​ឃុំខ្លួន​បុរស​ម្នាក់​អុកឡុក​ហែក​ទង់ជាតិ​និង​ទង់​សញ្ញា​បក្សសម្ព័ន្ធ​LDP​ពេល​ឃោសនា​

458

​ដោយៈ​ចាន់ ថន​/​ព្រៃវែងៈ​កាលពី​ព្រឹក​ថ្ងៃទី​១៤​ខែកក្កដា​ឆ្នាំ​២០១៨ លោកស្រី រស់ បូ​ផា​ណា ចៅក្រម​ស៊ើបសួរ​នៃ សាលាដំបូង​ខេត្តព្រៃវែង បានចេញ​ដីកា​សម្រេច​ឃុំខ្លួន​ជន​ត្រូវ​ចោទ ឈ្មោះ ផូ ហយ ភេទ​ប្រុស​អាយុ​៣៣​ឆ្នាំ​នៅ ភូមិ​ស្វាយចេក ឃុំ​គោក​គង់​លិច ស្រុក​កញ្ជ្រៀច ខេត្តព្រៃវែង ដាក់ពន្ធនាគារ​ជា​បណ្ដោះអាសន្ន​ពីបទ​ធ្វើ​ឲ្យ​ខូចខាត​ដោយ​ចេតនា​។​

​តាម​មាត្រា​៤១០​នៃ​ក្រមព្រហ្មទណ្ឌ ដែល​បាន​ប្រព្រឹត្ត​នៅ​ភូមិ​ស្វាយចេក ឃុំ​គោក​គង់​លិច ស្រុក​កញ្ជ្រៀច ខេត្តព្រៃវែង កាលពី​ព្រឹក​ថ្ងៃទី​១៣​ខែកក្កដា​ឆ្នាំ​២០១៨​។​លោក​ឧត្ដមសេនីយ៍ទោ ស្រេង ជា ស្នងការ​ខេត្តព្រៃវែង​បាន​ឲ្យ​ដឹងថា កាលពី​ព្រឹក​ថ្ងៃទី​១៣ កក្កដា ឆ្នាំ​២០១៨ នៅ​ចំណុច​ភូមិ​ស្វាយចេក ឃុំ​គោក​គង់​លិច ស្រុក​កញ្ជ្រៀច ខេត្តព្រៃវែង​។​

​ជន​ត្រូវ​ចោទ​បាន​ស្រវឹងស្រា ហើយ​មក​អុកឡុក ដក​ដ​ង្គៀ​ប​អាគុយ​មេក្រូ និង​ហែក​ទង់ជាតិ ទង់​សញ្ញា​គណបក្ស​សម្ព័ន្ធ​ដើម្បី​ប្រជាធិបតេយ្យ អស់​ចំនួន​២​ផ្ទាំង​។​ខណៈ​សកម្មជន​គណបក្ស​សម្ព័ន្ធ​ដើម្បី​ប្រជាធិបតេយ្យ ឈ្មោះ ជុន អុល ភេទ​ប្រុស អាយុ​៦៤​ឆ្នាំ រស់នៅ​ភូមិ​គោក​គង់​កើត ឃុំ​គោក​គង់​លិច ស្រុក​កញ្ជ្រៀច និង​សមាជិក​បក្ស កំពុង​ជិះ​ម៉ូតូ​២​គ្រឿង ដោយមាន​ដឹក​មេក្រូ​ចាក់ ដើម្បី​ឃោសនា​ក្នុង​យុទ្ធនា​ការរក​សម្លេងឆ្នោត ភ្លាមនោះ​ជនរងគ្រោះ​បាន​ប្ដឹង​សមត្ថកិច្ច​ឃាត់ខ្លួន​តែម្ដង​៕S/​

​ឃុំខ្លួន​បុរស​ម្នាក់​អុកឡុក​ហែក​ទង់ជាតិ​និង​ទង់​សញ្ញា​បក្សសម្ព័ន្ធ​LDP​ពេល​ឃោសនា​