អាមេរិក​ផ្តល់​យន្តហោះ​ដ្រូ​ន​ស៊ើបការណ៍ ៦ គ្រឿង​ដល់​ហ្វីលីពីន​

462

​សហរដ្ឋអាមេរិក​បាន​ប្រគល់​យន្តហោះ​ដ្រូ​ន​ស៊ើបការណ៍ (​យន្តហោះ​គ្មាន​មនុស្ស​បើក​) ចំនួន​៦​គ្រឿង​ឱ្យទៅ​ហ្វីលីពីន ដែលជា​សម្ព័ន្ធមិត្ត​រប​ស់​ខ្លួន​នៅ​ថ្ងៃ​អង្គារ​ទី​១៣​ខែមីនា​នេះ ដែលជា​ផ្នែក​មួយ​នៃ​កិច្ច​ខំប្រឹងប្រែង​បង្កើន​សមត្ថភាព​របស់​ខ្លួន​ដើម្បី​ប្រឆាំង​ការគំរាមកំហែង​ពី​ក្រុម​ជន​សកម្មប្រយុទ្ធ​និង​ដើម្បី​ឆ្លើយតប​ទៅនឹង​គ្រោះមហន្តរាយធម្មជាតិ​។​

​យន្តហោះ​ដ្រូ​ន “Boeing Insitu ScanEagle” ទាំង​៦​គ្រឿង​នេះ ត្រូវបាន​ចំណាយ​ប្រាក់​អស់​ចំនួន​១៣,៧​លាន​ដុល្លារ​ដោយ​កម្មវិធី​ជំនួយ​យោធា​បរទេស​របស់​អាមេរិក​។​

​ការផ្តល់​នេះ ត្រូវបាន​ធ្វើឡើង បន្ទាប់ពី​សហរដ្ឋអាមេរិក​បានផ្តល់​យន្តហោះ​ស៊ើបការណ៍​ចំនួន​២​គ្រឿង​ដល់​ប្រទេស​ហ្វីលីពីន​កាលពី​ឆ្នាំមុន​។​

​ហ្វីលីពីន​មាន​គម្រោង​ដាក់ពង្រាយ​យន្តហោះ​ដ្រូ​ន​សម្រាប់​ការឃ្លាំមើល​ក្រុម​សកម្មប្រយុទ្ធ​និង​ចោរ​សមុទ្រ​ព្រមទាំង​សម្រាប់​ការតាមដាន​ពិនិត្យមើល​បន្ទាប់ពី​គ្រោះមហន្តរាយ​ផ្សេងៗ ដូចជា​ខ្យល់ព្យុះ ការ​រលំ​បាក់​ដី និង​ការរញ្ជួយ​ដី​៕ ដោយ៖ សុខា

​យន្តហោះ​ដ្រូ​ន ” Boeing Insitu ScanEagle ” ត្រូវ​បានដាក់​បង្ហាញ​នៅ​កន្លែង​តាំងពិព័រណ៍​កងទ័ព​នៅ​សិង្ហ​បុរី កាលពី​ឆ្នាំ​២០១៥