៥​ខែ​ដើមឆ្នាំ​បង្ក្រាប​ករណី​ពាក់ព័ន្ធ​គ្រឿងញៀន​ជាង​៣​ពាន់​ឃាត់ខ្លួន​ជាង​៦​ពាន់​នាក់​និង​វត្ថុតាង​ជិត​១០០​គីឡូក្រាម​

663

​ដោយៈ​សាវ​រក្ស​/​ភ្នំពេញៈ​របាយការណ៍ បូកសរុប​លទ្ធផល នៃ​យុទ្ធនាការ​ប្រយុទ្ធប្រឆាំង គ្រឿងញៀន​ដែល​ទទួលបាន​នៅ​ថ្ងៃទី​១​ខែមិថុនា ឆ្នាំ​២០១៨​នេះ​រយៈពេល​៥​ខែ ដើមឆ្នាំ​កម្លាំង​សមត្ថកិច្ច​ទូទាំងប្រទេស បាន​ចុះបង្ក្រាប​ករណី​ជួញដូរ និង​ប្រើប្រាស់​គ្រឿងញៀន បាន​ជាង​៣​ពាន់​ករណី ឃាត់ខ្លួន​ជាង​៦​ពាន់​នាក់ និង​ដកហូត​បាន​ថ្នាំញៀន ជិត​១០០​គីឡូក្រាម​។​

​របាយការណ៍​ដដែល​បានបង្ហាញ​ទៀតថា កម្លាំង​សមត្ថកិច្ច​នៅ​ទូទាំងប្រទេស​បង្ក្រាបបាន​៣.១៩២​ករណី ឃាត់ខ្លួន​៦.៣៦៧​នាក់ (​ស្រី​៥៥៧​នាក់​) ជនបរទេស​៩២​នាក់ ស្រី​១៨​នាក់ មាន​៩​សញ្ជាតិ​។​

​របាយការណ៍​បានបញ្ជាក់​ទៀតថា ការបង្ក្រាប​ទាំង​ជាង​៣​ពាន់​ករណី​។ ក្នុងនោះ​ករណី​ជួញដូរ ២.០៤២​ករណី ឃាត់​៣.៧៦២​នាក់ (​ស្រី​៤០០​នាក់​) និង​ករណី​ប្រើប្រាស់ ១.១៥០​ករណី ឃាត់ ២.៦០៥​នាក់ (​ស្រី​១៥៧​នាក់​)​។​

​របាយការណ៍​បាន​បន្ថែមថា ក្នុង​ប្រតិបត្តិ​ការបង្ក្រាប​ពេញ​៥​ខែ​នេះ សមត្ថកិច្ច​បាន​ចាប់យក​សារធាតុ​ញៀន គ្រប់​ប្រភេទ​ជិត​១០០​គីឡូក្រាម និង ១.១៤៤​កញ្ចប់ និង​កញ្ឆា​ក្រៀម ជាង​២៣​គីឡូក្រាម និង​១២៣.០១៦​ដើម ដកហូត​រថយន្ត​២៨​គ្រឿង​/ ម៉ូតូ​៧៦៤​គ្រឿង​, ទូរស័ព្ទដៃ​១,៧៩៧​គ្រឿង​, អាវុធខ្លី​៧​ដើម​, អាវុធ​វែង​៩​ដើម និង​ជញ្ជីង​១០៩​គ្រឿង​៕S/

៥​ខែ​ដើមឆ្នាំ​បង្ក្រាប​ករណី​ពាក់ព័ន្ធ​គ្រឿងញៀន​ជាង​៣​ពាន់​ឃាត់ខ្លួន​ជាង​៦​ពាន់​នាក់​និង​វត្ថុតាង​ជិត​១០០​គីឡូក្រាម​