ហាត់ប្រាណ អាច​កាត់បន្ថយ​ឱកាស​កើត​ជំងឺ​បេះដូង ទោះបី​លោកអ្នក​កំពុង​ប្រឈម​ហានិភ័យ​កើត​ជំងឺ​នេះ​ក៏ដោយ​

737

​ប្រហែល​មួយ​ភាគ​បួន​នៃ​អ្នកស្លាប់​នៅ​សហរដ្ឋអាមេរិក​គឺ​ដោយសារ​ជំងឺ​បេះដូង​។ ប៉ុន្តែ​ការស្រាវជ្រាវ​ថ្មី​មួយ​បាន​បង្ហាញថា ទោះបីជា​អ្នកមាន​ហានិភ័យ​កើត​ជំងឺ​បេះដូង​តាម​ដំណពូជ​ក៏ដោយ ក៏​នៅតែមាន​វិធីសាស្ត្រ​សាមញ្ញ​មួយ​អាច​ប្រយុទ្ធ​ប្រឆាំងនឹង​វា​បានដែរ នោះ​គឺ ការហាត់​ប្រាណ​។​

​នៅក្នុង​ការសិក្សា​មួយ ក្រុម​អ្នកស្រាវជ្រាវ​បាន​ពិនិត្យមើល​ទិន្នន័យ​ពី​មនុស្ស​ជិត ៥០០.០០០ នាក់​មកពី​ប្រទេស​អង់គ្លេស ស្កុ​តឡែ​ន និង​វែ​ល ដែល​បាន​ចូលរួម​ក្នុងការ​ស្រាវជ្រាវ​មួយ ហៅថា U.K. Biobank Study​។ នៅពេល​ចាប់ផ្តើម​ការសិក្សា​នេះ បុរស​និង​ស្ត្រី​បាន​អនុញ្ញាតឱ្យ​អ្នកស្រាវជ្រាវ​ធ្វើការ​ប៉ាន់ស្មាន​ពី​ភាពប្រែប្រួល​ហ្សែ​ន​របស់​ពួកគេ​ចំពោះ​ជំងឺ​បេះដូង​។ ពួកគេ​បានធ្វើ​លំ​ហាត់ប្រាណ ពាក់​ឧបករណ៍​វាស់​សកម្មភាព​រាងកាយ​ប្រចាំថ្ងៃ ពាក់​ឧបករណ៍​វាស់​កម្លាំង​ក្តាប់ដៃ​របស់​ពួកគេ និង​ធ្វើតេស្ត​ជិះ​កង់​ដើម្បី​វាស់​ស្ទង់​ភាពរឹងមាំ​របស់​ពួកគេ​។​

​ទាំង​បុរស​និង​ស្ត្រី ដែល​ធ្វើ​លំ​ហាត់ប្រាណ​ទៀងទាត់ គឺ​ថយចុះ​ឱកាស​កើត​ជំងឺ​សរសៃឈាម​បេះដូង ៤៩ ភាគរយ និង ជំងឺ​បេះដូង​លោត​ញាប់​ខុស​ចង្វាក់ ៦០ ភាគរយ​។

​ការសិក្សា​នេះ​ត្រូវបាន​ចេញផ្សាយ​កាលពី​ថ្ងៃ​ចន្ទ ទី​៩ មេសា ក្នុង​ទស្សនា​វ​ដ្តី Circulation របស់​សមាគម​បេះដូង​អាមេរិក ៕ ដោយ៖ កញ្ញាដាលីស