​គ្រោះថ្នាក់​ចរាចរ​ថ្ងៃទី​១២​ខែកញ្ញា​មនុស្ស​ស្លាប់​៦​នាក់​របួស​១២​នាក់​

216

​ដោយៈ​សាវ​រក្ស​/​ភ្នំពេញៈ​តាម​របាយការណ៍​ពី​នាយកដ្ឋាន​នគរ​បាលច​រាច​រណ៍ និង​សណ្តាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ ថ្ងៃទី​១២ ខែកញ្ញា ឆ្នាំ​២០១៨ មាន​ករណី​គ្រោះថ្នាក់​ចរាចរណ៍​នៅ​ទូទាំងប្រទេស​កើតឡើង ចំនួន​១១​លើក​(​យប់​៧​លើក​)​។​ក្នុងនោះ បណ្តាល​ឲ្យ​មនុស្ស​ស្លាប់​៦​នាក់ រងរបួស​ធ្ងន់​៩​នាក់​និង​របួសស្រាល ៣​នាក់​។​

​របាយការណ៍​បន្តថា នៅក្នុង​ហេតុការណ៍​គ្រោះថ្នាក់​ចរាចរណ៍​១១​លើក​នេះ បណ្តាល​ឲ្យ​ខូចខាត​យានយន្ត សរុប​ចំនួន ១៥​គ្រឿង រួមមាន ម៉ូតូ ចំនួន​៨​គ្រឿង​, រថយន្ត​ធុន​តូច ចំនួន​២​គ្រឿង​, រថយន្ត​ធំ ៤​គ្រឿង​និង​គោយន្ត​១​គ្រឿង​។

ក្នុងនោះ​អ្នក​មិន​ពាក់មួក​សុវត្ថិភាព ពេល​គ្រោះថ្នាក់​ចរាចរណ៍ ៧​នាក់​(​យប់​ម្នាក់​)​។​ចំណែក​មូលហេតុ​ដែល​ប​ណ្តា​ល​ឲ្យ​កើតមាន​ករណី​គ្រោះថ្នាក់​ចរាចរណ៍​រួមមានៈ ល្មើស​ល្បឿន ៤​លើក (​ស្លាប់​៣​នាក់​), មិន​គោរព​សិទ្ធ ១​លើក​, មិន​ប្រកាន់​ស្តាំ​១​លើក​, បត់​គ្រោះថ្នាក់ ២​លើក​(​ស្លាប់​២​នាក់​), ស្រវឹង ១​លើក​, ងងុយដេក​១​លើក​(​ស្លាប់​ម្នាក់​)​និង​កត្តា​យាន ១​លើក​។​

​គ្រោះថ្នាក់​ចរាចរណ៍​ទូទាំងប្រទេស​រយៈពេល​១២​ថ្ងៃ គិត​ចាប់ពី​ថ្ងៃទី​១ ខែកញ្ញា ដល់​ថ្ងៃទី​១២ ខែកញ្ញា ឆ្នាំ​២០១៨ មាន​គ្រោះថ្នាក់​ចំនួន​៩៦​លើក ស្លាប់​ចំនួន​៤៥​នាក់ របួស​សរុប​ចំនួន​១៣៥​នាក់ របួសធ្ងន់​៩៨​នាក់ របួសស្រាល​ចំនួន​៣៧​នាក់ ៕S/

​គ្រោះថ្នាក់​ចរាចរ​ថ្ងៃទី​១២​ខែកញ្ញា​មនុស្ស​ស្លាប់​៦​នាក់​របួស​១២​នាក់