ឧ​ត្ត​ម​សេនីយ៍​ឯក ហ៊ុន ម៉ា​ណែ​ត ចូលរួម​ប្រគល់​ផ្ទះ ៥ ខ្នង នៅ​ស្រុក​ថ្មគោល​

440

​ដោយៈ គ្រញូង /
​បាត់ដំបងៈ កាលពី​ព្រឹក​ថ្ងៃទី​៩ ខែមេសា ឆ្នាំ​២០១៨ លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អគ្គលេខាធិការ នៃ​គណៈកម្មាធិការ កណ្តាល​សមាគម អតីតយុទ្ធជន​កម្ពុជា អមដំណើរ​ដោយ លោក​ឧ​ត្ត​ម​សេនីយ៍​ត្រី អ៊ុក ឃ្នួច មេបញ្ជាការ​តំបន់ ប្រតិបត្តិការ​សឹក​រង បាត់ដំបង និង​ជា​ប្រធាន ស​.​អ​.​ក​. ខេត្ត ព្រមទាំង​មន្ត្រី​ជាច្រើន​ទៀត បាន​អញ្ជើញ​ជា​អធិបតី ក្នុង​ពិធី​ប្រគល់​ផ្ទះ ៥ ខ្នង ១​ខ្នង ទំហំ (៤​ម៉ែត្រ​x៦​ម៉ែត្រ​) ធ្វើ​អំពី​ឈើ ប្រក់​ស័ង្កសី រៀប​ការ៉ូ​បាត និង​រៀប​ជញ្ជាំង​ឥដ្ឋ កំពស់ ១ ម៉ែត្រ ដែលជា​អំណោយ របស់​សម្តេច​អគ្គមហាសេនាបតី​តេ​ជោ ហ៊ុន សែន នាយ​រដ្ឋមន្ត្រី នៃ​ព្រះរាជាណាចក្រ​កម្ពុជា និង​ជាប្រធាន​សមាគម អតីតយុទ្ធជន​កម្ពុជា ផ្តល់ជូន​សមាជិក សមាគម​អតីតយុទ្ធជន​កម្ពុជា ចំនួន ៥ គ្រួសារ នៅ ៣ ស្រុក ដែល​ទីទ័លក្រ និង​គ្មាន​ជំរក​ស្នាក់នៅ សមរម្យ​។​

​សមាជិក សមាគម​អតីតយុទ្ធជន​កម្ពុជា ចំនួន ៥​គ្រួសារ​នោះ គឺ ១.​ឈ្មោះ​ក​យ ប៉ែន ភេទ​ប្រុស អាយុ​៥៣​ឆ្នាំ នៅ​ភូមិ​ទំពូង​ត្បូង ឃុំ​តាពូង ស្រុក​ថ្មគោល​ ២.​ឈ្មោះ​សុខ សំបា​ត់ ភេទ​ប្រុស អាយុ​៥៨​ឆ្នាំ នៅ​ភូមិ​និគម​ក្នុង ឃុំ​ជ្រោយ​ស្តៅ ស្រុក​ថ្មគោល ៣.​ឈ្មោះ​ហាក់ សារិន ភេទ​ប្រុស អាយុ​៥៨​ឆ្នាំ នៅ​ភូមិ​បឹង​ប្រាំ ឃុំ​បឹង​ប្រាំ ស្រុក​ប​វេ​ល ៤.​ឈ្មោះ​កែវ ធឿន ភេទ​ប្រុស អាយុ​៥៩​ឆ្នាំ នៅ​ភូមិ​តា​សាញ់ ឃុំ​តា​សាញ់ ស្រុក​សំឡូត និង​៥.​ឈ្មោះ​តុល ធឿន ភេទ​ប្រុស អាយុ​៦៤​ឆ្នាំ នៅ​ភូមិ​-​ឃុំ​តា​សាញ ស្រុក​សំឡូត ក្នុង​១​គ្រួសារ ទទួលបាន​ផ្ទះ ចំនួន​១​ខ្នង ថវិកា​ចំនួន ៤០០.០០០ រៀល អង្ករ​ចំនួន ១០០ គីឡូក្រាម គ្រែ​ដេក ចំនួន​១ មុង កន្ទេល ទឹក​សុទ្ធ​១​ឡូ ទឹកស៊ីអ៊ីវ ១​ឡូ និង​សំភារ​ផ្ទះបាយ ១​កំ​ប្លេ​។​

​ក្រៅពីនេះ សមាជិក ស​.​អ​.​ក ស្រុក ដែលមាន​ជី​ភាព​ទីទ័លក្រ ចំនួន​៣០​នាក់ ក្នុង​ម្នាក់ៗ ទទួលបាន​ថវិកា ចំនួន ២០ ម៉ឺន​រៀល អង្ករ​ចំនួន ៥០ គីឡូក្រាម និង​សារុង​១​។ ប្រជាពលរដ្ឋ ចំនួន ៣៦ នាក់ ក្នុង​ម្នាក់ៗ ទទួលបាន​សារុង ១ សិស្សសាលា​ចំនួន ២៤ នាក់ ក្នុង​ម្នាក់ៗ ទទួលបាន​សៀវភៅ សរសេរ ចំនួន​២​ក្បាល ប៊ិច​ចំនួន​១​ដើម​។ ក្រុមការងារ​មកពី​សំឡូត ចំនួន​២០​ម៉ឺន​រៀល អធិការ នាយប៉ុស្តិ៍ មេភូមិ​ចំនួន​៣​នាក់ មកពី​ស្រុក​ប​វេ​ល ក្នុង​ម្នាក់ៗ ទទួលបាន​ថវិកា​ចំនួន ២០ ម៉ឺន​រៀល​។ លោកនាយ​ប៉ុស្តិ៍​តាពូង នាយប៉ុស្តិ៍​ជ្រោយ​ស្តៅ មេភូមិ​សរុប​ចំនួន ៥ នាក់ មកពី​ស្រុក​ថ្មគោល ក្នុង​ម្នាក់ៗ ទទួលបាន​ថវិកា ចំនួន ២០ ម៉ឺន​រៀល​។ ថវិកា​ទាំងនេះ ជា​អំណោយ​របស់ សម្តេច​តេ​ជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រគល់ជូន​ក្នុងឱកាស​បុណ្យចូលឆ្នាំថ្មី ប្រពៃណី​នេះ​៕V

​លោក​ហ៊ុន ម៉ា​ណែ​ត ប្រគល់​ផ្ទះ និង​ថវិកា របស់​សម្តេច​តេ​ជោ ជូន​ប្រជាពលរដ្ឋ​