ឧបនាយក​រដ្ឋមន្ត្រី​ថៃ ៖ ទំនងជា​នឹង​មាន​ការប្រមូលផ្តុំ​តវ៉ា នៅពេល​មេដឹកនាំ​បក្ស​អនាគត​ឆ្ពោះ​ទៅមុខ​ចូល​ប៉ុស្ត៍​ប៉ូលិស​

552
ចែករម្លែក
  • 48
    Shares

​ឧបនាយក​រដ្ឋមន្ត្រី​ថៃ​លោក​ប្រា​វីត វង់​ស៊ូ​វ៉ុន មិន​រំពឹង​ថា​នឹង​មាន​ការប្រមូលផ្តុំ​តវ៉ា​ដែល​មិន​អាច​គ្រប់គ្រង​បានទេ នៅពេល​មេដឹកនាំ​គណបក្ស​អនាគត​ឆ្ពោះទៅមុខ​​របស់​លោក​ថា​ណា​ថន រឿង​រុងរឿង​គិត ចូលខ្លួនៅ​ស្ថានីយ​ប៉ូលិស​មួយ​ក្នុង​ក្រុង​បាងកក​នៅ​ថ្ងៃ​សៅរ៍​ដើម្បី​ស្តាប់​ការចោទប្រកាន់​ពី​បទ​បះបោរ​ប្រឆាំង​។​

​លោក​ប្រា​វីត បាន​និយាយ​នៅ​ថ្ងៃ​សុក្រ​ទី​៥​ខែ​មេសា​ថា លោក​មិន​គិត​ថា​នឹង​មាន​ភាពវឹកវរ​ទេ ដោយសារ​ការជួបជុំ​គ្នា​នេះ គឺ​ដំណើរការ​ទៅ​ជា​ធម្មតា​ដែល​កើតចេញ​ពី​ករណី​​ចាស់ កាល​ពី​ពី​៤​ឆ្នាំ​កន្លង​ទៅ​។ នឹង​មិន​មាន​បញ្ហា​ទេ បើសិន​លោក ថា​ណា​ថន​អាច​បញ្ជាក់​ជា​ជន​គ្មាន​ទោស​កំហុស​នោះ​។​

​លោក​ប្រា​វីត ដែល​ជា​រដ្ឋមន្ត្រី​ការពារជាតិ​ផង​ដែរ​នេះ បាន​និយាយថា​”​វា​ជា​ករណី​ចាស់​ដែល​ប៉ូលិស​កំពុង​ដោះស្រាយ …​សំណុំរឿង​ដែល​មាន​កាលពី​៤​ឆ្នាំ​មុន​ហើយ​អ្នក​សួរ​ចម្លើយ​២​នាក់​ត្រូវបាន​ជំនួស ហើយ​នោះ​គឺជា​តម្លៃ​នៃ​ពេលវេលា​ប៉ុន្តែ ប្រសិនបើ​គ្មាន​រឿងក្តី វា​នឹង​មិន​មាន​បញ្ហា​ទេ​” ។

​លោក​មាន​ទំនុកចិត្ត​ថា​ក្រុម​អាជ្ញាធរ​នឹង​ធានា​សន្តិសុខ​និង​សណ្តាប់ធ្នាប់​នៅ​ប៉ុស្តិ៍​ប៉ូលិស​Pathumwan នៅ​ថ្ងៃ​សៅរ៍​។​

​ប៉ូលិស​បាន​កោះហៅ លោក ថា​ណា​ថន​ដើម្បី​ទៅ​ស្តាប់​ការចោទប្រកាន់​នៅ​ស្ថានីយ​ប៉ូលីស​នោះ​នៅ​ម៉ោង​១០​ព្រឹក​ថ្ងៃ​សៅរ៍​ទី​៦​មេសា​នៅ​ពេល​ក្រុមប្រឹក្សា​ជាតិ​ដើម្បី​សន្តិភាព​និង​សណ្ដាប់ធ្នាប់​​បាន​ចោទប្រកាន់​លោក​ពី​បទ​ធ្វើ​សកម្មភាព​បះបោរ​ប្រឆាំង ដោយសារ​បាន​ជួយ​ក្រុម​បាត​ករ​ប្រឆាំង​រដ្ឋប្រហារ និង​រំដោះ​អ្នក​ដែល​ត្រូវបាន​ចាប់ខ្លួន កាលពី​ខែ​មិថុនា​ឆ្នាំ​២០១៥៕​ដោយ​៖​សុខា​/sn

លោក​ប្រា​វីត ជា​មេដឹកនាំ​រង​នៃ​ក្រុមប្រឹក្សា​ជាតិ​ដើម្បី​សន្តិភាព​និង​សណ្ដាប់ធ្នាប់​និង​ជា​ឧបនាយករដ្ឋមន្ត្រី​ទទួលបន្ទុក​សន្តិសុខ​