ហេតុអ្វី​អ្នក​មិនគួរ​បរិភោគ​យ៉ា​អួ​គ្មាន​ជាតិ​ខ្លាញ់ ឬ ជាតិ​ខ្លាញ់​តិច ?

238
ចែករម្លែក

មនុស្ស​ជាច្រើន​ចូលចិត្ត​បរិភោគ​យ៉ា​អួ​មាន​ជាតិ​ខ្លាញ់​តិច ឬ គ្មាន​ជាតិ​ខ្លាញ់ ដោយ​គេ​គិតថា វា​មិន​ធ្វើ​ឲ្យ​ឡើង​ទម្ងន់ និង​ល្អ​សម្រាប់​សុខភាព​ជាង​ពពួក​យ៉ា​អួ​ផ្ទុក​ជាតិ​ក្រែ​ម​ធម្មតា ប៉ុន្តែ​តាម​អ្នកជំនាញការ​ខាង​ជីវជាតិ​បាន​អះអាងថា នេះ​ជា​ទស្សនៈ​ខុស​ទាំងស្រុង ។​

​មូលហេតុ​ដោយសារ​យ៉ា​អួ​គ្មាន​ជាតិ​ខ្លាញ់ ឬ ជាតិ​ខ្លាញ់​តិច​តែង​ផ្ទុក​ស្ករ​ច្រើនជាង​កម្រិត​ចាំបាច់ ។​

​ស្ថាប័ន​គ្រប់គ្រង​ឱសថ និង​អាហារ​អាមេរិក (FDA) បាន​ទូន្មាន​គ្រប់គ្នា​គួរ​បរិភោគ​សរុប​ប្រមាណ 50g ជាតិ​ស្ករ ក្នុង​១​ថ្ងៃ ។ ការណែនាំ​ជីវជាតិ​ថ្មី​បំផុត ក៏​លើកឡើង​ច្បាស់​ថា មនុស្សពេញវ័យ​មិនគួរ​បរិភោគ​លើស ១០% នៃ​បរិមាណ​កាឡូរី​ស្រូបយក​រាល់ថ្ងៃ ពី​ពពួក​ស្ករ ។​

​ប៉ុន្តែ ផលិតផល​យ៉ា​អួ មាន​ជាតិ​ខ្លាញ់​តិច​មួយ អាច​ផ្ទុក​ដល់ 30g ស្ករ​, ពោលគឺ​ប្រហាក់ប្រហែល ៦០% នៃ​កម្រិត​អនុញ្ញាត​ប្រចាំថ្ងៃ​របស់​ក្រសួងកសិកម្ម​អាមេរិក (NSDA) ។

​មូលហេតុ​ដែល​យ៉ា​អួ មាន​ជាតិ​ខ្លាញ់​តិច​តែងមាន​ស្ករ​ច្រើន​ដល់​ថ្នាក់​នេះ គឺ​ដោយសារ វា​ពុំមាន​ជាតិ​ខ្លាញ់​ច្រើន ។ ដូច្នេះ បណ្តា​ក្រុមហ៊ុន​ផលិត​ត្រូវ​បន្ថែម​ស្ករ ដើម្បី​ធ្វើ​ឲ្យ​យ៉ា​អួ មាន​រសជាតិ​ឆ្ងាញ់ ។​

​យ៉ា​អួ​មាន​ជាតិ​ក្រែ​ម​ពេញ​ច្រើន​ផ្ទុក​ស្ករ​តិចជាង ដោយសារ​វា​មាន​ក្លិន​ឈ្ងុយឆ្ងាញ់​រួចទៅហើយ ហេតុនេះ​មិនចាំបាច់​ត្រូវ​បន្ថែម​ស្ករ​ចូល ។​

​ពួក​អ្នកជំនាញការ​ឲ្យ​ដឹងថា អ្នក​មិនចាំបាច់​ត្រូវ​បារម្ភ​រឿង​ជាតិ​ខ្លាញ់​ក្នុង​យ៉ា​អួ​មាន​គ្រោះថ្នាក់​ដល់​សុខភាព ព្រោះ​វា​ពុំមែន​ជា​ប្រភេទ​ជាតិ​ខ្លាញ់​បំប្លែង (transfat) ដែលមាន​លទ្ធភាព​ធ្វើ​ឲ្យ​កើន​ហានិភ័យ​កើត​ជំងឺ​បេះដូង និង​ទឹកនោមផ្អែម ៕ ប្រែ​សម្រួលៈ រតនៈ