​ក្រុម តេ​ក្វាន់​ដូ WT វិលត្រឡប់​ពី​ហ្វឹកហាត់ នៅ​កូរ៉េខាងត្បូង​

246
ចែករម្លែក

ដោយ​៖ រ៉ូ​ហ្សា
​ភ្នំពេញ​៖
នា​យប់​ថ្ងៃទី​១៥ ខែវិច្ឆិកា ឆ្នាំ​២១៩ នេះ ក្រុម​កីឡាករ​- កីឡាការិនី​តេ​ក្វាន់​ដូ WT (World Taekwondo) ចំនួន ៩ រូប បាន​វិលត្រឡប់​ពី​សាធារណរដ្ឋ​កូរ៉េ វិញ​ហើយ បន្ទាប់ពី​បាន​ទៅ​ហ្វឹកហាត់​នៅ​ទីនោះ អស់​រយៈពេល ២ ខែ ព្រមទាំង​បាន​ប្រកួត​ដើម្បី​ត្រៀមខ្លួន ចូលរួម​ព្រឹត្តិការណ៍​ការប្រកួត SEA GAMES 2019 លើក​ទី​៣០ នៅ​ប្រទេស​ហ្វីលីពីន​។​

ស្វាគមន៍​ការវិលត្រឡប់ នៃ​កីឡាករ កីឡាការិនី​តេ​ក្វាន់​ដូ​

​លោក គង់ ស​ក្ខិ​ដា អគ្គលេខាធិការ នៃ​ខេ​មរ​សហព័ន្ធ​តេ​ក្វាន់​ដូ WT (World Taekwondo) បាន​មានប្រសាសន៍ថាៈ ក្នុងចំណោម​អត្ត​ព​លិ​ក ទាំង ៩ រូបនោះ មាន​កីឡាករ ចំនួន ៥ រូប និង​កីឡាការិនី ចំនួន ៤ រូប ក្នុងនោះ មាន​កីឡាការិនី ស៊ន សៀវ​ម៉ី មួយរូប​ដែរ​។ កម្ពុជា ហ្វឹកហាត់​ជាមួយ​គ្រូ ដែលមាន​កម្រិត​ខ្ពស់ៗ នៅក្នុង​ប្រទេស​កូរ៉េខាងត្បូង មិនតែប៉ុណ្ណោះ ក៏មាន​ការប្រកួត​ច្រើន​ដែរ បើ​នៅ​ប្រទេស​កូរ៉េ មាន​ព្រឹត្តិការណ៍​អ្វី​នោះ កម្ពុជា នឹងចូលរួម​ប្រកួត​ភ្លាម​។​

​លោក​បាន​បន្ថែមទៀតថា ការហ្វឹកហាត់ នៅ​ប្រទេស​កូរ៉េ បានចាប់ផ្តើម​ពី ថ្ងៃទី​១៥ ខែកញ្ញា ឆ្នាំ​២០១៩ កន្លងមក គិត​មកដល់​ថ្ងៃទី​១៥ ខែវិច្ឆិកា ឆ្នាំ​២០១៩ រយៈពេល ២ ខែ ទើប​ត្រឡប់មកវិញ និង​បន្ត​ហាត់ នៅ​ប្រទេស​ខ្មែរ ១៥ ថ្ងៃ​ទៀត មុន​ចេញដំណើរ ទៅ​ប្រទេស​ហ្វីលីពីន​។​

ស្វាគមន៍​ការវិលត្រឡប់ នៃ​កីឡាករ កីឡាការិនី​តេ​ក្វាន់​ដូ​

​លោក​អគ្គលេខាធិការ បាន​អះអាងថា តេ​ក្វាន់​ដូ WT មិន​ត្រឹម​តែមាន​មហិច្ឆតា ចង់​ឈ្នះ​មេដាយ SEA GAMES ប៉ុណ្ណោះ​ទេ តែ​ត្រូវ​ចូលរួម​ជម្រុះ​អូឡាំពិក នៃ​ការប្រកួត​កីឡា​អូឡាំពិក តូ​ក្យូ ២០២០ ក្រៅពី​កីឡាការិនី ស៊ន សៀវ​ម៉ី កម្ពុជា នៅមាន​កីឡាការិនី​ខ្មែរ សញ្ជាតិ​អាមេរិក និង​កីឡាករ វ័យក្មេងៗ ប្រកបដោយ​គុណភាព​ទៀតផង​។​

​កីឡាករ​តេ​ក្វាន់​ដូ WT អោក តុលា​ឡង់ឌី បានទទួល​មេដៃ​មាស មួយគ្រឿង ក្នុង​ព្រឹត្តិការណ៍ ការប្រកួត​កីឡា​តេ​ក្វាន់​ដូ WT “KOREAN AMBASSADOR CUP Taekwondo world championship” នៅ​សាធារណរដ្ឋ​កូរ៉េ ក្នុងអំឡុងពេល នៃ​ការហ្វឹកហាត់ នៅ​កូរ៉េខាងត្បូង​នោះ ៕v

ស្វាគមន៍​ការវិលត្រឡប់ នៃ​កីឡាករ កីឡាការិនី​តេ​ក្វាន់​ដូ​