អ្នកភូមិ​បិទផ្លូវ​ជាថ្មី​បន្ទាប់ពី​សន្យា​រយៈពេល​៦​ខែ​តែ​មិន​ដោះស្រាយ

746
ចែករម្លែក
  • 29
    Shares

​ដោយ​:​អង្គរតូច​/​សៀមរាបៈ​ក្រុម​អ្នកភូមិ​នៃ​ឃុំ​ត្រពាំង​ធំ​ស្រុក​ប្រាសាទបាគង​បានសម្រេច​បិទផ្លូវ​ជាថ្មី ក្រោយ​ចុះកិច្ចសន្យា​រយៈពេល​៦​ខែ​ប្តូរ​ទីតាំង​ចាក់សំរាម​តែ​គ្មាន​ការអនុវត្ត​។​ នៅ​ព្រឹក​ថ្ងៃទី​៣០​ខែសីហា​ឆ្នាំ​២០១៨​នេះ​ក្រុម​អ្នកភូមិ​បាន​ប្រមូលគ្នា​មកកាន់​ច្រកចូល​ទីតាំង​ចាក់សំរាម​ដែក​ស្ថិតនៅ​ជាប់​របង​ប៉ុស្តិ៍​នគរ​បាន​ត្រពាំង​ធំ​។ ក្នុងនោះ​ពួកគាត់​បាន​យក​ឈើ​បង្គោលក្រាក់​ទៅ​បោះ​ចំ​កណ្តាលផ្លូវ​ហើយ​សរសេ​រថា ឡាន​សំរាម​ហាម​ចូល​។​

​ក្រុម​អ្នកភូមិ​បាន​លើកឡើងថា អស់​រយៈពេល​ជាង​១១​ឆ្នាំ​មកហើយ ដែល​ពួកគាត់​ប្រមាណ​ជា​៥​ភូមិ ក្នុង​ឃុំ​ត្រពាំង​ធំ នៃ​ស្រុក​ប្រសាទ​បាគង រស់​រង​ការ​ស្រង់​ចំហាយ​ក្លិនស្អុយ ពី​សំណាក់​រណ្តៅ​សំរាម របស់​ក្រុមហ៊ុន​ហ្កា​អ៊ី​យា​(Gaea)​។ ក្នុង​រយៈពេល​ជាង​១១​ឆ្នាំ​មកនេះ មនុស្ស​ប្រុស​ស្រី កុមារ​តូចធំ​ទទួលរង​ផ្ទុក​ដោយ​ជំងឺ​ផ្លូវដង្ហើម​។ ដែល​ជំងឺ​នេះ​ពេលទៅដល់​ពេទ្យ ហើយ​ក្រុមគ្រូពេទ្យ​ដឹងថា អ្នក​ជម្ងឺ​មកពី​ឃុំ​ត្រពាំង​ធំ​គឺ​តម្រូវអោយ​ដាក់​បន្ទប់​ផ្សេង​ព្រោះ​កើតចេញពី​សំរាម​។​

​ក្នុង​វ័យ​៥២​ឆ្នាំ​លោក​ឡឹង ម៉ុ​ន ពលរដ្ឋ​ក្នុងភូមិ​អន្លង់​២ បញ្ជាក់ថា ដោយសារ​ក្លិនស្អុយ​ច្រើន​ឆ្នាំ ពួកគាត់​បាន​បិទផ្លូវ​ម្តង​ហើយ​កាលី​ថ្ងៃទី​៥​ខែកុម្ភៈ​ឆ្នាំ​២០១៨ ដើម្បី​សុំឱ្យ​មានការ​ប្តូរ​ទីតាំង​ចាក់សំរាម​។ ក្នុងពេលនោះ អភិបាលរង​ខេត្តសៀមរាប​លោក​ទៀ សីហា រួមទាំង​តំណាង​ក្រុមហ៊ុន​សំរាម បាន​ព្រមព្រៀង ធ្វើ​កិច្ចសន្យា​សុំ​ពពេល​៦​ខែ ដើម្បី​ប្តូរ​ទីតាំង​ចាក់សំរាម​។

​ប៉ុន្តែ​ការរង់ចាំ​រយៈពេល​ជាង​៦​ខែ​មកហើយ ទីតាំង​មិនមាន​ការផ្លាស់ប្តូរ ។​ឯ​ឡាន​នៅ​បន្ត​ដឹក​មកចាក់​ជាប្រចាំ ទើប​ពួកគាត់​សម្រេច​បិទផ្លូវ​ជាថ្មី ដើម្បី​សុំ​រក​ដំណោះស្រាយ​។​ក្នុងខណ​:​ដែល​ឡាន​ដឹក​សំរាម​មកចាក់ ហើយ​ចូល​មិន​រួច​បង្ខំចិត្ត​ចត​លើ​ចិញ្ចើម​ផ្លូវជាតិ គេ​ឃើញ​លោក​សូរ ប្លា​តុង អភិបាលក្រុង​សៀម រាប​។

​លោក​ ម៉ក់ សំភា អភិបាលស្រុក​ប្រាសាទ​បាគង​។ លោក ​នួន មុន្នី ប្រធាន​មន្ទីរ​បរិស្ថាន​ខេត្ត រួមទាំង​លោក​វរសេនីយ៍ឯក​ មិន​ចន្ថា អធិការនគរបាល​ស្រុក​ប្រាសាទបាគង និង​លោក​សយ សីហា មេឃុំ​ត្រពាំង​ធំ​បាន​ហៅ​ក្រុម​អ្នកភូមិ​ប្រជុំ​ដើម្បី​ចរចារ​គ្នា​រក​ដំណោះស្រាយ​។​

ឆ្លងកាត់​ការប្រជុំ​ជាច្រើន​ម៉ោង​ដែល​មិនមាន​វត្តមាន​តំណាង​ក្រុមហ៊ុន​(Gaea)​ចូលរួម​ផង​នោះអាជ្ញាធរ​ដែល​ចូ​ម​រួម​ដោះស្រាយបាន​ព្យាយាម​សុំ​ពន្យា​ពេល​ក្នុងការ​ដោះស្រាយ​ប្តូរ​ទីតាំង​ចាក់សំរាម​។​ប៉ុន្តែ​ក្រុម​អ្នកភូមិ​នៅតែ​ប្រកាន់​ជំ​ហ៊រ​មិន​ទទួល​នោះឡើយ ដោយ​បញ្ជាក់ថា ឡាន​សំរាម​ទាំងឡាយ​ដែល​មកដល់​ទីនេះ ត្រូវតែ​ចត​លើ​ចិញ្ចើមផ្លូវ​រហូត​ទៅ បើ​គ្មាន​កន្លែង​ចាក់​។​

ត្បិត​ទីតាំង​ដែល​ផុតកំណត់​កិច្ចសន្យា​នេះ គឺ​មិន​អនុញ្ញាតិ​អោយចូល​ចាក់​ទៀតឡើយ​។​​ ប្រសិនបើ​ជំ​ហ៊រ​ក្រុម​អ្នកភូមិ នៅតែ​មិន​ទទួលយក ការពន្យា​ពេល​របស់​អាជ្ញាធរ ហើយ​រារាំង​ឡាន​មិនអោយ​ចូ​​ល​ចាក់សំរាម ក្រុង​ទេសចរណ៍​មួយ​នេះ គំនរ​សំរាម​អាច​ក្លាយជា​កូនភ្នំ​ម្តងទៀត ដូច​កាលពី​៦​ខែ​មុន​ជាក់​ជាមិនខាន​៕S/​

​អ្នកភូមិ​បិទផ្លូវ​ជាថ្មី​បន្ទាប់ពី​សន្យា​រយៈពេល​៦​ខែ​តែ​មិន​ដោះស្រាយ