អង្គការ​ការពារ​សិ​ទិ្ធ​សត្វ ថ្កោលទោស​យាយ​ចាស់​ដែល​សម្លាប់​ក្រពើ​ដើម្បី​សងសឹក​

787

លោកយាយ​ម្នាក់​បានសម្លាប់​ក្រពើ​ដ៏​ធំ​មួយ​ក្បាល ដែលមាន​ទម្ងន់​ដល់​ទៅ ២៦៣ គីឡូក្រាម​គួរឱ្យភ្ញាក់ផ្អើល បន្ទាប់ពី​គាត់​អះអាងថា​វា​បាន​ស៊ី​សេះ​របស់គាត់ បណ្តាលឱ្យ​អង្គការ​ការពារ​សិទ្ធិ​សត្វ​ឈ្មោះ​ប៉េ​តា​( PETA) ថ្កោលទោស​គាត់​យ៉ាងខ្លាំង​។

​លោកយាយ ជូ​ឌី ខូច​រែ​ន (Judy Cochran) អាយុ ៧៣ ឆ្នាំ ចៅហ្វាយក្រុង​លី​វី​ង​ស្តុ​ន (Livingston) ដែលជា​ក្រុង​តូច​មួយ​ស្ថិតក្នុង​រដ្ឋ​តិច​សាស សហរដ្ឋ​អាម៉េរិក បាន​ប្រាប់​សារព័ត៌មាន​ក្នុងស្រុក​កាលពីពេល​ថ្មីៗ​នេះ​ថា គាត់​ជឿថា ក្រពើ​ប្រវែង ៣,៦៥ ម៉ែត្រ​ដែល​គាត់​បាន​ប្រទះឃើញ​នៅ​កសិដ្ឋាន​របស់​គ្រួសារ​គាត់​ខាងលើនេះ គឺជា​ឃាតករ​សម្លាប់​ស៊ី​សេះ​របស់គាត់​ដែល​បាន​បាត់​ខ្លួន​កាលពី​បី ឆ្នាំមុន​។​

​គាត់​បានដាក់​អន្ទាក់​ដើម្បី​ចាប់​ក្រពើ​នេះ​។ ក្រោយពី​ចាប់បាន គាត់​បាន​ចងវា​ព្យួរ ហើយ​យក​កាំភ្លើង​បាញ់​ក្បាល​វា​មួយ​គ្រាប់​ផ្តាច់ជីវិត​វា​ភ្លាមៗ​៕ ប្រែ​សម្រួល​: ខុម​