​គ្រោះថ្នាក់​ចរាចរណ៍​ទូទាំងប្រទេស​ថ្ងៃទី​១៧​ខែតុលា​ស្លាប់​៤​នាក់​របួស​១២​នាក់​

494

(​ភ្នំពេញ​)៖​តាម​របាយការណ៍​ពី​នាយកដ្ឋាន​នគរ​បាលច​រា​ចរណ៍​និង​សណ្ដាប់ធ្នាប់​សាធារណៈ​នៃ​អគ្គស្នងការដ្ឋាន​នគរ​បាល​ជាតិ បានបញ្ជាក់​ឱ្យដឹងថា​នៅ​ថ្ងៃទី​១៧ ខែតុលា ឆ្នាំ​២០១៧ មាន​ករណី​គ្រោះថ្នាក់​ចរាចរណ៍​នៅ​ទូទាំងប្រទេស​កើតឡើង​ចំនួន​៩​លើក​។ ក្នុងនោះ​បណ្ដាលឱ្យ​មនុស្ស​ស្លាប់​៤​នាក់ របួសស្រាល​៥​នាក់ និង​របួសធ្ងន់​៧​នាក់​។​

​របាយការណ៍​ដដែល​បានបញ្ជាក់​ឱ្យដឹងទៀតថា នៅក្នុង​ហេតុការណ៍ គ្រោះថ្នាក់​ចរាចរណ៍​ទាំង​៩​លើក​នេះ បណ្ដាល​ឲ្យ​ខូ​ត​ខាត​ម៉ូតូ ចំនួន​៩​គ្រឿង​-​រថយន្ត​តូច​៥​គ្រឿង​-​យាន​ផ្សេងៗ​មួយគ្រឿង​-​អ្នក​ថ្មើ​ជើង​ម្នាក់ និងរ​យន្ដ​ធុន​ធំ​មួយគ្រឿង​។​មូល​ហេតុដែល​បណ្ដាល​ឲ្យ​កើត មាន​គ្រោះថ្នាក់​ចរាចរណ៍ រួមមាន​ល្មើស​ល្បឿន​-​មិន​គោរព​សិទ្ធិ​-​មិន​ប្រកាន់​ស្ដាំ​-​បត់​គ្រោះថ្នាក់ និង​ប្រជែង​។​

​ចំពោះ​ករណី​គ្រោះថ្នាក់​ចរាចរណ៍​កើតឡើង​រយៈពេល​១៧​ថ្ងៃ ខែតុលា ឆ្នាំ​២០១៧​នេះ មាន​ចំនួន​១៣៣​លើក បណ្ដាល​ឲ្យ​មនុស្ស​ស្លាប់​ចំនួន​៥៤​នាក់ របួសធ្ងន់​ចំនួន​១២៨​នាក់ និង​របួសស្រាល​ចំនួន​៥១​នាក់​៕S/​ដោយ​៖​ហូ​សាន់​