អាជ្ញាធរ​ខណ្ឌឫស្សីកែវ​ប្រើ​វិធានការ​ក្ដៅ​ចុះបង្ក្រាប​អ្នកញៀន​ល្បែង​បាញ់​ត្រី​១០​នាក់​

233

(​ភ្នំពេញ​)៖ អាជ្ញាធរ​ខណ្ឌឫស្សីកែវ ប្រើ​វិធានការ​ក្ដៅ ចុះបង្ក្រាប​អ្នកញៀន​ល្បែង​បាញ់​ត្រី​១០​នាក់ ដើម្បី​ធ្វើការ​អប់រំ​ឲ្យ​ត្រឡប់ទៅផ្ទះ​វិញ និង ដកហូត​ទូ​ហ្គេម​បាញ់​ត្រី និង​ហ្គេម​ពង់​១២​គ្រឿង កាលពី​ព្រលប់​ថ្ងៃទី​១៨ ខែតុលា ឆ្នាំ​២០១៧ នៅ​ចំណុច​ភូមិ​ចុង​ខ្សាច់​សង្កាត់​ទួល​សង្កែ ខណ្ឌឫស្សីកែវ​។​

​អាជ្ញាធរ​ខណ្ឌឫស្សីកែវ ក្រោម​ការបញ្ជា​ពី​លោក ជា ពិសី អភិបាលខណ្ឌ និង​មានការ​ដឹកនាំ​ផ្ទាល់​ពី​លោក ប្រាជ្ញ សីហា អភិបាលរងខណ្ឌ បាន​ប្រើ​វិធានការ​ក្ដៅ លប​ឆ្មក់​ឡោមព័ទ្ធ​បង្ក្រាប​អ្នកញៀន ល្បែង ក្នុង​មួយ​សំបុក​១០​នាក់ ដើម្បី​ធ្វើការ​អប់រំ​ឲ្យ​ត្រឡប់ទៅផ្ទះ​វិញ​។​

ក្នុងនោះ ដកហូត​បាន​ទូ​ហ្គេម​បាញ់​ត្រី​១២​គ្រឿងក្នុង​នោះ​មាន​ទូ​ហ្គេម​ពង់​ចំនួន​១០​គ្រឿង​យកមក​រក្សាទុក​នៅ​សាលាខណ្ឌ​នៅត្រង់ចំណុច​ផ្ទះជួល​មួយកន្លែង របស់លោក​ស្រី ទ្រី មួយ​ហ័ង តាម​បណ្ដោយ​ផ្លូវ​រថភ្លើង ។​

​លោក ប្រាជ្ញ​សីហា បាន​បញ្ជាក់ថា ប្រតិបត្តិ​ការបង្ក្រាប​ល្បែងស៊ីសង ខាងលើនេះ និង​ត្រូវបាន​អនុវត្ត​ជា​បន្តបន្ទាប់ តាម​គោល​ការណែនាំ ពី​អភិបាល​រាជធានី​ភ្នំពេញ លោក ឃួ​ង ស្រេង​និង​អភិបាលខណ្ឌ​ឫស្សីកែវ លោក ជា ពិសី ហើយ​ចំពោះ​ម្ចាស់​ទីតាំង​ផ្សេងៗ ។

​បច្ចុប្បន្នកំពុង​លួចលាក់ បើក​ល្បែង​ហ្គេម​បាញ់​ត្រី ឫ​ត្រៀមលក្ខណៈ​បើក​ល្បែងភ្នាល់​ស៊ីសង ដែល​ជ្រក​ក្រោម​ស្លាក​យី​ហា​មានច្បាប់ គ្រប់​ប្រភេទ ត្រូវ​បញ្ឈប់​សកម្មភាព​ជាបន្ទាន់ បើ​មិន​ដូច្នេះ​ទេ ប្រាកដជា​ប្រឈម​និង​វិធាន​បង្ក្រាប ដោយ​មិនអាច​លើកលែង​បានឡើយ​។​

​លោក ប្រាជ្ញ សីហា បានបញ្ជាក់​ទៀតថា ក្រោយពី​បង្ក្រាប​ក្រុម​អ្នកញៀន​ល្បែង​ទាំង​១០​នាក់ បាននិងកំពុង​សាកសួរ​បណ្ដោះអាសន្ន និង​ណែនាំ​អប់រំ​ដើម្បី​អនុញាត​ឲ្យ​ត្រឡប់ទៅផ្ទះ​វិញ​តែ​ចំពោះ​ទូ​ហ្គេម​ទាំង​១២​គ្រឿង​ត្រូវបាន​ដកហូត​យកមក​រក្សាទុក​និង​បិទ​ទាំង​ទីតាំង​ចោល​ផងដែរ​។​

សូមបញ្ជាក់ថា​ប្រជាពលរដ្ឋ​មានការ​ព្រួយបារម្ភ​យ៉ាងខ្លាំង​ពី​សន្តិសុខ​សុវត្ថិភាព​ក្នុង​មូលដ្ឋាន​ខណៈដែល​បច្ចុប្បន្ន​នេះ​កើតមាន​ចោរលួច ចោរឆក់ អំពើ​ប្លន់​កើតមាន​យ៉ាងច្រើន​នោះ​។​
​ប្រជាពលរដ្ឋ ក៏បាន​សូម​ណូ​ម​ពរ ដល់​ចៅហ្វាយ​ខណ្ឌឫស្សីកែវ លោក ជា ពិសី ជួយ​មាន​វិធានការណ៍​បង្ក្រាប នូវ​ល្បែងស៊ីសង​ក្នុង​មូលដ្ឋាន​ផង ហើយ​បងប្អូន និង​រងចាំ​មើល​លោក​ចៅហ្វាយខណ្ឌ ហ៊ាន​បង្ក្រាប​ដែរ​ឫ​អត់ ?៕S/​ដោយៈ​សាវ​រក្ស​

​អាជ្ញាធរ​ខណ្ឌឫស្សីកែវ​ប្រើ​វិធានការ​ក្ដៅ​ចុះបង្ក្រាប​អ្នកញៀន​ល្បែង​បាញ់​ត្រី​១០​នាក់​