អ្នកជំនាញ​បច្ចេកវិទ្យា បង្ហាញ​ពី​ដំណោះស្រាយ​លើ​ការគ្រប់គ្រង​ទិន្នន័យ​និង​ថាមពល​

899
ចែករម្លែក

ដោយ​: សុផល / ភ្នំពេញ​: អ្នកឯកទេស​ខាង​បច្ចេកវិទ្យា​ពត៌មាន​វិទ្យា មកពី​ក្រៅប្រទេស​និង​ក្នុងស្រុក បានរួម​គ្នា​ចែករម្លែក​បទពិសោធន៍ ចំណេះដឹង​និង​ផលប្រយោជន៍​ទា​ក៉​ទង​នឹង​ការគ្រប់គ្រង​ទិន្នន័យ​និង​ប្រព័ន្ធ​ថាមពល ព្រមទាំង​ដំណោះស្រាយ​ផ្នែក​បច្ចេកវិទ្យា​សម្រាប់​អាជីវកម្ម និង​ពាណិជ្ជកម្ម​។​

​ការចែករម្លែក​ចំណេះដឹង​នេះ មាននៅ​ក្នុង​សិក្ខាសាលា​ស្តីអំពី​ការទទ​ទួលបាន​ផលប្រយោជន៍​ល្អប្រសើរ​ជាមួយ​ដំណោះស្រាយ​បេ​ក​អាប់​និង​ប្រព័ន្ធ​របស់​IBM( Gain Competitive Advantages with IBM Flash System & P9 And Backup Solutions) ដែល​សហការ​រៀបចំឡើង​ដោយ ក្រុមហ៊ុន Campura Triangulum Corporation និង ក្រុមហ៊ុន IBM នៅ​សណ្ឋាគារ សូ​ហ្វី​តែ​ល ភ្នំពេញ​ភូ​គី​ត្រា​នា​ព្រឹក​ថ្ងៃទី ២៤​ខែ សីហា ឆ្នាំ​២០១៨​។​

​លោក ដោក កុសល ប្រធាន​ផ្នែក​បច្ចេកទេស នៃ​ក្រុមហ៊ុន​Campura បាន​មានប្រសាសន៍ថា “​ក្រុមហ៊ុន Campura ពិត​ជាមាន​មោទនភាព​ជាខ្លាំង ដែល​បាន​ក្លាយជា​ដៃគូ​តែមួយគត់ ដែល​ទទួល​សិទ្ធិ​ជា​ដៃគូ​សំខាន់​រប​សើ​អាយ​ប៊ី​អឹម​( IBM Gold Partner) ក្នុង​ការលក់​ផលិតផល IBM នៅក្នុង​ប្រទេស​កម្ពុជា​»​។​

​លោក​បានឱ្យដឹងថា​៖ សិក្ខាសាលា​នេះ គឺ​ផ្តោតលើ​ដំណោះស្រាយ​ផ្នែក IBM Power and Storage Solution ដែលជា​ផ្នែក​មួយ​ដ៏​សំខាន់ និង​គួរឱ្យ​យកចិត្តទុកដាក់​ពី​សំណាក់ អតិថិជន​ទាំងឡាយ​។​IBM ជា​ផលិតផល​លេខ​មួយ​ក្នុង​ពិភពលោក​ដែល​ត្រូវបាន​ទទួលស្គាល់ថា ជា​ផលិតផល ដែល អាច​គ្រប់គ្រង ទិន្នន័យ បានល្អ​ជាងគេ​។ ក្នុងនោះដែរ​ភាពជា​ដៃគូរ​រវាង Campura និង IBM បាន​ជួយ​សំរួល​ដល់​អតិថិជន​នូវ​រាល់​តម្រូវការ​ជាច្រើន ដើម្បី​ឈានទៅរក​ភាពជោគជ័យ ហើយ​លើសពីនេះ​ទៀត Campura ក៏មាន​អ្នកបច្ចេកទេស​ដែលមាន​ជំនាញ​ពិតប្រាកដ ដែលមាន​ការទទួលស្គាល់​ពី IBM ដើម្បី​ផ្តល់អោយ​អតិថិជន​នូវ​រាល់​សេវាកម្ម​ល្អ មានគុណ​ភាព​និង​ភាពជា​ដៃគូរ​យូរអង្វែង​ជាមួយ​អតិថិជន​ផងដែរ​។​

​លោក Nguyen Si Duy តំណាង​ផ្នែក​លក់​លើ​ដំណោះស្រាយ​ស៊ើ​វើ (Server Solution Sale)​នៃ​ក្រុមហ៊ុន IBM បាន​មានប្រសាសន៍ថា​ក្រុមហ៊ុន IBM ជា​ក្រុមហ៊ុន​ផ្នែក បច្ចេកវិទ្យា​ដ៏​ល្បីល្បាញ​ទូទាំង​សកលលោក​ទៅលើ​ការផ្គត់ផ្គង់​ផលិតផល​ជូន​អតិថិជន​ដូចជា​Hardware ,Software, Middleware និង​ជាពិសេស​ការ​ផ្តល់នូវ​ដំណោះស្រាយ រាល់​បញ្ហា​របស់​អតិថិជន​ដែល​កើតមានឡើង​។​ជាមួយគ្នានេះដែរ​លោក​ក៏បាន​ធ្វើ​បទ​បង្ហាញ​អំពី IBM Power9 System ទៅលើ​ការណែនាំ​ចំពោះ​ការស្វែងយល់​ពី​របៀប​ប្រើប្រាស់ ដែលជា​ដំណោះស្រាយ​ដ៏​ល្អ​បំផុត ព្រមទាំង​ទទួលបាន​អត្ថប្រយោជន៍​ពិតប្រាកដ ហើយ​ភាពជោគជ័យ​ក្នុង​ស្ថាប័ន​របស់​អតិថិជន នឹងត្រូវ​បាន​ជំរុញ​ដោយ​ការផ្តល់ជូន​នូវ​ការផ្គត់ផ្គង់​បច្ចេកវិទ្យា​ទំនើបៗ​របស់​ក្រុមហ៊ុន IBM នឹង​ជួយ​បង្កើន​អាជីវកម្ម​អោយ​កាន់តែ​រីកចំរើន​។​

​លោក Nguyen Van Hai តំណាង​ផ្នែក​លក់​លើ​ដំណោះស្រាយ​ទិន្នន័យ​(Stara -ge Solution Sale) របស់​ក្រុមហ៊ុន IBM ក៏បាន​ធ្វើ​បទ​បង្ហាញ​ទៅដល់​អតិថិជន​អំពី​IBM Storage ដែលជា​ផលិតផល​ដែលមាន​ការពេញនិយម​និង​ឈានមុខ​គេ​ផងដែរ ព្រមទាំង​បាន​ផ្តល់នូវ​ដំណោះស្រាយ​ដ៏​ល្អ​បំផុត​ជូន​ដល់​អតិថិជន ដូចជា ការការពារ និង​ថែរក្សា​ទិន្នន័យ​របស់​អតិថិជន​។ IBM ត្រូវបានគេទទួលស្គាល់​ថា ជា​ផលិតផល​ដែលមាន​ប្រសិទ្ធភាព​ក្នុងការ​ផ្គត់ផ្គង់ ហើយ​លោក​ក៏បាន​ថ្លែងអំណរគុណ​ទៅដល់​អតិថិជន​ទាំងអស់ ដែល​តែងតែ​គាំទ្រ​ក្នុងការ​ប្រើប្រាស់​ផលិតផល IBM ដែលមាន​ក្រុមហ៊ុន Campura ជា​ដៃគូ​ក្នុងការ​ផ្គត់ផ្គង់ និង​ផ្តល់​សេវាកម្ម ដើម្បី​បំពេញតម្រូវការ​របស់​អតិថិជន ក្នុងពេល​បច្ចុប្បន្ន​និង​ពេលអនាគត​៕ ល​