អេ​ឡិច ចាន់​ត្រា ញញឹម​បិតមាត់​មិន​ជិត​ពេលឮ​ពាក្យ​សរសើរ​ពី​អតិថិជន​របស់ខ្លួន​

1356
ចែករម្លែក
  • 417
    Shares

ដោយ​:​បញ្ញា​សាស្ត្រ​/ភ្នំពេញ​ ៖ ក្នុង​រដូវ​មង្គលការ​សម្រាប់​ចុងឆ្នាំ​២០១៨ នេះ ក្រុម​តន្ត្រី​ដែល​រៀបចំឡើង​ដោយ​តារាចម្រៀង អេ​ឡិច ចាន់​ត្រា កំពុងតែ​ទទួលបាន​ការកោត​សរសើ​រ​មិន​ដាច​ពី​មាត់ របស់​អតិថិជន ដែល​ធ្លាប់តែ​ផ្តល់​ទំនុកចិត្ត​ដល់​ក្រុម Alex Entertaiment សម្រាប់​ការប្រគុំ​តន្ត្រី រៀបចំ​ឆាក និង​ពិធីការ​ផ្សេងៗ​។

​​អេ​ឡិច ឲ្យដឹងថា មួយ​រយៈពេល​ប៉ុន្មាន​ឆ្នាំ​ចុង​ក្រោយនេះ ក្រុមការងារ​របស់លោក​ហាក់​មាន​សន្ទុះ​ស្ទុះ​ជាង​មុខ​ខ្លាំង​មែនទែន ព្រោះតែ​ការផ្តល់​ទំនុកចិត្ត​របស់​ភ្ញៀវ ដែល​បាន​ផ្តល់​ឱកាស​ដល់​ក្រុមការងារ​របស់ Alex Entertaiment រៀបចំ​ក្នុង​ពិធី​មង្គល​ផ្សេងៗ​។ អេ​ឡិច និយាយថា ភ្ញៀវ​គាត់​សរសើរ​ថា ការរៀបចំ​ពិតជា​បានល្អ ទាំង​ការសម្តែង ទាំង​អ្នកចម្រៀង និង ប្រព័ន្ធ​សំលេង គឺមាន​ភាពល្អ​មិន​ធ្វើអោយ​ម្ចាស់​ដើមការ មានការ​ខក​ចិត្ត​ជាមួយ​នឹង​ក្រុម​តន្ត្រី អេ​ឡិច អ៊ិន​ធើ​ធេ​ន​មែន នោះឡើយ​។

អេ​ឡិច និយាយថា ខ្លួន​ពិតជា​សប្បាយចិត្ត​ដែល​បានការ​កោតសរសើរ​មិន​ដាច់​ពី​មាត់ របស់​អតិថិជន គ្រប់​ស្រទាប់វណ្ណៈ​ដែល​បាន​មករក​សេវា តន្ត្រី​សម្រាប់​ពិធីជប់លៀង ឬ​ពិធីមង្គលការ នេះ​ជាម​ទ​ន​ភាព​មួយ​ដែល​លោក​ទទួលបាន ក្នុង​រយៈពេល​ពីរ​ឆ្នាំ​ជាប់​គ្នា នេះ ជាពិសេស ឆ្នាំ​២០១៨ និង​២០១៩ នេះ មាន​អ្នក​កក់​ជាច្រើន សម្រាប់​ក្រុម​តន្ត្រី Alex Entertaiment ទៅលេង​កំដរ​អារម្មណ៍​របស់​អ្នកគាំទ្រ ក្នុង​ពិធី​ផ្សេងៗ​។

​ងាក​មក​ការងារ​សិល្បៈ​វិញ ថ្វី​ត្បិត​ការងារ​ជំនួញ​មាន​ភាព​រវល់​ស្ទើរ​រក​ពេល​សម្រាក​គ្មាន ប៉ុន្តែ​អេ​ឡិច ចាន់​ត្រា នៅតែ​ឆ្លៀតពេល​បង្ហាញខ្លួន​នៅតាម​ការប្រគុំ​តន្ត្រី​តាម​បណ្តា​ស្ថានីយទូរទស្សន៍​ក្នុងស្រុក​ជា​ហូរហែរ​ទៀតផង ក្នុង​គោលបំណង​មិនឲ្យ​ទស្សនិកជន​ភ្លេចមុខ​នោះទេ បើទោះបី​ពេលខ្លះ​លោក​បាន​បដិសេដ​មិន​ទទួល​ថត​សម្តែង​ខ្សែរ​ភាពយន្ត ព្រោះតែ​គ្មាន​ពេល​សម្រាប់​អ្នកដឹកនាំ​ថត អីចឹង​ទើប​លោក​ភាគច្រើន​មិន​ទទួល​សម្តែង​ភាពយន្ត​ឡើយ ក្រោម​ហេតុផល គ្មាន​ពេល​គ្រប់គ្រាន់​៕B/

​ ​