អាជ្ញាធរ​ខេត្តសៀមរាប ក្រើនរំលឹក​ដល់​គណៈកម្មកា​រ​គ្រប់គ្រង​ព្រះវិហារ​ព្រះអង្គ​ចេក ព្រះអង្គ​ចម ត្រូវ​បង្កើន​ការយកចិត្តទុកដាក់​

485
ចែករម្លែក

​ដោយ​: បាយ័ន / សៀមរាប​: អាជ្ញាធរ​ខេត្តសៀមរាប ក្រើនរំលឹក​ដល់​គណៈកម្មកា​រ​គ្រប់គ្រង​ព្រះវិហារ​ព្រះអង្គ​ចេក ព្រះអង្គ​ចម ត្រូវ​បង្កើន​ការយកចិត្តទុកដាក់​ប​ន្ថែ​ម​ទៀត​ចំពោះ​បញ្ហា​សន្តិសុខ សុវត្ថិភាព សណ្តាប់ធ្នាប់ របៀបរៀបរយ និង​អនាម័យ​បរិស្ថាន​នៅ​តំបន់​នោះ​។​

​មានប្រសាសន៍​បែបនេះ​ក្នុង​កិច្ចប្រជុំ​ស្តីពី​ការរៀបចំ​សន្តិសុខ សុវត្ថិភាព សណ្តាប់ធ្នាប់ របៀបរៀបរយ​និង​អនាម័យ​បរិស្ថាន​ជុំវិញ​បរិវេណ​ព្រះវិហារ​ព្រ​អង្គ​ចេក ព្រះអង្គ​ចម កាលពី​ថ្ងៃទី​១៥ ខែសីហា ឆ្នាំ​២០១៨ ដោយមាន​ការអញ្ជើញ​ចូលរួម​ពី​លោក ពៅ ពិសិដ្ឋ អភិបាលរង​ខេត្តសៀមរាប និង​មន្ត្រី​ពាក់ព័ន្ធ​មួយចំនួនទៀត​។

​លោក ពៅ ពិសិដ្ឋ អភិបាលរង​ខេត្តសៀមរាប បាន​ណែនាំ​បន្ថែម​ដល់​គណៈកម្មការ​គ្រប់គ្រង​ព្រះវិហារ​ព្រះអង្គ​ចេក ព្រះអង្គ​ចម ត្រូវ​រៀបចំ​សន្តិសុខ​សណ្តាប់​ឲ្យ​មាន​របៀបរៀបរយ​បន្ថែមទៀត ពិសេស​ការរៀបចំ​អនាម័យ និង បរិស្ថាន​ឲ្យ​បាន​ស្អាត​ជាង​នេះ ព្រោះថា​តំបន់​ព្រះអង្គ​ចេក​ព្រះអង្គ​ច​មច្ចុ​ប្បន្ន​នេះ មានការ​ទាក់ទាញ​ភ្ញៀវទេសចរ​ជាតិ និង​អន្តរជាតិ​ជាច្រើន ដើម្បី​មក​បួងសួង​សុំ​សេចក្តីសុខ​សេចក្តីចម្រើន និង​ថ្វាយ​ដ​ង្វា​យ​ដល់​ព្រះអង្គ ពិសេស សុំ​ឲ្យ​ជួយ​ធ្វើ​ការណែនាំ​ដល់​បងប្អូន​ជនរួមជាតិ​ទាំងអស់ ដែល​បាន​អញ្ជើញ​មក​ថ្វាយ​ដ​ង្វា​យ ក៏ដូចជា​ការ​បួងសួង​សុំ​សេចក្តីសុខ​នោះ សូម​ឲ្យ​ជួយ​ចូលរួម​រៀបចំ​សណ្តាប់ធ្នាប់ ក៏ដូចជា​ការសម្អាត​អនាម័យ​បរិស្ថាន​ផង ដើម្បី​ជាការ​ចូលរួមចំណែក​ស​ម្អា​ត​បរិស្ថាន​ប្រទេស​យើង​៕ ល​