អាហារ​សម្បូរ​វីតាមីន C ដែល​ស្ត្រី​មាន​ផ្ទៃពោះ​ត្រូវតែ​ញ៉ាំ​ឲ្យ​ខាន​តែ​បាន​

257
ចែករម្លែក

វីតាមីន C មាន​ប្រយោជន៍​ណាស់​ក្នុងការ​កាត់បន្ថយ​ផលវិបាក​នៃ​ការ​មាន​ផ្ទៃពោះ​ដូចជា ការត្រៀម​ក្រឡាភ្លើង កូន​មិន​លូតលាស់​ក្នុង​ស្បូន និង​ការ​កង្វះ​គ្រាប់​ឈាម​ចំពោះ​ម្តាយ​។ យ៉ាងណាមិញ អ្នកជំនាញ​ខាង​អាហារូបត្ថម្ភ​បាន​ណែនាំ​នូវ​អាហារ​មួយចំនួន​ដែល​សម្បូរ វីតាមីន C ដល់​ស្ត្រី​មាន​ផ្ទៃពោះ​។​

​ស្ពៃក្តោប​
បន្លែ​ប្រភេទ​នេះ​ជា​អាហារ​ដ៏​ល្អ​ឯក​មួយ​សម្រាប់​ស្ត្រី​មាន​ផ្ទៃពោះ ព្រោះ​វា​មាន​កាឡូរី​ទាប និង​ជំនួយ​ដល់​ការរំលាយ​អាហារ​ថែមទៀត​។ ការ​ញ៉ាំ​ស្ពៃក្តោប​ពី ៤០ ទៅ​៥០​ក្រាម​ក្នុង មួយថ្ងៃ​គឺ​គ្រប់គ្រាន់​ណាស់​ហើយ​សម្រាប់​ស្ត្រី​មាន​ផ្ទៃពោះ​។

​ផ្លែ​ត្របែក​
ផ្លែឈើ​មួយ​នេះ​ក្រៅពី​ជា​ប្រភព​ដ៏​ល្អ​នៃ​វីតាមីន C ហើយ​មក វា​ក៏​ជួយ​បង្ការ​ការបង្ក​រោគ​ក្នុងពេល​មាន​ផ្ទៃពោះ​ផងដែរ​។ ការ​ញ៉ាំ​ផ្លែ​ត្របែក​ពី ៤០ ទៅ​៥០​ក្រាម​ក្នុង​មួយថ្ងៃ​នឹង​ជួយ​ស្ត្រីមាន​ផ្ទៃពោះ​ចៀស​ផុតពី​ការបង្ក​រោគ​បាន​។

​ស្ត្រ​បឺ​រី​
ផ្លែ​ស្ត្រ​បឺ​រី​សម្បូរ​ទៅដោយ​វីតាមីន C និង​ជា​ផ្លែ​ឈឺ​ដែល​គ្រូពេទ្យ​តែងតែ​ណែនាំ​ឲ្យ​ទទួលទាន ច្រើន​បំផុត​។ ផ្លែឈើ​មួយ​នេះ​មិន​ត្រឹមតែ​ជួយ​បង្កើន​មុខងារ​ប្រព័ន្ធ​ភាពស៊ាំ​ក្នុងពេល​មាន ផ្ទៃពោះ​ទេ តែ​ក៏​ល្អ​សម្រាប់​សុខភាព​ភ្នែក​ដែរ​។​

​ទឹកក្រូច​ច្របាច់​ស្រស់​
ការ​ញ៉ាំ​ទឹកក្រូច​ច្របាច់​ស្រស់​មួយ​កែវ​រាល់ថ្ងៃ​គឺជា​រឿង​ដែល​ស្ត្រី​មាន​ផ្ទៃពោះ​ត្រូវតែ​ធ្វើ ព្រោះ​វា​នឹង​ពង្រឹង​ដល់​ប្រសិទ្ធភាព​ប្រព័ន្ធ​ភាពស៊ាំ និង​រក្សា​សម្ពាធ​ឈាម​កាន់តែ​ល្អ​៕ ដោយៈ health.com.kh