ឧបនាយករដ្ឋមន្ត្រី​ថៃ ប្រា​វីត វង់​ស៊ូ​វាន់​:​ឧទ្ទាម​ទ័ពព្រៃ BRN ជា​អ្នក​នៅ​ពីក្រោយ​ការផ្ទុះ គ្រាប់បែក​នៅ​ខេត្ត​សុង​ខ្លា​

297
ចែករម្លែក
  • 139
    Shares

​យោងតាម​ឧបនាយករដ្ឋមន្ត្រី​ថៃ លោក ប្រា​វីត វង់​ស៊ូ​វាន់ បានឱ្យដឹងថា ឧទ្ទាម​ទ័ពព្រៃ Barisan Revolusi Nasional (BRN) ជា​អ្នកទទួលខុសត្រូវ​ចំពោះ​ការ​បំផ្ទុះ​គ្រាប់បែក​កាលពី​ថ្ងៃ​អង្គារ ទី​៨ ខែមករា នៅ​ស្រុក​ថេ​ប៉ា (Thepa) ខេត្ត​សុង​ខ្លា ខណៈ​ជនសង្ស័យ ៣​នាក់​ត្រូវបាន​ឃាត់ខ្លួន កាលពី​ថ្ងៃ​ពុធ ទី​៩ ខែ​នេះ​។​

​ឧបនាយករដ្ឋមន្ត្រី ប្រា​វីត វង់​ស៊ូ​វាន់ ដែលមាន​តួនាទី​ទទួលបន្ទុក​ផ្នែក​សន្តិសុខ​ជាតិ​ដែរនោះ បាន​លើកឡើងថា កងកម្លាំង​សមត្ថកិច្ច​កំពុង​ឃ្លាំមើល​សកម្មភាព​របស់​ក្រុម​ឧទ្ទាម​ព័ព​ព្រៃ BRN យ៉ាង​ស្អិត ដើម្បី​ទប់ស្កាត់​ការប៉ុនប៉ង​បង្កចលាចល​បន្ថែមទៀត​។

​លោក​បាន​ថ្លែងថា លោក ផន​សាក់ ពូន​សាវ៉ា​ត់ (Pornsak Poonsawat) មេបញ្ជាការ​កងទ័ព ជើងគោក​លេខ​៤ បាន​បញ្ជូន​កងកម្លាំង​ដើម្បី​រឹតបន្តឹង​សន្តិសុខ​នៅតាម​តំបន់​នានា​នៅ​ចុង ភាគខាងត្បូង​ថៃ ដែល​ងាយ​រង​ការវាយប្រហារ​។

​លោក ប្រា​វីត បាន​គូសបញ្ជាក់ ឧទ្ទាម​ទ័ពព្រៃ BRN មិនបាន​ចូល​ការចរចា​សន្តិភាព​ដែល​ផ្តួចផ្តើម ឡើង​ដោយ​រួម​ម៉ាឡេស៊ី ជាមួយ​ថៃ​រដ្ឋាភិបាល​ថៃ នៅឡើយ​ទេ​៕ ប្រែ​សម្រួល​: ខុម​

​កម្លាំង​សមត្ថកិច្ច​ចុះ​ត្រួតពិនិត្យ​កន្លែងកើតហេតុ​ផ្ទុះ​គ្រាប់បែក​យ៉ាង​ធំ​នៅ​ស្រុក​ថេ​ប៉ា ខេត្ត​សុង​ខ្លា (Prawit blames BRN for)
#