អ្នកកាសែត​កម្ពុជា​ពីររូប​វាយតម្លៃ​ខ្ពស់​ចំពោះ​កិច្ចប្រជុំ​នៅ​វេទិកា​សហប្រតិបត្តិការ​ប្រព័ន្ធ​ផ្សព្វផ្សាយ​អាស៊ាន​ចិន​ឆ្នាំ​២០១៩

399
ចែករម្លែក

ដោយ​: ស​រិ​ទ្ធ / ភ្នំពេញ​: សមាជិក​គណ​:​ក​ម្មា​ធិ​ការ​នាយក សមាគម អ្នកសារព័ត៌មាន កម្ពុជា ចិន (​សស​កច​) ចំនួន​ពីររូប​ដែល​មកពី​កាសែត​រស្មី​កម្ពុជា និង​កាសែត​កោះសន្តិភាព បាន​បំពេញ​ទស្សនកិច្ច​នៅ​សាធារណរដ្ឋ​ប្រជាមានិត​ចិន ចាប់ពី​ថ្ងៃទី​១៣​ដល់​១៩​ខែឧសភា​ឆ្នាំ​២០១៩​ដែល​រៀបចំ និង សម្របសម្រួល ដោយ​ស្ថានទូត​ចិន ប្រចាំ​ព្រះរាជា ណា​ចក្រ​កម្ពុជា​។​

​នៅក្នុង​វេទិកា​សហប្រតិបត្តិការ ប្រព័ន្ធ​ផ្សព្វផ្សាយ អាស៊ាន​ចិន ឆ្នាំ​២០១៩ ប្រារព្វ​ធ្វើឡើង នៅ​ទីក្រុង​ប៉េកាំង នា​ល្ងាច ថ្ងៃទី​១៤ ខែឧសភា ឆ្នាំ​២០១៩​កន្លងទៅ​ដែលមាន​ការចូលរួម​ពី​តំណាង​សារ​ព័​ត៍​មាន​អាស៊ាន ទាំង​១០ ប្រទេស និង​ចិន​ផង​នោះ​លោក ទេស សា​រ៉ា​រិ​ទ្ធ សមាជិក​គណ​:​ក​ម្មា​ធិ​ការ​នាយ​កសស​កច និង​បំរើការ​នៅ​កាសែត​ប្រចាំថ្ងៃ រស្មី​កម្ពុជា បាន​ឡើង​ថ្លែង​ចំណាប់​អារ​ម្ម​ណ៌ ថា​ប្រទេស​ចិន និង​អាស៊ាន ជា​អ្នកជិតខាង​ដ៏​ល្អ មិត្តភក្តិ​ល្អ និង​ដៃគូរ​ល្អ​។ ចាប់តាំងពី​ការបង្កើត ភាពជា​ដៃគូរ​យុទ្ធសាស្ត្រ​ក្នុង​ឆ្នាំ​២០០៣​និង​ការបង្កើត​ទំនាក់ទំនង ដៃគូរ​សន្ទនា​មក ប្រទេស​ចិន​និង​អាស៊ាន បាន​ក្លាយជា​គំរូ​នៃ​កិច្ចសហប្រតិបត្តិការ​ច្រើន​កម្រិត និង​ទទួលបាន​លទ្ធផល​យ៉ាង ត្រចះត្រចង់ មានការ​ជឿទុកចិត្ត​គ្នា ខាង​នយោបាយ និង​កិច្ចសហប្រតិបត្តិការ​លើ​គ្រប់​វិស័យ​។​

​លោក បាន​បន្តថា “​ទំនាក់ទំនង​អាស៊ាន​-​ចិន​បាន​ក្លាយទៅជា ទំនាក់ទំនង ដែលមាន​ភាពរឹងមាំ​បំផុត និង​រុងរឿង​បំផុត នៅក្នុង​កាលា​នុ​វត្ត​ន៏ នា​យុគ​សម័យថ្មី​នេះ​”​។​ជាមួយគ្នានេះ លោក​ទេស សា​រ៉ា​រិ​ទ្ធ​ក៏បាន​លើកឡើង​ផងដែរ​ថា ឆ្នាំ​២០១៩​នេះ​គឺជា​ខួប​លើក​ទី ១៥ នៃ​ការបង្កើត​ភាពជា​ដៃគូ​យុទ្ធសាស្ត្រ​អាស៊ាន ចិន និង​ជា​ខួប ៦០ ឆ្នាំ នៃ​ការបង្កើត​ទំនាក់ទំនង​ការទូត​កម្ពុជា​-​ចិន​ផងដែរ​។ ភាគី​ទាំងពីរ ពិសេស​ប្រទេស​កម្ពុជា​និង​ចិន បាន ពង្រឹង​ការអភិវឌ្ឍន៍​សេដ្ឋកិច្ច តាម​យុទ្ធសាស្ត្រ ខ្សែក្រវ៉ាត់​មួយ​-​ផ្លូវ​មួយ កាន់តែ​ស៊ីជម្រៅ និង​ច្នៃប្រឌិត​ខ្ពស់ ប្រកបដោយ​ផ្លែផ្កា គួរ​ជាទី​មោទន​:​។​

​អ្នកកាសែត​រូបនេះ បាន​បន្ថែមថា “​នៅក្រោម​បរិបទ ថ្មី​នេះ បណ្តា​ប្រទេស​ជា​សមាជិក​អាស៊ាន ជាពិសេស​ប្រទេស​កម្ពុជា ត្រូវខិតខំ​ប្រឹងប្រែង​ថែម​មួយកំរិត​ទៀត ជាមួយ​ប្រទេស​ចិន ក្នុងការ​ផ្លាស់ប្តូរ​ព​ត័​មាន និង​សកម្មភាព​នានា អោយ​កាន់តែ មាន​ភាព​ជ្រាលជ្រៅ ជាអាទិ លើ​វិស័យ​ពាណិជ្ជកម្ម វិនិយោគ អប់រំ វប្បធម៌ ទេសចរណ៍ និង​ប្រព័ន្ធ​ផ្សព្វផ្សាយ​ព័ត៌មាន អោយ​កាន់ តែ​ពេញលេញ និង​ទួ​លំ​ទូលាយ​។ ដើម្បី​ជំរុញ កិច្ចសហប្រតិបត្តិការ ទាំង​កំរិត​ទ្វេភាគី និង​ពហុភាគី អោយ​កាន់​តែមាន​វឌ្ឍនភាព​”​។​

​សមាជិក​គណ​:​នាយក សស​កច​រូបនេះ បាន លើក​ជា​ទស្សនទាន​ថា វេទិការ​សហប្រតិបត្តិ​ការ​ប្រព័ន្ធ​ផ្សព្វផ្សាយ​អាស៊ាន – ចិន ឆ្នាំ​២០១៩​នឹង ក្លាយជា​កំលាំង ចលករ សំរាប់​ជម្រុញ​កិច្ចសហប្រតិបត្តិការ​ពេញលេញ លើ​គ្រប់ វិស័យ​រវាង ប្រទេស​អាស៊ាន និង​ប្រទេស​ចិន ពិសេស​ប្រទេស​កម្ពុជា និង​ប្រទេស​ចិន ទាំង​ពេលបច្ចុប្បន្ន និង​ទៅ​អនាគត​។​
​លោក ទេស សា​រ៉ា​រិ​ទ្ធ​និង​លោក ឃឹម ប៊ុន​ណាក់​សមាជិក​គណ​:​នាយក សស​កច បាន​សម្តែង​គំនិត សុទិដ្ឋិនិយម និង​វាយតម្លៃ​ខ្ពស់​ចំពោះ​វេទិកា​សហប្រតិបត្តិការ ប្រព័ន្ធ​ផ្សព្វផ្សាយ អាស៊ាន​ចិន ឆ្នាំ​២០១៩ នេះ​។​

​នៅ​ព្រឹក​ថ្ងៃទី​១៥​ខែឧសភា​ឆ្នាំ​២០១៩​លោក ទេស សា​រ៉ា​រិ​ទ្ធ​និង​លោក ឃឹម ប៊ុន​ណាក់​បាន​ទៅ​ចូលរួម​ក្នុង​សន្និសីទ​ពិភាក្សា​ស្តីពី​អរិយ​ធ៍​ម​អាស៊ី​ក្រោម​អធិបតីភាព​លោក​ស៊ី ជិន​ពីង​ប្រធានាធិបតី​ចិន​និង​មានការ​ចូលរួម​ពី​សំណាក់​ព្រះមហាក្សត្រ​កម្ពុជា​ព្រមទាំង​ថ្នាក់ដឹកនាំ​បណ្តា​ប្រទេសមួយ​ចំនួន​ផងដែរ​។​បន្ទាប់មក​នៅ​ព្រលប់​ថ្ងៃ​ដដែល​លោក ទេស សា​រ៉ា​រិ​ទ្ធ​និង​លោក ឃឹម ប៊ុន​ណាក់​បាន​ទៅ​ចូលរួម​ទស្សនា​ពិ​ព៍ណ​វប្ប​ធ៍​ម​អាស៊ាន​នៅ​សាល​មហោស្រព​នាទី​ក្រុង​ប៉េកាំង​ថែមទៀត​ផង​។​

​នៅ​ថ្ងៃទី​១៦​ដល់​១៧​ខែឧសភា​ឆ្នាំ​២០១៩​លោក ទេស សា​រ៉ា​រិ​ទ្ធ​និង​លោក ឃឹម​ប៊ុន​ណាក់ ក្នុងនាម​គណៈប្រតិភូ​តំណាង​ប្រព័ន្ធ​ផ្សព្វផ្សាយ​អាស៊ាន​១០​ប្រទេស បាន​ទៅ​បំពេញ​ទស្សនកិច្ច​នៅ​ក្រុង​នី​ង​សៀ​ខេត្ត​យីន​ឈាន់ ប្រទេស​ចិន​។​
​ក្នុងអំឡុងពេល​បំពេញ​ទស្សនកិច្ច​នៅទីនេះ គណៈប្រតិភូ​បាន​ទៅ​ទស្សនា​សកល​វិទ្យាល័យ​នី​ង​សៀ ដើម្បី​ស្វែងយល​បន្ថែម​ពី​សមិទ្ធិផល​នៃ​ការអប់រំ​ក្នុង​តំបន់ និង​ដៃគូរ​របស់​សកលវិទ្យា​ល័យ​ជា​មូ​យ​នឹង​បណ្តា​ប្រទេស​អាស៊ាន​។ ជំនួប​ជាមួយ​មន្ទីរ​សាធារណការ​ក្រុង​នី​ង​សៀ និង​ទៅ​ទស្សនា​សាល​ប្រជាជន​ខេត្ត​ស៊ី​ឈាន់ ព្រមទាំង​ទៅ​ទស្សនកិច្ច​នៅ​ទីស្នាក់ការ​កាសែត​ណី​ងៀ​រី​បា​ជាដើម​។​

​នៅ​ថ្ងៃទី​១៨​ខែឧសភា​ឆ្នាំ​២០១៩ គណៈប្រតិភូ​បានចេញ​ដំណើរ​ពី​ខេត្ត​ស៊ី​ឈាន់ ទៅកាន់​ក្រុង​ឆឹង​ទូ ខេត្ត​ស៊ី​ឈាន់ ដើម្បី​បំពេញ​ទស្សនកិច្ច​នៅ​ស្ថានីយ​ដឹកជញ្ជូន​តាមផ្លូវ​ដែក​ឆឹង​ទូ បន្តទៅ​ជួប​ជាមួយ​តំណាង​មន្ទីរ​សាធារណការ​ខេត្ត​ស៊ី​ឈាន់ និង​ទៅ​ទស្សនា​ជ្រលង​គូ​អាន​ស៊ែរ​ដើម្បី​សិក្សា​ពី​វប្បធម៌​ក្នុង​តំបន់ និង​នៅ​ទីកន្លែង​មួយចំនួនទៀត​។

​ព្រឹក​ថ្ងៃទី​១៩​ខែឧសភា​ឆ្នាំ​២០១៩​គណៈប្រតិភូ​បាន​ទៅ​ទស្សនា​នៅ​តំបន់​ប្រវត្តិសាស្ត្រ​លីវ ប៉ី និង​ជូ កឺ​លាង​នា​សម័យ​សាម​កុក​។ នា​រសៀល​ថ្ង​ដដែល​គណៈប្រតិភូ​បាន​បែក​គ្នា​ទៅកាន់​មាតុភូមិ​រៀងៗ​ខ្លួន​។ ដោយឡែក​គណៈប្រតិភូ​កម្ពុជា បាន​មកដល់​មាតុភូមិ​វិញ​នៅវេលា​ម៉ោង​១២​ពាក់កណ្តាល​អ​ធ្រា​ត​ដោយ​សុវត្ថិភាព​៕ ល​