​ចាប់ខ្លួន​បុរស​ម្នាក់​ដែល​ជិះ​រថយន្ត​ទំនើប​ដើរ​លួច​នៅ​បុរី​អ័​រ​គី​ដេ​

263

(​ភ្នំពេញ​)៖​នគរបាល​ការិយាល័យ​ព្រហ្មទណ្ឌ​កម្រិតធ្ងន់​ក្រសួងមហាផ្ទៃ​កាលពី​ថ្ងៃទី​១៩​តុលា​ឆ្នាំ​២០១៧​បានធ្វើការ​ស្រាវជ្រាវ​ចាប់​បុរស​ម្នាក់​ដែល​ជិះ​រថយន្ត​ដើរ​ធ្វើ​សកម្មភាព​លួច​ទ្រព្យសម្បត្តិ​តាម​បុរី​ទំនើប​ថ្លៃៗ​តែ​ភ្លាត់​ស្លៀ​ត​ជ្រុះ​នាមប័ណ្ណ​នៅ​កន្លែងកើតហេតុ​ពេល​រត់​ប្រាស់​ចោល​រថយន្ត​ទំនើប​មួយគ្រឿង​ដែល​ទើប​និង​ទិញ​។​បុរស​រូបនេះ​ឈ្មោះ​គង់​មាន​អាយុ​៣២​ឆ្នាំ​ត្រូវ​សមត្ថកិច្ច​បញ្ជូនទៅ​តុលាការ​កាលពី​ថ្ងៃទី​១៩​តុលា ឆ្នាំ ២០១៧​ដើម្បី​ឲ្យ​លោក​ហ៊ឹង ប៊ុនថន ព្រះរាជអាជ្ញារង​អម​សាលាដំបូង​រាជធានី​ភ្នំពេញ​ធ្វើការ​សាកសួរ​។​

​ទាក់ទិន​ការចាប់ខ្លួន​នេះ​លោក​វរៈសេនីយ៍ឯក​ជាវ វិបុល ប្រធានការិយាល័យ​នគរបាល​ព្រហ្មទណ្ឌ​កម្រិតធ្ងន់​ក្រសួងមហាផ្ទៃ ឲ្យ​ដឹងថា កាលពី​ថ្ងៃទី​១៣​ខែ តុលា​ឆ្នាំ ២០១៧ មាន​ករណី​ចោរ​មួយក្រុម​ជិះ​រថយន្ត​ម៉ាក​TUNDRA​ពណ៌​ស​គ្មាន​ពាក់​ស្លាក​លេខ បានធ្វើ​សកម្មភាព​ចូល​លួច​យកលុយ​នៅផ្ទះ​លេខ​JL០១ ផ្លូវ​ចំប៉ី ភូមិ​បុរី​អរ​គី​ដេ សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ ។

​លោក ជាវ វិបុល​បាន បន្តថា នៅពេល​ចោរ​មួយក្រុម​នោះ​ចេញ​ធ្វើ​សកម្មភាព ត្រូវបាន​សន្តិសុខ​យាម​បុរី​ឃើញ​ទាន់ ហើយ​ដេញ​រត់​ប្រាស់​អាយុ​ចោល​រថយន្ត ដែល​ក្នុង​រថយន្ត​នោះ​មាន​បន្សល់ទុក​នាមប័ណ្ណ​មួយ​សន្លឹក​ផង ជា​តម្រុយ​ធ្វើ​ឲ្យ​សមត្ថកិច្ច​របស់លោក​ឈានដល់​ការចាប់ខ្លួន​ជនសង្ស័យ​ម្នាក់នេះ ។​

​នៅពេល​ចាប់ខ្លួន​ឈ្មោះ គង់ មាន បាន​សារភាពថា ខ្លួន​ពិតជា​ក្រុមចោរ​ជិះ​រថយន្ត​ដើរ​លួច​តាម​ផ្ទះ​ប្រជាពលរដ្ឋ​មែន ក្នុងនោះ​មាន​បក្ខពួក​២​នាក់ បាន​លួច​ចំនួន​៣​លើក​មកហើយ​គឺ​លួច​តែ​ក្នុង​បុរី​អ័​រ​គី​ដេ​ដដែល​នោះ ។​ចម្លើយ​បន្តថា លួច​លើក​ទី​១.​នៅ​ថ្ងៃទី​១២​ខែ តុលា វេលា​រំលង​អា​ធ្រា​ត្រ​ខ្លួន និង បក្ខពួក​បាន​ជិះ​រថយន្ត​ម៉ាក​ធុន​ដ្រា​ទៅធ្វើ​សកម្មភាព​ផ្លោះ​របង​ឡើង​ចូល​លួច​សម្ភារៈ​លុយកាក់​នៅផ្ទះ​ប្រជាពលរដ្ឋ​ក្នុង​បុរី​អ័​រ​គី​ដេ បាន​លុយកាក់ និង សម្ភារៈ​មួយចំនួន យកទៅ​ចាយវាយ ផឹង​ស៊ី​អស់​ទៅ ។

លើក​ទី​២.​នៅ​ថ្ងៃទី​១៣​ខែ តុលា វេលា​ទាបភ្លឺ​មាន​គ្នា​២​នាក់​បាន​ជិះ​រថយន្ត​ធុន​ដ្រា​ដដែល​ទៅធ្វើ​សកម្មភាព​លួច​នៅក្នុង​បុរី​នោះ​ទៀត គឺ​លួចបាន​ប្រាក់​ចំនួន ៣៧.០០០ ដុល្លារ​អាមេរិក ដែល​ម្ចាស់ផ្ទះ​បាន​ទុក​នៅក្នុង​ក្នុង​ថតតុ ។
ចម្លើយ​បាន​បន្តថា​ពេល​លួចបាន​ប្រា​ក់ជាង​៣​ម៉ឺន​ដុល្លារ រូបគេ​ក៏បាន​យកប្រាក់​នោះ​ទៅ​ទិញ​រថយន្ត​១​គ្រឿង​ម៉ាក​ស៊ីណា​ពណ៌​ស នៅ​ហាង​លក់​រថយន្ត​យីហោ លី គឹមហុង ស្ថិតនៅ​សង្កាត់​វាលវង់ ខណ្ឌ​៧​មករា ដោយមាន​ការដោះដូរ និង​កាត់កង​ជាមួយ ជាមួយ​រថយន្ត​ធុន​ដ្រា​នោះ​ផង ព្រមទាំង​សល់​ប្រាក់​ប៉ុន្មាន​ចែកគ្នា​ចាយវាយ​ផឹកស៊ី​ស្រី​ញី​អូន​បង ។

លើក​ទី​៣.​នៅ​ថ្ងៃទី​១៥​ខែ តុលា វេលា ម៉ោង ១​យប់ រូបគេ និង​បក្ខពួក​ម្នាក់ទៀត​បាន​ជិះ​រថយន្ត​ម៉ា​ស៊ីណា​ទើប​ទិញ​ថ្មី​ទៅ​ផឹកស៊ី​នៅ​ក្លិប​មួយ រួច​ហើយក៏​ចេញទៅ​លួច​នៅ​បុរី​អ័​រ​គី​ដេ​ដដែល​។ តែ​លើក​នេះ​ពេលទៅដល់ ស្រាប់​ជួប​សន្តិសុខ​យាម​ការពារ​បុរី ហើយក៏​ត្រូវ​សន្តិសុខ​នោះ​ស្រែក​ឆោឡោ​បណ្តាល ឲ្យ​ពួកគេ​រត់​ប្រាស់​អាយូស​ចោល​រថយន្ត​តែម្តងទៅ ។​

​លោក ជាវ វិបុល បាន​បន្តថា ក្រោយពេល​ចោរលួច​រត់គេចខ្លួន​ស​ម​ត្ថ​កិច្ច បាន​ទៅយក​រថយន្ត​នោះមក​រក្សាទុក ដើម្បី​ស្រាវជ្រាវ​ស្វែងរក​ម្ចាស់​វា​។​តែ​ទោះជា​យ៉ាងណា​រាល់​សកម្មភាព​លួច​ទាំង​៣​លើក​របស់​ជនសង្ស័យ​មាន​ជាប់​ក្នុង​កាមេរ៉ា​សុវត្ថិភាព​ម្ចាស់ផ្ទះ​ក្នុង​បុរី​នោះ​ទាំងអស់ ដែលជា​ភស្តុ​ង​តាង​សម្រាប់​ដាក់បន្ទុក ៕S/​ដោយៈ​ស​រិ​ទ្ធ

​ចាប់ខ្លួន​បុរស​ម្នាក់​ដែល​ជិះ​រថយន្ត​ទំនើប​ដើរ​លួច​នៅ​បុរី​អ័​រ​គី​ដេ​