អភិបាលខណ្ឌឬស្សីកែវជួបជុំហូបអំបុកខ្មែរ ថែជាតិ សាសនា ព្រះមហាក្សត្រ ជាមួយមន្ត្រីរាជការ បងប្អូនប្រជាពលរដ្ឋក្នុងមូលដ្ឋាន

87
ចែករម្លែក

ដោយៈសាវរក្ស/ភ្នំពេញ ៖ តបការអំពានាវពីប្រមុខរាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជានាយករដ្ឋមន្ត្រី នៃកម្ពុជា បន្ទាប់ពីជួបជុំ ប្រារព្ធទិវាបុណ្យឯករាជ្យជាតិ ថ្ងៃ៩វិច្ឆិកា លោក ជា ពិសី អភិបាលខណ្ឌឬស្សីកែវ បានដឹកនាំក្រុមការងារចូលរួមជួបជុំហូបអំបុកខ្មែរ ថែជាតិ សាសនា ព្រះមហាក្សត្រ នៅសាលាខណ្ឌនិងមន្ត្រីរាជការ បងប្អូនប្រជាពលរដ្ឋ ក្នុងមូលដ្ឋានចូលរួមជាច្រើផងដែ។

ក្នុងនោះដែរ លោកជា ពិសី អភិបាលខណ្ឌ បានឱ្យដឹងថា ក្នុងខណ្ឌឬស្សីកែវ មាន៧សង្កាត់ និងភូមិបានប្រារពិធី “អំបុកខ្មែរ ថែជាតិ សាសនា និងព្រះមហាក្សត្រ” ផងដែរ។

ដោយឡែក នៅតាមបណ្តាសង្កាត់ រួមនឹងកម្លាំងប៉ុស្តិ៍ក៏បានរៀបចំពិធី “អំបុកខ្មែរ ថែជាតិ សាសនា និងព្រះមហាក្សត្រ” ដែលមានមន្ត្រីរាជការដែលជាគណៈពង្រឹងចុះជួយសង្កាត់ទាំង៧ ក្នុងខណ្ឌចូលរួមផងដែរ។

នៅតាមបណ្តាខេត្តនានា ទូទាំងប្រទេស ក៏មានការជួបជុំសប្បាយដោយទឹកមុខញញឹមញញែម ក្នុងស្មារតីរួមគ្នា ថែជាតិ សាសនា និងព្រះមហាក្សត្រ។

កាលពីថ្មីៗកន្លងមកនេះ សម្តេចតេជោ ហ៊ុន សែន បានបញ្ជាក់យ៉ាងម៉ឺងម៉ាត់ថា សូមធានាសុវត្ថិភាពជូនពលរដ្ឋ និងអំពាវនាវឲ្យបងប្អូនជនរួមជាតិ ភ្ញៀវទេសចរជាតិ និងអន្តរជាតិ ចូលរួមកំសាន្តសប្បាយទាំងនៅក្នុងរាជធានីភ្នំពេញ និងនៅតាមបណ្តាខេត្តនានា ចូលរួមសប្បាយក្នុងពិធីហូបអំបុកទាំងអស់គ្នា នៅថ្ងៃទី៩ វិច្ឆិកា “អំបុកខ្មែរ ថែជាតិ សាសនា និងព្រះមហាក្សត្រ”។

ជាក់ស្តែងសន្តិភាពបាននាំមកនូវភាពសុខសាន្ត សេចក្តីសុខ ជូនប្រជាពលរដ្ឋគ្រប់ជាន់ថ្នាក់បានគេងលក់ស្កប់ ស្កល់ ដូចពាក្យមួយឃ្លា «នគរទទួលបានសន្តិភាព ទើបគ្រួសារមានសេចក្តីសុខ»៕B/