​ឆ្នាំនេះ ខេត្តស្វាយរៀង នឹង​ធ្វើជា​ម្ចាស់ផ្ទះ ក្នុងការ​ប្រកួត​កីឡា​ទូក​កា​នូ និង​រ៉ូ​វី​ង​កម្ពុជា​

478
ចែករម្លែក

ដោយ​៖ វ៉ៃ​កូ​
​ស្វាយរៀងៈ កាលពី​រសៀល ថ្ងៃទី​៨ ខែកក្កដា ឆ្នាំ​២០១៩ នេះ លោក ម៉ែន វិបុល អភិបាលខេត្ត​ស្វាយរៀង បាន​ជួបប្រជុំជាមួយ លោក​បណ្ឌិត មាស សារិន អនុប្រធាន​អចិន្ត្រៃយ៍ សហព័ន្ធ​កីឡា​ទូក​កា​នូ និង រ៉ូ​វី​ង​កម្ពុជា ដើម្បី​ពិភាក្សារ​ការងារ​រៀបចំ ការប្រកួត​កីឡា​ទូក​ប្រពៃណី ខ្នាត​អន្តរជាតិ “​ទូក​នាគ​” ជ្រើសរើស​ជើងឯក​ពានរង្វាន់ សម្តេច​ក្រឡាហោម ស ខេង ។​

លោក ម៉ែន វិបុល អភិបាលខេត្ត​ស្វាយរៀង

​ការប្រកួត​កីឡា​ទូក​ប្រពៃណី ខ្នាត​អន្តរជាតិ “​ទូក​នាគ​” ជ្រើសរើស​ជើងឯក​ពានរង្វាន់ សម្តេច​ក្រឡាហោម ស ខេង នេះ គ្រោង​នឹង​ប្រព្រឹត្តទៅ នៅ​ថ្ងៃទី ២៧-២៨ ខែកក្កដា ឆ្នាំ​២០១៩ ឆាប់ៗ​ខាងមុខនេះ នៅ​ទន្លេ​វ៉ៃ​គោ ក្រុង​ស្វាយរៀង​។​

​នៅក្នុង​ឱកាស​នោះ លោក​អភិបាលខេត្ត បាន​សម្តែង​នូវ​ការ​អរគុណ និង​ស្វាគមន៍​យ៉ាង​កក់ក្តៅ ចំពោះ​ប្រតិភូ​សហព័ន្ធ​កីឡា​ទូក​កា​នូ និង​រ៉ូ​វី​ង​កម្ពុជា ដែល​បានជ្រើសរើស​យក​ខេត្តស្វាយរៀង ធ្វើជា​ម្ចាស់ផ្ទះ ក្នុងការ​ប្រកួត​កីឡា​ទូក​កា​នូ និង​រ៉ូ​វី​ង​កម្ពុជា នៅ​ទីតាំង​ទន្លេ​វ៉ៃ​គោ ក្រុង​ស្វាយរៀង​នេះ ។

លោក​បណ្ឌិត មាស សារិន អនុប្រធាន​អចិន្ត្រៃយ៍ សហព័ន្ធ​កីឡា​ទូក​កា​នូ និង រ៉ូ​វី​ង​កម្ពុជា

​លោក​បាន​បន្តថា រដ្ឋបាលខេត្ត​ស្វាយរៀង នឹងចូលរួម​សហការ ទៅលើ​កិច្ចការងារ​ផ្សេងៗ ដូចជា សន្តិសុខ សណ្តាប់ធ្នាប់ អនាម័យ បរិស្ថាន និង​ការងារ​សំខាន់ៗ មួយចំនួនទៀត ដើម្បី​ឲ្យ​ការរៀបចំ ប្រព្រឹត្តិ​ទៅដោយ​រលូន បង្ករ​ភាពសប្បាយ​រីករាយ ជូន​ដល់​បងប្អូន​ប្រជាពលរដ្ឋ និង​ទទួលបាន​លទ្ធផល ល្អប្រសើរ​៕v