​ឃាត់ខ្លួន​ជនជាតិ​វៀតណាម​១៥​នាក់​នៅ​ខណ្ឌ​ច្បារអំពៅ

578
ចែករម្លែក

​ដោយៈ​ឆាយា​នាថ​/​ភ្នំពេញៈ​ដើម្បី​ធានាបាន​លើ​ការងារ​គ្រប់គ្រង​ជនបរទេស​អន្តោប្រវេសន៍​ចូលមក​ស្នាក់នៅ​និង​ធ្វើការ​ក្នុងប្រទេស​កម្ពុជា​ឱ្យមាន​ប្រសិទ្ធភាព​កម្លាំង​នគរបាល​នៃ​អគ្គនាយកដ្ឋាន​អន្តោប្រវេសន៍​ក្រសួងមហាផ្ទៃ​បាន​បើក​ប្រតិបត្តិការ​ជា​បន្តបន្ទាប់​ចុះ​ត្រួតពិនិត្យ​ជនបរទេស​អន្តោប្រវេសន៍​នៅ​ទូទាំងប្រទេស ។ ​

អ្វីដែល​ជាការ​កត់សម្គាល់ តាមរយៈ​លទ្ធផល​ដែល​ក្រុមការងារ​អន្តោប្រវេសន៍​បើក​ប្រតិបត្តិការ​កន្លងមក រកឃើញ​ជនអន្តោប្រវេសន៍​បរទេស​ខុសច្បាប់​ច្រើ​ជាងគេ គឺ​ជនជាតិ​វៀតណាម ។​

​កាលពី​រសៀល​ថ្ងៃទី​៤​ខែកញ្ញា​ឆ្នាំ​២​ឥ​១៨​នេះ​ក្រុម​ប្រតិបត្តិការ​ចម្រុះ​នាយកដ្ឋាន​ស៊ើបអង្កេត​និង​អនុវត្ត​នីតិវិធី​នៃ​អគ្គនាយកដ្ឋាន​អន្តោប្រវេសន៍​ក្រសួងមហាផ្ទៃ សហការ​ជាមួយ​ស្នងការដ្ឋាន​នគរបាល​រាជធានី​ភ្នំពេញ និង​អធិការដ្ឋាន​នគរបាល​ខណ្ឌ​ច្បារអំពៅ។

ដោយមាន​ការសម្របសម្រួល​ពី​លោក​សៀង សុខ ព្រះរាជអាជ្ញារង​នៃ​អយ្យការ​អម​សាលាដំបូង​រាជធានី​ភ្នំពេញ បាន​បើក​ប្រតិបត្តិ​ការចុះ​ត្រួតពិនិត្យ​ផ្ទះជួល​មាន​ទីតាំង​នៅតាម​បណ្តោយ​ផ្លូវ​លេខ​៣៦៩ ភូមិ​ដើម​ចាន់ សង្កាត់​ច្បារអំពៅ​ទី​២ ខណ្ឌ​ច្បារអំពៅ ។​

ជា​លទ្ធផល​កម្លាំងចម្រុះ​បាន​ឃាត់ខ្លួន​ជនជាតិ​វៀតណាម​១៥​នាក់​ស្រី​៦​នាក់​ដែល​ចូលមក​ស្នាក់នៅ​រកស៊ី​និង​ធ្វើការ​ខុសច្បាប់ ពោលគឺ​គ្មាន​ឯកសារ​ត្រឹមត្រូវ​តាម​នីតិវិធី​ដែលមាន​ចែង​នៅក្នុង​ច្បាប់​អន្តោប្រវេសន៍ ។​

​លោកគឹមរតនាអធិការរងនគរបាលខណ្ឌច្បារអំពៅទទួលការងារអន្តោប្រវេសន៍ បានឱ្យដឹង​ដឹងថា បន្ទាប់ពី​រកឃើញថា ជនជាតិ​វៀតណាម​ទាំង​១៥​នាក់​ចូលមក​ធ្វើ​ការរក​ស៉ី​និង​ស្នាក់នៅ​ខុសច្បាប់​រួចមក បច្ចុប្បន្ន​ជនបរទេស​អន្តោប្រវេសន៍​ទាំង​១៥​នាក់​ត្រូវបាន​បញ្ជូន​ទៅកាន់​អគ្គនាយកដ្ឋាន​អន្តោប្រវេសន៍​ដើម្បី​បំពេញបែបបទ​បញ្ជូនទៅ​អគ្គនាយកដ្ឋាន​អន្តោប្រវេសន៍ ដើម្បី​បន្ត​នីតិវិធី ៕S/​