អ្នកវិទ្យាសាស្ត្រ​រកឃើញ​ពេលវេលា​និង​ខែ​ល្អ​បំផុត​ដើម្បី​រួមភេទ ប្រសិនបើ​អ្នក​ចង់​បានកូន​

635

​ការស្រាវជ្រាវ​មួយ​បាន​លើកឡើងថា គូ​ស្វាមីភរិយា​ដែល​ព្យាយាម​ចង់បាន​កូន គួរ​រួមភេទ​មុន​ម៉ោង ៧:៣០ ព្រឹក នៅ​និ​ទាឃ​រដូវ (​ចន្លោះ​រដូវរងា​និង​រដូវក្តៅ​) ប្រសិនបើ​ពួកគេ​ចង់​មាន​ផ្ទៃពោះ​។​

​អ្នកវិទ្យាសាស្ត្រ​អះអាងថា មេជី​វិត​ឈ្មោល​មាន​នាឡិកា​ខាងក្នុង ២៤ ម៉ោង​របស់​វា ហើយ​វា​មាន​ឥទ្ធិពល​ខ្លាំង​បំផុត​នៅពេល​ព្រឹក​ទៀបភ្លឺ​។​

​អ្នកស្រាវជ្រាវ​ជនជាតិ​ស្វី​ស​ក៏បាន​រកឃើញ​ដែរ​ថា​មេជី​វិត​ឈ្មោល​មាន​ទំហំ​និង​រូបរាង​សុខភាព​ល្អ​បំផុត​ដើម្បី​បង្កាត់​ជាមួយ​ស៊ុត​ញី ក្នុងអំឡុង​ខែមីនា មេសា និង​ឧសភា​។​

​អ្នកជំនាញ​នៅ​សាកលវិទ្យាល័យ​វេជ្ជសាស្ត្រ​ហ្សួ​រី​ច បាន​វិភាគ​សំណាក​ទឹកកាម​ពី​បុរស​ចំនួន ៧.០៦៨ នាក់​ដែលមាន​អាយុ​ចន្លោះ​ពី ២៥ ទៅ ៤០ ឆ្នាំ ដែល​ទទួល​ការព្យាបាល​ជំងឺ​អារ​។​

​លោកស្រី​វេជ្ជបណ្ឌិត ព្រី​ជី​ទី លីន​ន័​រ ប្រធាន​ដឹកនាំ​ស្រាវជ្រាវ​នេះ​និយាយថា ទឹកកាម​ប្រមូលបាន​ពី​បុរសៗ​ទាំងនោះ​គឺមាន​គុណភាព​ខ្ពស់បំផុត​នៅពេល​ព្រឹក ដែល​អាច​បង្កាត់​ជាមួយ​ស៊ុត​ញី ហើយ​ថា ទឹកកាម​ប្រមូល​នៅ​ខែមីនា មេសា និង ឧសភា មាន​គុណភាព​អស្ចារ្យ​បំផុត​ក្នុង​ត្បុល​ទៅរក​មេជី​វិត​ញី​។

​គុណភាព​មេជី​វិត​ឈ្មោល​ធ្លាក់ចុះ គឺ​អំឡុង​រដូវក្តៅ​៕ ដោយ៖ កញ្ញាដាលីស