​កីឡា​ស៊ី​ហ្គេម នៅ​ហ្វីលីពីន​៖ កម្ពុជា ធ្លាក់​ដល់​លេខ​៩ ទោះបី​ដណ្តើមបាន​មេដាយ ២១​គ្រឿង ក៏ដោយ

560
ចែករម្លែក

ដោយ​៖ រ៉ូ​ហ្សា
​ភ្នំពេញ​៖
កម្ពុជា បាន​ធ្លា​ក់មក​ចំណាត់ថ្នាក់​លេខ​៩ លើ​តារាង នៃ​ព្រឹត្តិការណ៍​ប្រកួត​កីឡា​ស៊ី​ហ្គេម SEA GAMES 2019 លើក​ទី​៣០ នៅ​ប្រទេស​ហ្វីលីពីន បើទោះបីជា កម្ពុជា​ដណ្តើម​មេដាយ​សរុប ២១ គ្រឿង ក្នុងនោះ មេដាយមាស ១ គ្រឿង ប្រាក់​៣​គ្រឿង និង​សំរិទ្ធ ១៧ គ្រឿង ក៏ដោយ គិត​ត្រឹម​វេលា​ថ្ងៃត្រង់ ថ្ងៃទី​៣ ខែធ្នូ ឆ្នាំ​២០១៩ នេះ​។​

​ចំពោះ​ម្ចាស់ផ្ទះ ហ្វីលីពីន ដណ្តើម​មេដាយ ៧៩ គ្រឿង រួមមាន មេដាយមាស ៤១ គ្រឿង ប្រាក់ ២៣ គ្រឿង និង​សំរិទ្ធ ១៥ គ្រឿង ខណៈ​វៀតណាម ដណ្តើម​មេដាយ ៦០ គ្រឿង រួមមាន មេដាយមាស ១៨ គ្រឿង ប្រាក់ ២៤ គ្រឿង និង​សំរិទ្ធ ១៨ គ្រឿង និង​ឥណ្ឌូនេស៊ី ដណ្តើម​មេដាយ ៣៧ គ្រឿង រួមមាន មេដាយមាស ១០ គ្រឿង ប្រាក់ ១៤ គ្រឿង និង​សំរិទ្ធ ១៣ គ្រឿង​។​

​ចំពោះ​ប្រទេស​ម៉ាឡេស៊ី ដណ្តើម​មេដាយ ២១ គ្រឿង រួមមាន មេដាយមាស ១០ គ្រឿង ប្រាក់ ២ គ្រឿង និង​សំរិទ្ធ ៩ គ្រឿង​។ ថៃ ដណ្តើម​មេដាយ ៣៣ គ្រឿង រួមមាន មេដាយមាស ៧ គ្រឿង មេដាយប្រាក់ ១០ គ្រឿង និង​សំរិទ្ធ ១៦ គ្រឿង រីឯ​សិង្ហបូរី ដណ្តើម​មេដាយ ២៤ គ្រឿង រួមមាន មេដាយមាស ៥ គ្រឿង ប្រាក់ ៩ គ្រឿង និង​សំរិទ្ធ ១០ គ្រឿង​។​

​ចំណែក​ប្រទេស​មី​យ៉ាន់​ម៉ា ដណ្តើម​មេដាយ ២៤ គ្រឿង ក្នុងនោះ​មេដាយមាស ១ គ្រឿង ប្រាក់ ៥ គ្រឿង និង​សំរិទ្ធ ១៨ គ្រឿង និង​ព្រុយ​ណេ ដណ្តើម​មេដាយ ៩ គ្រឿង រួមមាន មេដាយមាស ១ គ្រឿង ប្រាក់ ៤ គ្រឿង និង​សំរិទ្ធ ៤ គ្រឿង​៕​v