​កីឡា​សិស្ស​អាស៊ាន នៅ​ឥណ្ឌូណេស៊ី កម្ពុជា ចប់​ដោយ​គ្មាន​មេដាយ​

330
ចែករម្លែក

​ដោយ​: រ៉ូ​ហ្សា /
​ភ្នំពេញ​: ការប្រកួត​កីឡា​សិស្ស​អាស៊ាន លើក​ទី​១១ នៅ​ប្រទេស​ឥណ្ឌូណេស៊ី សម្រាប់​កម្ពុជា គិត​ត្រឹម​ថ្ងៃទី​២២ កក្កដា គឺ​បានបញ្ចប់​ការប្រកួត​អស់ហើយ​។ នេះ​បើតាម​សេចក្ដីរាយការណ៍ របស់លោក មាស សារ៉េត ដែលជា​មន្ត្រី​ព័ត៌មាន របស់​នាយកដ្ឋាន​អប់រំ​កាយ និង​កីឡា​សិស្ស និស្សិត​កម្ពុជា ដែល​ប្រចាំការ​ផ្ទាល់ នៅ​កន្លែង​ប្រកួត​។​

​លោក​បាន​ឲ្យ​ដឹងថា ក្នុងការ​ប្រកួត​ចុងក្រោយ ថ្ងៃទី​២២ កក្កដា ប្រភេទ​កីឡា​វាយ​សី វិញ្ញាសា​វាយ​គូ​ចម្រុះ បុរស​-​នារី កីឡាករ ស្រេង វីរៈ និង កីឡាការិនី ហែម លក្ខិណា ប្រកួត​ចាញ់​ក្រុម​សឹង្ហ​បូរី ០ ទល់ ២ សិត ។ កីឡាករ ងួន រតនៈ​វិស្សុត និង កីឡាការិនី សុខ សុ​ម៉ាលី​តា ក៏​ប្រកួត​ចាញ់ ក្រុម​សឹង្ហ​បូរី ០​ទល់ ២​សិត ដែរ ។​

​វិញ្ញាសា​វាយ​គូ​បុរស កីឡាករ ហេង ម៉េង​លាភ និង​កីឡាករ យ៉ាំ សំណាង ប្រកួត​ចាញ់​ឡាវ ០​ទល់​២ សិត​។ កីឡាករ សុខ រីករាយ និង កីឡាករ ភា សុ​ថៃ ប្រកួត​ចាញ់​ឥណ្ឌូណេស៊ី ០ ទល់ ២​សិត ។​

​ប្រភេទ​កីឡាហែលទឹក វិញ្ញាសា​ហែល​បណ្ដាក់ ៤ របៀប ១០០​ម៉ែត្រ ៤​ដង​បុរស ផ្ដាច់ព្រ័ត្រ ដែលមាន​កីឡាករ មន​ត្រស់ ផាន​សុវណ្ណ​អា​រុណ កីឡាករ អ៊ួ​ង លី​ហេង ឆោម ច័ន្ទ​ថន និង កីឡាករ ឌឿ​ន រ៉ាត់​ធី​ឌុន ប្រកួត​បាន​ចំណាត់ថ្នាក់​លេខ​៦ ។​

​វិញ្ញាសា​ហែល​បណ្ដាក់ ៤​របៀប ១០០​ម៉ែត្រ ៤​ដង នារី ផ្ដាច់ព្រ័ត្រ ដែល​កម្ពុជា មាន​កីឡាការិនី ឆោម ស្រី​វរ​ល័ក្ខណ៍ កាំ​ង មុយ​នី​ន វ័​ច ហ្ស​ង់​ឆាយ និង​កីឡាការិនី ឃឺ​ន ប៊ុន​ពេជ្រ​មរកត ហែល​ដណ្ដើមបាន ចំណាត់ថ្នាក់​លេខ​៦ ដែរ ។​

​សូមបញ្ជាក់ថា កម្ពុជា បញ្ជូន​កីឡា ចំនួន ៥ ប្រភេទ ទៅ​ចូលរួម​ប្រកួត ដែល​ក្នុងនោះ មាន​វាយ​កូនឃ្លី​លើ​តុ វាយ​កូន​បាល់ វាយ​សី ហែល​ទឹក និង អត្តពលកម្ម ។ នេះ​ជា​លើក​ទី​៤ ហើយ ដែល​កម្ពុជា ចូលរួម​ក្នុង​ព្រឹត្តិការណ៍​នេះ ។ លើកដំបូង នៅ​ឈៀង​ម៉ៃ ប្រទេស​ថៃ កម្ពុជា ដណ្ដើមបាន មេដាយសំរិទ្ធ មួយគ្រឿង លើ​ប្រភេទ​កីឡាវាយកូនឃ្លីលើតុ ហើយ ៣ លើកចុងក្រោយ​នេះ កម្ពុជា ពុំដែល​រកបាន​មេដាយ ទៀតឡើយ​៕v

ទិដ្ឋភាព​ប្រកួត​កីឡា​សិស្ស​អាស៊ាន​
ទិដ្ឋភាព​ប្រកួត​កីឡា​សិស្ស​អាស៊ាន​
ទិដ្ឋភាព​ប្រកួត​កីឡា​សិស្ស​អាស៊ាន​