​ឃាត់ខ្លួន​ជនសង្ស័យ​ម្នាក់​បញ្ជូនទៅ​តុលាការ​ពីបទ​រំលោភសេចក្តីទុកចិត្ត​

292
ចែករម្លែក
  • 10
    Shares

ដោយៈ​គ្រ​ញួ​ង​/​បាត់ដំបងៈ​កម្លាំង​នគរបាល​ព្រហ្មទណ្ឌ​កម្រិតធ្ងន់​ខេត្តបាត់ដំបង​កាលពីរ​សៀ​ល​ថ្ងៃទី​១៥​ខែកុម្ភៈ​ឆ្នាំ​២០១៩​បាន​បញ្ជូន​ជនសង្ស័យ​ម្នាក់​ទៅ​តុលាការខេត្ត​ពីបទ​រំលោភសេចក្តីទុកចិត្ត​។​ករណីនេះ​ប្រព្រឹត្ត​នៅ​ចំណុច​ភូមិ​ផ្កាស្លា សង្កាត់​ចំការ​សំរោង ក្រុង​បាត់ដំបង ខេត្តបាត់ដំបង​កាលពី​ល្ងាច​ថ្ងៃទី​១៤​ខែកុម្ភៈ​ឆ្នាំ​២០១៩ ។​

លោក​សុខ សុផាន់​ណា​នាយរង​ការិយាល័យ​ព្រហ្មទណ្ឌ​កំរិតធ្ងន់​នៃ​ស្នងការដ្ឋាន​នគរបាល​ខេត្ត​បានឱ្យដឹងថា​ជនសង្ស័យ​មានឈ្មោះ​ស៊ឹម ពិសិដ្ឋ​ហៅ វិត​ភេទ​ប្រុស​អាយុ​៣០​ឆ្នាំ​នៅ​ភូមិ​ផ្កាស្លា​សង្កាត់​ចំការ​សំរោង​ក្រុង​បាត់ដំបង​ខេត្តបាត់ដំបង​ពាក់ព័ន្ធ​និង​ករណី​រំលោភសេចក្តីទុកចិត្ត​។​

​លោកនាយ​រងការិយាល័យ​បាន​បញ្ជាក់ថា​ការចាប់ខ្លួន​ជនសង្ស័យ​រូបនេះ​គឺ​អនុវត្តតាម​ដីកា​បញ្ជា​ឱ្យចូល​ខ្លួន​លេខ​០៩ ចុះ​ថ្ងៃទី​២៨​ខែមករា​ឆ្នាំ​២០១៩​របស់​តំណាង​អយ្យការ ឈិន សុ​ផុន​នៃ​សាលាដំបូង​ខេត្តបាត់ដំបង​។​ក្រោយពេល​អនុវត្ត​រួចរាល់ សមត្ថកិច្ច​ជំនាញ​បាន​នាំខ្លួន​ជនសង្ស័យ​ទៅ​សាលាដំបូង ខេត្តបាត់ដំបង ដើម្បី​ចាត់ការ​បន្ត​តាម​នីតិវិធី​ច្បាប់​៕S/