចំនួន​៥៩​នាក់​។

​នៅ​ថ្ងៃទី​១៤ ខែមេសា គ្រោះថ្នាក់​ចរាចរណ៍ កើតឡើង​ចំនួន​១៤​លើក បណ្ដាល​ឲ្យ​មនុស្ស​ស្លាប់ ចំនួន​៦​នាក់ និង​របួស​២៥​នាក់ (​ស្រាល​១១​នាក់ ធ្ងន់​១៤​នាក់​) ចំណែក​នៅ​ថ្ងៃទី​១៥ ខែមេសា គ្រោះថ្នាក់​ចរាចរណ៍​កើតឡើង​៣៨​លើក បណ្ដាល​ឲ្យ​មនុស្ស​ស្លាប់​១៣​នាក់ របួស​ចំនួន​៣៤​នាក់ (​ធ្ងន់​២៨​នាក់​-​របួសស្រាល​៦​នាក់​)​។ នេះ​បើ​យោងតាម​របាយការណ៍រ​បស់​នាយកដ្ឋាន​នគរ​បាល​ចរាចរណ៍ និង​សណ្តាប់ធ្នាប់​សាធារណៈ នៃ​អគ្គស្នងការ​នគរបាល​ជាតិ ដែល​បាន​ផ្សព្វផ្សាយ​នៅ​ថ្ងៃទី​១៥ ខែមេសា ឆ្នាំ​២០១៨​។

​របាយការណ៍​បាន​បញ្ជាក់ថា មូលហេតុ​គ្រោះថ្នាក់​ចរាចរណ៍​ដោយសារ​ល្បឿន ស្រវឹង ប្រជែង មិន​ប្រកាន់​ស្តាំ មិន​គោរព​សិទ្ធិ បត់​គ្រោះថ្នាក់ កត្តា​យាន ងងុយដេក​៕ ល​