​គ្រោះថ្នាក់​ចរាចរណ៍​ទូទាំងប្រទេស​ថ្ងៃទី​២​ខែមករា​ស្លាប់​៧​នាក់​របួស​១៥​នាក់​

441

(​ភ្នំពេញ​)៖​តាម​របាយការណ៍​ពី​នាយកដ្ឋាន​នគរ​បាលច​រា​ចរណ៍​និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ បានបញ្ជាក់​ដឹងថា​កាលពី​ថ្ងៃទី​២ ខែមករា ឆ្នាំ​២០១៨ មាន​ករណី​គ្រោះថ្នាក់​ចរាចរណ៍ នៅ​ទូទាំងប្រទេស​បានកើត​ឡើង​ចំនួន​១២​លើក​។ ក្នុងនោះ​បណ្ដាល​ឲ្យ​មនុស្ស​ស្លាប់​៧​នាក់​របួសស្រាល​ចំនួន​៥ និង​របួសធ្ងន់​១០​នាក់​។​

​របាយការណ៍​ដដែល​បានបញ្ជាក់​ឱ្យដឹងថា នៅក្នុង​ហេតុការណ៍ គ្រោះថ្នាក់​ចរាចរណ៍​ទាំង​១២​លើក​នេះ បណ្ដាល​ឲ្យ​ខូ​ត​ខាត​ម៉ូតូ​ចំ​នួ​១២​គ្រឿង រថយន្ត​តូច​៨​គ្រឿង និង​រថយន្ត​ធំ​១​គ្រឿង​។​មូល​ហេតុដែល​បណ្ដាល​ឲ្យ​កើត មាន​គ្រោះថ្នាក់​ចរាចរណ៍ រួមមាន​ល្មើស​ល្បឿន​-​មិន​គោរព​សិទ្ធ​-​មិន​ប្រកាន់​ស្ដាំ និង​ស្រវឹង​។​

​ចំពោះ​ករណី​គ្រោះថ្នាក់​ចរាចរណ៍​ដែល​កើតឡើង​រយៈពេល​២​ថ្ងៃ ខែមករា ឆ្នាំ​២០១៧​នេះ មាន​ចំនួន​២៨​លើក បណ្ដាល​ឲ្យ​មនុស្ស​ស្លាប់​១២​នាក់ របួសធ្ងន់​ចំនួន​២៧​នាក់ និង​របួសស្រាល​ចំនួន​១៥​នាក់​៕S/​ដោយ​៖​ហូ​សាន់

​គ្រោះថ្នាក់​ចរាចរណ៍​ទូទាំងប្រទេស​ថ្ងៃទី​២​ខែមករា​ស្លាប់​៧​នាក់​របួស​១៥​នាក់​