ស្លាប់​៣​នាក់​ដោយ​បើក​ម៉ូតូ​ជែង​រថយន្ត​១​គ្រឿង​ប៉ះ​ដៃចង្កូត​រេ​ទៅ​កៀ​ម៉ូតូ​១​គ្រឿង​ទៀត​ខ្ទាតចូល​ក្រោម​រថយន្ត​

494
ចែករម្លែក

​ដោយ:​គ្រញូង​/​បាត់ដំបង ៖ ​មនុស្ស​ប្រុស​បីនាក់​បាន​ស្លាប់​ភ្លាមៗ​ ​នៅនឹងកន្លែង​ដោយមាន​ម៉ូតូ​ម៉ាក​ហុងដា​សេ​125 បើក​បាន​ជែង​រថយន្ត​១​គ្រឿង​ម៉ាក​FUSO​មកពី​ទិស​ប៉ៃលិន​ក្នុងទិសដៅ​ច្រាស់ទិស​គ្នា​ហើយ​បាន​រេ​ទៅ​ប៉ះ​ដៃចង្កូត​ហើយ​ជ្រុល​ទៅ​កៀ​ម៉ូតូ​ម៉ាក​ឃ្លិ​ក​១​គ្រឿង​ទៀត​ខ្ទាតចូល​​ក្រោម​រថយន្ត​បណ្តាល​ឲ្យ​ស្លាប់​ទាំង​៣​នាក់​ភ្លាមៗ ។

​ហេតុការណ៍​គ្រោះថ្នាក់​ចរាចរ​ណ៍ដ៍​គួរឱ្យ​រន្ធត់​នេះ​កើតឡើង​កាលពី​យប់​ថ្ងៃទី​៨​ខែធ្នូ​ឆ្នាំ​២០១៨ នៅ​ចំណុច​ភូមិ​គោក​ពន្លៃ​សង្កាត់​អូរ​ម៉ា​ល់​ក្រុង​បាត់ដំបង​។​ ចំណែក​អ្នកបើកបរ​រថយន្ត​មិន​ស្គាល់​អត្តសញ្ញាណ​បាន​ទុក​រថ​
​យន្ត​ចោល​ហើយ​រត់​គេចខ្លួនបាត់​។​

ចំពោះ​អ្នកស្លាប់​ទាំង​៣​នាក់​មិ​ស្គាល់ឈ្មោះ​​មាន​ទីលំនៅ​ភូមិ​១៥០​ស្រុក​សំឡូត​ខេត្ត​បាត់​​ដំបង​។​

ឯ​មធ្យោបាយ​ទាំង​៣​គ្រឿង​ត្រូវ​សមត្ថកិច្ច​អូស​យកទៅ​រក្សាទុក​នៅ​ការិយាល័យ​ចរាចរ​​ណ៍​ខេត្ត​រង់ចាំ​ភាគី​ទាំង​៣​ចូលខ្លួន​មក​ដោះ​​ស្រាយ​តាមច្បាប់​៕B/