​ឃាត់ខ្លួន​ជនសង្ស័យ​៣​នាក់​និង​ដកហូត​ថ្នាំញៀន​នៅ​ស្ទឹងមានជ័យ​ទី​៣

142
ចែករម្លែក
  • 96
    Shares

ដោយ​៖​សាវ​រក្ស​/​ភ្នំពេញ​៖​កម្លាំង​នគរបាល​ប៉ុស្តិ៍​រដ្ឋបាល​ស្ទឹងមានជ័យ​ទី​៣​សហការ​ជាមួយ​កម្លាំង​សាលាសង្កាត់​ស្ទឹងមានជ័យ​៣ បាន​ចុះ​ធើ្វ​រដ្ឋបាល​ក្នុង​មូលដ្ឋាន​ឃាត់​ជនសង្ស័យ​៣​នាក់ កំពុង​នៅក្នុង​ផ្ទះ​។

សមត្ថកិច្ច​ឆែកឆេរ​ឃើញ​មាន​ម្ស៉ៅ​ក្រាម​ស​ថ្លា (​សង្ស័យ​ជា​គ្រឿងញៀន​)២​កញ្ចប់​រួមទាំង​ថង់​ផ្លា​ស្ទិ​ក​សម្រាប់​ច្រក​គ្រឿងញៀន​និង​ឧបករណ៍ប្រើប្រាស់​មួយចំនួនទៀត ។​

​ការឃាត់ខ្លួន​នេះ​ធ្វើឡើង​នៅ​ចំណុច​បន្ទប់​ផ្ទះជួល​គ្មាន​លេខ ផ្លូវ​បេតុង ភូមិ​ដំណាក់​ធំ​២ សង្កាត់​ស្ទឹងមានជ័យ​ទី​៣ ខណ្ឌមានជ័យ​កាលពី វេលា​ម៉ោង​១១​ថ្ងៃត្រង់ ថ្ងៃ​សុក្រ ទី​២២ ខែកុម្ភៈ ឆ្នាំ​២០១៩​នេះ ។

​លោក​អនុសេនីយ៍ឯក ឯម ភា​រី នាយប៉ុស្តិ៍​នគរបាល​ស្ទឹងមានជ័យ​៣ បានឱ្យដឹងថា ជនសង្ស័យ​ដែល​ឃាត់ខ្លួន​ទី​១. ឈ្មោះ ចេង អៀង ភេទ​ប្រុស អាយុ​៣១​ឆ្នាំ​ទី​២.​ឈ្មោះ មាន វណ្ណា​រ៉ូ ភេទ​ប្រុស អាយុ​១៩​ឆ្នាំ ។ ទី​៣.​ឈ្មោះ ពៅ ស្រស់ ភេទ​ប្រុស អាយុ​១៩​ឆ្នាំ ។

​ដោយ​ធ្វើ​ការដកហូត​វត្ថុតាង​រួមមាន ក្រាម​ពណ៌​ស​ថ្លា (​សង្ស័យ​ជា​គ្រឿងញៀន​) ចំនួន​២​កញ្ចប់​ធំ ជញ្ជីង​អេឡិចត្រូនិក​(​សម្រាប់​ថ្លឹង​គ្រឿងញៀន​)​ចំនួន​១​។​ទូរស័ព្ទដៃ​ចាស់​១​គ្រឿង​។​កូន​ថង់​ផ្លាស់​ស្ទិ​ក​សម្រាប់​វេច​ខ្ចប់​គ្រឿងញៀន​មួយចំនួន​និង​ឧបករណ៍​សម្រាប់​ប្រើប្រាស់​គ្រឿងញៀន​មួយចំនួន​។​

​បច្ចុប្បន្ន​ជនសង្ស័យ​ខាងលើ ត្រូវបាន​កម្លាំង​ប៉ុស្តិ៍​ស្ទឹងមានជ័យ​៣ ធ្វើ​ការកសាង​សំណុំរឿង បញ្ជូនទៅ​អធិការដ្ឋាន​នគរបាល​ខណ្ឌមានជ័យ ដើម្បី​ចាត់ការ​តាមច្បាប់​៕S/​