អាជ្ញាធរ​អប្សរា​បញ្ជាក់​ពី​មូលហេតុ​នៃ​ការហាមឃាត់​ការដឹក​ដី​ចាក់​លុប​ស្រះ​របស់លោក​ស្រី​លី​អ៊ុ​អេង​

765

(​សៀមរាប​)៖​មន្ត្រី​ផ្នែក​ច្បាប់​នៃ​អង្គភាព​អាជ្ញាធរ​ជាតិ​អប្សរា​បាន​ថ្លែង​ឲ្យ​ដឹងថា​ការដែល​ខាង​អាជ្ញាធរ​អប្សរា​ហាមឃាត់​ក្នុងការ​ដឹក​ដី​ចាក់​លុប​ស្រះ​របស់​លោកស្រី​លី អ៊ុ​អេង គឺ​ដោយសា​តែ​លោកស្រី​លី អ៊ុ​អេង មិន​អនុវត្តតាម​កិច្ចសន្យា​និង​លិខិតអនុញាត​។ ការ​ថ្លែង​បែបនេះ គឺ​បន្ទាប់ពី​មានការ​ចុះផ្សាយ​តាម​បណ្តាញ​នាៗ ដោយ​ប្រព​ន្ធ័​ខ្លះ​ផ្សាយ​ជា​លក្ខណ​:​ចោទប្រកាន់​។​

​លោក​ស៊ុន សុជាតិ មេធាវី​ប្រចាំ​អង្គភាព​អាជ្ញាធរ​ជាតិ​អប្សរា បាន​ថ្លែង​តាម​ទូរស័ព្ទ​នៅ​រសៀល​ថ្ងៃទី​១៤​ខែវិច្ឆិកា​នេះ​ថា មូលហេតុ​ដែល​នាំ​ឲ្យ​មានការ​រារាំង ក្នុង​ការដឹក​ដី​ចាក់​លុប​ស្រះ​របស់លោក​ស្រី​លី អ៊ុ​អេង គឺមាន​ហេតុផល​មួយចំនួន​ដែល​លោកស្រី​លី អ៊ុ​អេង បំពាន​លិខិត​អនុញាតិ​និង​កិច្ចសន្យា​។​

លោក​បន្តថា លោកស្រី​លី អ៊ុ​អេង បានធ្វើ​លិខិត​សុំ​ការអនុញាតិ​ដឹក​ដី​ចាក់​លុប​ស្រះ តែ​អាជ្ញាធរ​អប្សរា តម្រូវ​ឲ្យ​គោរព​តាម​លក្ខ​ណ័​ចំនួន​៣​។ ទី​១​ត្រូវ​បាញ់​ទឹក​លាង​ដី​ដែល​ជ្រុះ​លើផ្លូវ​ជាតិ​ជា​ច្រ​ចាំ​។ ទី​២​រាល់​ការខូចខាត​ផ្លូវត្រូវ​ជួសជុល​សង​វិញ​។ ទី​៣ ត្រូវ​ចាក់​បំពេញ​តែ​លើ​ក្បាលដី​របស់ខ្លួន មិន​បំពាន​លើដី​របស់​រដ្ឋ​ដែល​បាន​ដោះស្រាយ​គោលនយោបាយ​រួចហើយ​នោះទេ​។​

ក្នុង​កិច្ចសន្យា​នោះ​លោកស្រី​លី អ៊ុ​អេង យល់ព្រម​ទទួល​តែ​ចំណុច​ទី​១​និង​ទី​២ ចំណែក​ចំណុច​ទី​៣ មិន​យល់ព្រម​។ លោក​បន្តថា ការដែល​មិន​យល់ព្រម​នូវ​ចំណុច​ទី​៣ គឺ​លោកស្រី​មាន​ចេតនា ចាក់ដី​រំលោភ​យក​ដី​រដ្ឋ​រួចទៅហើយ​។ មិនតែប៉ុណ្ណោះ ពីរ​ចំណុច​ដែល​ព្រម​ទទួលយក​នោះ ក៏​លោកស្រី​មិន​អនុវត្តតាម​ដែរ​។ កាលពី​ថ្ងៃទី​១៣​ខែកញ្ញា​ឆ្នាំ​២០១៧ លោកស្រី​លី អ៊ុ​អេង បានដាក់​ពាក្យសុំ ហើយ​នៅ​ថ្ងៃទី​១៥​ខែ​ដដែល អាជ្ញាធរ​អប្សរា បញ្ជូន​លិខិត​ទៅ​សាលាខេត្ត​ដើម្បី​ពិនិត្យ​សម្រេច​។

ប៉ុន្តែ​នៅ​ថ្ងៃ​ដដែល​(១៣) លោកស្រី​បាន​ដឹកជញ្ជូន​ដី​យកទៅ​ចាក់ ដោយ​ប្រើប្រាស់​ផ្លូវ​៦០​ម៉ែត្រ​ទាំង​មិនទាន់មាន​លិខិត​ឆ្លើយតប​។ ជាមួយគ្នា​នោះដែរ រហូតមកទល់​ពេលនេះ ការបាញ់ទឹក​លាង​ផ្លូវ និង​ការជួសជុល​ផ្លូវ​ខូច​សង​វិញ តាម​កិច្ចសន្យា​ក៏​មិន​ដែលមាន​។ ចំណុច​ទាំងនេះហើយ​ដែល​អាជ្ញាធរ​អប្សរា ធ្វើការ​ហាមឃាត់ ចំពោះ​ការដឹក​ដី​ចាក់​លុប​ស្រះ​របស់​លោកស្រី​លី អ៊​អេង​។

​លោក​មេធាវី​បន្ថែមថា ប្រសិនបើ​លោកស្រី​លី អ៊ុ​អេង គោរព​តាម​លិខិត​អនុញាតិ ខាង​អាជ្ញាធរ​អប្សរា​ពុំមាន​ហេតុផល​ណា ទៅ​រារាំង​គាត់​នោះឡើយ​។ ការចាក់ដី​រំលោភ​លើដី​របស់​រដ្ឋ គឺជា​ចេតនា​…​តែបើ​ធ្លាក់​អាច​ម៏​ដី ជ្រុះ​ពីលើ​ឡាន​ចូលទៅក្នុង​ដី​របស់​រដ្ឋ វា​ជា​អ​ចេតនា ចឹ​ង​ទេ​ក្នុងករណីនេះ ចាំបាច់​ត្រូវតែ​ទប់ស្កាត់​។

​លោក​ស៊ុន សុជាតិ មេធាវី​ប្រចាំ​អាជ្ញាធរ​អប្សរា​ឲ្យ​ដឹង​ទៀតថា ការដែល​លោកស្រី​លី អ៊ុ​អេង មិន​ទទួលយក​ចំណុច​ទី​៣​នៃ​កិច្ចសន្យា ហើយ​បំពាន​ចាក់ដី​រំលោភ​យក​ដី​រដ្ឋ គឺ​លោកស្រី​រូបនោះ​អះអាងថា នឹង​ប្តឹង​យក​ដី​រដ្ឋ​នោះមក​ធ្វើជា​កម្ម​សិទ្ធ​របស់ខ្លួន ឲ្យ​ខាងតែបាន​ថែមទៀត​។ តែ​ខាង​អប្សរា​ចាំបាច់​ត្រូវ​ទប់ស្កាត់ ប្រសិនបើ​នៅ​មិនទាន់មាន​សាលក្រម​ស្ថាពរ ផ្តល់​កម្មសិទ្ធិ​ពី​ស្ថាប​ន័​តុលាការ​។

​លោក​បញ្ជាក់ថា ប្រព​ន្ធ័​ផ្សព្វផ្សាយ​មួយចំនួន​បាន​ផ្សាយ​ថា អាជ្ញាធរ​អប្សរា​រំលោភបំពាន​យក​ដី​របស់​ពលរដ្ឋ ដោយ​អះអាងថា​ជា​ដី​អប្សរា​។ ធាតុពិត​អាជ្ញាធរ​អប្សរា​ពុំមាន​ដី​នោះទេ តែ​ដី​របស់​រដ្ឋ​ក្នុង​តំបន់​មួយចំនួន គឺ​គ្រប់គ្រង​ដោយ​អប្សរា ចឹ​ង​ហើយ​ទើប​មានការ​ការពារ​។​ចំណុច​នេះ សុំ​យល់​ឲ្យ​បាន​ច្បាស់​។​

​ទោះបី​នៅ​រសៀល​ថ្ងៃ​ដដែល​នេះ អ្នកយក​ព័​ត៏​មាន​រស្មី​កម្ពុជា ពុំ​អាច​ស្វែ​ករក​ជួប​លោកស្រី​លី អ៊ុ​អេង ដើម្បី​សុំ​ការពន្យល់​បាន តែ​លោកស្រី​លី អ៊ុ​អេង ក៏​ធ្លាប់បាន​ថ្លែងប្រាប់​អ្នកកាសែត​ថា ដី​របស់គាត់​មាន​លិខិត​កាន់កាប់​ដោយ​ស្របច្បាប់ ម្យ៉ាងវិញទៀត​ការដឹក​ដី​ចាក់​លុប​ស្រះ​នេះ ក៏មាន​លិខិត​អនុញាតិ​ពី​សាលា​ខេត្តសៀមរាប​ផងដែរ​។​

ជាមួយ​សកម្មភាព​ដឹកជញ្ជូន​ដី ដោយ​ប្រើប្រាស់​រថយន្ត​ខ្នាត​យក្ស​របស់​លោកស្រី​លី អ៊ុ​អេង នេះ​ពលរដ្ឋ​ក្នុង​ខេត្តសៀមរាប ពិសេស​ពលរដ្ឋ​ដែល​រស់​នៅតាម​បណ្តោយ​ផ្លូវ​៦០​ម៉ែត្រ មានការ​ព្រួយ​បារ​ម្ម​ណ៏​យ៉ាងខ្លាំង ចំពោះ​ការខូចខាត​ផ្លូវ​។

ពីព្រោះថា​ផ្លូវ​មួយចំនួនធំ ទើបតែ​ទទួលរង​ការវាយប្រហា​ពី​ទឹកជំនន់ ហើយ​មកទល់ពេលនេះ​នៅ​មិនទាន់មាន​ការស្ថាបនា​ឡើងវិញ​ផង​។ ចឹ​ង​ទេ​បើ​ផ្លូវ​ដ៏​ប្រណិត (​ផ្លូវ​៦០​ម៉ែត្រ​)​រង​ការវាយប្រហារ​ពី​ថ្វីដៃ​លោកស្រី​លី អ៊ុ​អេង ទៀត តើ​តំបន់​ទេសចរ​ណ៏​មួយ​នេះ​ទៅជា​យ៉ាងណា​។ តើ​អ្នកណា​ជា​អ្នកធ្វើ​សង​វិញ​..?​លោកស្រី​លី អ៊ុ​អេង​ឬ​..? បើ​អាជ្ញាធរ​អប្សរា ឃាត់​មិន​ឈ្នះ​ផង​៕S/​ដោយៈ​អង្គរតូច​