អ្នកបើកបរ​ងោក​មួយ​ភាំង​បើករថយន្ត​ធ្លាក់​ផ្លូវជាតិ​លេខ​៨ ក្រឡាប់​សង្កត់​មនុស្ស​ស្លាប់​និង​របួស​៤​នាក់

434
ចែករម្លែក

ដោយ​:​ចាន់ ថន​/​ព្រៃវែង​ ៖ គ្រោះថ្នាក់​ចរាចរណ៍​ដោយ​ខ្លួនឯង ព្រោះអ្នក​បើកបរ​ងងុយដេក​បើក​ធ្លាក់​ផ្លូវ​បណ្ដាល​ឲ្យ​ស្លាប់​២​នាក់​របួស​២​នាក់​។​ ហេតុការណ៍​នេះ​បានកើត​ឡើង នៅលើ​ផ្លូវជាតិ​លេខ​៨​ចន្លោះ គីឡូម៉ែត្រលេខ៨-៩ ស្ថិតក្នុងភូមិ​ព្រហ្ម ឃុំ​ព្រៃ​ព្នៅ ស្រុក​ពារាំង ខេត្តព្រៃវែង កាលពី​វេលា​ម៉ោង​៣​ទាបភ្លឺ​ឈានចូល​ថ្ងៃទី​២៩ ខែមករា ឆ្នាំ២០១៩​។

​នគរបាល​ស្រុក​ពារាំង​បាន​ឲ្យ​ដឹងថា រថយន្ត​បង្ក​ម៉ាក​ហ៊ីយ៉ាន់ដាយ ពណ៌​ស លាយ​ក្រហម ពាក់​ស្លាក​លេខ​ព្រះ​ស៊ី​ហ​នុ 3A 0473 ​ធ្វើដំណើរ​ពី​លិចទៅ​កើត។ លុះ​មកដល់​កន្លែងកើតហេតុ អ្នកបើកបរ​បាន​ងងុយ​ដេក ​បួង​ចង្កូត​ជ្រុល​ធ្លាក់ចូល​ចិញ្ចើមផ្លូវ ក្រឡាប់​ផ្អៀង បណ្តាល​ឲ្យសង្កត់​ស្លាប់​អ្នករួមដំណើរ​២​នាក់ របួស​២​នាក់​។​
​ទី​១​.ឈ្មោះ លី ណូ ភេទ​ស្រី អាយុ៣៥​ឆ្នាំ នៅ​ភូមិព្រៃខ្លា ឃុំព្រៃ​កណ្តៀង ស្រុក​ពាម​រក៍ ស្លាប់ ។​ ២.​ឈ្មោះ មិនទាន់​ស្គាល់​អត្ត សញ្ញាណ នៅ​ភូមិ​ព្រៃ​កណ្តៀង ស្លាប់ ។ ៣​.ឈ្មោះ សាំង កុសល ភេទ​ប្រុស អាយុ​៣៨​ឆ្នាំ ​នៅ​ភូមិ​ព្រៃខ្លា ឃុំ​ព្រៃ​កណ្តៀង រងរបួស​។​ ៤.​ឈ្មោះ គក់ កូ ភេទ​ប្រុស អាយុ​៣១​ឆ្នាំ នៅ​ភូមិ​ព្រៃខ្លា ឃុំព្រៃ​កណ្តៀង​រងរបួស ។

ក្រោយពេល​កើតហេតុ អ្នកបើកបរ​រត់គេច​ខ្លួន​បាត់​។ ​ឯ​អ្នករងរបួស​បញ្ជូនមក​មន្ទី​ពេទ្យ​ស្រុក​ពារាំង។ ចំណែក​អ្នកស្លាប់ សមត្ថកិច្ច​កំពុង​ទាក់ទង​ឲ្យ​ក្រុមគ្រួសារ​មក​ទទួលយក​ទៅធ្វើ​បុណ្យ​តាម​ប្រពៃណី​។ រថយន្ត​សមត្ថកិច្ច​កំពុង​ទំនាក់ទំនង​រក​រថយន្ត​ស្ទូច ដឹក​យកមក​រក្សាទុក​នៅ​អធិការដ្ឋាន​នគរបាល​ស្រុក​ ដើម្បី​បំពេញ​សំណុំរឿង​តាម​នីតិវិធី​៕​B/