អ្នកនាំពាក្យ​ក្រសួងការពារជាតិ​ឆ្លើយតប​រឿង​ចោទ​តុលាការយោធា​បក្ខពួកនិយម គ្រួសារនិយម​

535
ចែករម្លែក

ដោយ​: មុនី​រ័ត្ន
​ភ្នំពេញ​:
នាយ​ឧ​ត្ត​ម​សេនីយ៍ ឈុំ សុជាតិ អ្នកនាំពាក្យ​ក្រសួងការពារជាតិ បាន​ថ្លែងថា នា​ថ្មីៗ​នេះ សារព័ត៌មាន​មួយចំនួន បាន​ផ្សព្វផ្សាយ​ចោទប្រកាន់​បន្តបន្ទាប់​មក​លើ ការគ្រប់គ្រង​នៅក្នុង​តុលាការយោធា ដោយ​វាយប្រហារ​ថា មាន​លក្ខណៈ​បក្ខពួកនិយម និង​គ្រួសារនិយម ដែល​ពាក្យ​ទាំងនេះ គឺជា​បំប៉ោង និង​បំផ្លើស​ខុសពី​ការពិត​។​

​លោក​បាន​បញ្ជាក់ថា “​តុលាការយោធា​កម្ពុជា មិនមាន​បញ្ហា​បក្ខពួកនិយម ឬ​គ្រួសារនិយម ដូច​ការចុះផ្សាយ​ចោទប្រកាន់​នោះឡើយ​។ តុលាការយោធា​កម្ពុជា បាន​ដំណើរការ​ប្រកបដោយ​ភាព​ឯករាជ្យ និង​តែង​ផ្តល់​យុត្តិធម៌​សម្រាប់​យោធិន​គ្រប់រូប​។​

​ទោះជា​យ៉ាងនេះ​ក្តី ខ្ញុំ​សូម​ស្វាគមន៍​មតិ​រិះគន់​ប្រកបដោយ​ស្ថាបនា ព្រមទាំង​ទទួលយក​ព័ត៌មាន​ទាំងអស់ ដើម្បី​ពិនិត្យ តាមដាន មុននឹង​លើក​ជា​របាយការណ៍​ជូន​ថ្នាក់លើ ហើយ​យើង​តែង​រង់ចាំ​អនុវត្ត​ជានិច្ច រាល់​បទបញ្ជា​ដ៏​ខ្ពង់ខ្ពស់​របស់​សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ​”៕ ល​